2 Corintios 8:3 - Xochapa Mixteco

³ Ta nda yeꞌe, káꞌan xaꞌa na ya i̱kan na saa yáꞌa ni víꞌi kua ta̱xi na chi kúndaꞌvi ni na, ta vaꞌa chi ini mií va na ka̱na ya i̱kan na saa.

2 Corintios 8:3 Mawu Ofanana

San Marcos 14:8

Ta yá yóꞌó i̱kan yá ya vaꞌa xiꞌin i nda nuu xíto yá kéta ndaꞌa yá. Vaꞌa ni ya i̱kan yá xiꞌin i, chi ndi̱koyo ndee yá nduta tami xáꞌan xiní i, xa̱a ndúvi yá xiꞌin i ya kuꞌun i nduxin i.

Los Hechos 11:29

Saa xi̱ni soꞌo na tuꞌun Ndioxi ya ndi̱kaꞌan ra Agabo, ñaa chi̱taꞌan tuꞌun na tiꞌvi na xuꞌun kuꞌun ndaꞌa na taꞌan na ndóo Judea. Tá kuꞌva náni ndaꞌa iin iin na, saa íyo ya ta̱xi na.

ROMANOS 10:2

Xa xíni i ya vaꞌa ni íkan na, chíkaa ni na ndee xáa toꞌo na Ndioxi, sundi köo kúndaa ini na ndá ñaꞌa ku ya xíniñuꞌu ni na ikan na.

1 Corintios 16:2

Ta kivi núnu̱ú xaꞌa semana ta vaꞌa tava síin iin iin ndo loꞌo xuꞌun tañu ya kíꞌin ndo xáa chiñu ndo, tá kuꞌva síkaꞌán mií Ndioxi ini iin iin ndo chindee ndo na, kuꞌva saa koo ya taxi ndo, ta ná koo tuꞌva ya tá ná xaa i ta ndïkaya ka ndo ya.

1 Corintios 9:17

Sundi tá xaꞌa ya kúni mií i íkan i ku chiñu yóꞌó nuu Jesucristo, ta nda naꞌa ta chaꞌvi va na yeꞌe. Ta süvi saa íyo ya, süvi mií i ndínduku chiñu yóꞌó, chi mií Ndioxi ku ra ka̱na yeꞌe ta xa̱ꞌnda ra chiñu nuu i ya kaꞌan ndoso i tuꞌun vaꞌa xaꞌa Tata yo Jesucristo xiꞌin naꞌa.

Gálatas 4:15

Ta ndee ni va vaꞌa ku̱sini ndo xi̱ni ndo yeꞌe, ta ¿mií chí ki̱ndoo ya i̱kan ndo saa xiꞌin i? Chi tiempo ikán ta nda nduchi nuu va ndo ku̱ni ndo tava ndo taxi ndo ndaꞌi tá ya ndíkuvi kua.

Filipenses 2:13

Saa chi Ndioxi ku ra chíkaa ya vaꞌa ini ndo ya kuni ndo ikan ndo ya vaꞌa, ta suvi ra chíndee ndóꞌo̱ ya xaa súvi ndo ya kúni mií ra.

Colosenses 4:13

Ta kúni i kaꞌan i xiꞌin ndo xaꞌa ra Epafras, ndee ni xáa chiñu ra xaꞌa ndo, ta saa tu xaꞌa na ñuu Laodisea xiꞌin na ñuu Hierápolis.

1 Tesalonicenses 2:8

Ta kúꞌvi ni ini nde xíni nde ndóꞌo̱ xaꞌa ya ñaa kua kúsini ni nde ndítuꞌun nde tuꞌun vaꞌa xaꞌa Tata yo Jesucristo xiꞌin ndo. Ta nda ndi̱taxi nde mií nde ya kuvi nde xaꞌa ndo, saa chi yáꞌa ni kúꞌvi ini nde xíni nde ndóꞌo̱.

FILEMÓN 1:14

sundi nda iin ñaꞌa köo kúni i ikan mií i, chi täꞌan ndituꞌun taꞌan yo xaꞌa ya mani ndúku i nuu un, ya kundaa ini un án vaꞌa túvi un, chi köo kúni i xaa ndúxa i xiꞌin un ikan un ya káꞌan i xiꞌin un, nima mií un ná kana ya ikan un xiꞌin i.

1 Pedro 4:11

Ta ndóꞌo̱ ndi̱niꞌi ya vaꞌa xínituni ke̱e nuu Ndioxi ya kaꞌan ndoso ndo, ta vaꞌa kaꞌan ndoso ndo tá kuꞌva kúni mií Iva yo Ndioxi. Ta saa ndóꞌo̱ ndi̱niꞌi ya vaꞌa chindee taꞌan ndo xiꞌin inka naꞌa, ta vaꞌa chindee taꞌan ndo xiꞌin na xiꞌin ndiꞌi ndee ya ta̱xi Iva yo Ndioxi ndaꞌa ndo. Ta ndiꞌi ya íkan ndo, ta vaꞌa ikan ndo ya, ya xaa kaꞌnu ndo Ndioxi tixin Tata yo Jesucristo, ra ndee ni ndee ku mií xiꞌin ya luvi ni kúu mií ra, ta saa koo ra ndiꞌi saa kúu tiempo. Saa ná koo.

1 Pedro 5:2

Ta yeꞌe xíkan ni i ya mani nuu ndo, kundaa ni ndo na ñani yo, na si̱kuiso chiñu Tata yo ndóꞌo̱. Tá kuꞌva ndáa iin taa levo sana ra, kuꞌva saa vívií kundaa ndo na, ta ïkan ndo ya xaꞌa ya nduxa án xaꞌa xuꞌun. Vaꞌa ikan ndo tá kuꞌva kúni mií Ndioxi, kusini ni ndo ya íkan ndo saa.