2 Juan 1:11 - Xochapa Mixteco

¹¹ Saa chi tá ndá na xáa vata xiꞌin na, ta ndíkiꞌin vaꞌa ñaꞌa na, ta ya ñaa kúni kachi ya íyo yuꞌu na xiꞌin taꞌan na xaꞌa ya väꞌa sínaꞌa na.

2 Juan 1:11 Mawu Ofanana

Efesios 5:11

Ta ïkan ndo ñaꞌa väꞌa taꞌan ñaꞌa ya íkan na ñaa nuu naá. Ta vaꞌa ndituꞌun ndo xiꞌin na ya ná kundaa ini na xaꞌa ñaꞌa ya väꞌa íkan na.

1 Timoteo 5:22

Saa kuenta ni koo un tá chínuu ndaꞌa un sata iin ra ñani yo ya ndíkuiso chiñu ra xiꞌin na veꞌe ñuꞌu. Saa chi tá väꞌa íkan ra, ta mií un ndíkuiso kuachi xaꞌa ya íkan ra ñaa. Yakan yóꞌo̱, ta kuenta ni koo un, kundaa ni un mií un, nina ya vaꞌa ndikani ini un ikan un.

HEBREOS 5:13

Tá íin na vali chíchin saa íin ndo, chi köo kúndaa ini ndo ndá kuꞌva koo ndo, ta ni köo xíni ndo unkua vaꞌa ta unkua väꞌa.

Judas 1:23

Ta chindee taꞌan ndo xiꞌin na ná kaku na, ndixita ndo na täxi ndo kuꞌun na nuu koko na, saa kundaꞌvi ni ini ndo kuni ndo inka na, ta xíniñuꞌu kuenta ni koo ndo xiꞌin mií ndo, saa ná kundási nuu ndo chiñu väꞌa ya kini ni íkan na.

El Apocalipsis 18:4

Saa xi̱ni soꞌo i tachi inka na nuu ndivi, káchi ya saa: ―Ndóꞌo̱ ñuu mií i, xíniñuꞌu ndo kana koo ndo ñuu väꞌa yóꞌó, ya ná ïkan ndo taꞌan ya väꞌa íkan na. Xíniñuꞌu ndo kana koo ndo ya ná ndöꞌo ndo ya ndee ni kundoꞌo mií na xaꞌa kuachi na.