2 Corintios 7:5 - Xochapa Mixteco

⁵ Ta saa káꞌan i xiꞌin ndo, nda nani xa̱a nde ñuu estado Macedonia yóꞌó, ta nda loꞌo täꞌan ndikundee nde, ndiꞌi ni kúu nuu tindoꞌo ñúꞌu nde, ta íyo ni na sáa ini xíni ndeꞌe, íꞌvi ka vi nde.

2 Corintios 7:5 Mawu Ofanana

Los Hechos 20:1

Sindiꞌi tá xi̱kuiin kuachi ñuu Éfeso ikán, ta saa ka̱na ra Pablo ndiꞌi na kándixa Jesús, xáꞌa ra ndee xiꞌin na. Saa nu̱mi ra na ta ndi̱kaꞌan ndioxi ra xiꞌin na, saa ke̱e ra kuaꞌan ra chí estado Macedonia.

ROMANOS 15:26

Saa chi na taꞌan yo, na veꞌe ñuꞌu na ndóo chí ñuu Macedonia xiꞌin na ndóo chí ñuu Acaya, ndi̱kani ini na ndi̱kaya na loꞌo xuꞌun ya tiꞌvi na kuꞌun ndaꞌa na taꞌan yo, na ndaꞌvi, ndóo ñuu Jerusalén.

1 Corintios 15:31

Ta ya ndixa kua káꞌan i xiꞌin ndo ñani yo, kuꞌva yo, iin iin kivi táku i xíka i, ta ìyo ka vi kuvi i xíka i. Ta ya ndaa ni va ku ya káꞌan i xiꞌin ndo, saa kútai ni ini i xíni i ndóꞌo̱ xaꞌa ya kándixa ndo Tata yo Jesucristo.

1 Corintios 16:5

Ndíkani ini i kuꞌun i koto i ndóꞌo̱ ñuu Corinto, ta xiꞌna chí estado Macedonia yaꞌa i saa xaa i nuu ndo.

2 Corintios 2:13

Sundi köo ndi̱kuvi xaa chiñu i, chi si̱ndiꞌi ni ya ini i xaꞌa ya köo ndi̱taꞌan i ra Tito ñani yo, yakan vaꞌa ka ndi̱kaꞌan ndioxi i xiꞌin na ñani yo ñuu Troas, ta ndi̱kiꞌin i kuaꞌan i chí estado Macedonia.

2 Corintios 2:3

Xaꞌa ya ñaa kua vaꞌa ka ta̱a i tutu xaa ya nuu ndo, ta köo ndi̱xaa mií i nuu ndo, ya ná xäa suchi i ini ndo. Chi tá ná ndi̱kitaꞌan tuku i xiꞌin ndo ta xäa suchi ndo ini i, xaa sií va ndo ini i.

2 Corintios 2:9

Ya ta̱a i tutu xaa nuu ndo nuu káꞌan i xiꞌin ndo xaꞌa ya i̱kan ra ñaa, ta xaꞌa ya kúni i koto ndoso i ndóꞌo̱ án ya ndixa kua xáa súvi ndiꞌi ndo ya káꞌan i xiꞌin ndo, xaꞌa ya ñaa kua ta̱a i ya xaa ya nuu ndo.

Gálatas 4:11

Ta xaꞌa ya íkan ndo saa kua íꞌvi ni va i xiꞌin ndo chi án sana ya mani uun va kua ndi̱kaꞌan ndoso i tuꞌun Ndioxi xiꞌin ndo.

1 Tesalonicenses 3:5

Xaꞌa ya ñaa kua köo ndi̱kundee ka ini i kundatun i, chi kúni ni i kundaa ini i ndá kuꞌva kándixa ndo Tata yo Jesucristo, yakan vaꞌa ka ti̱ꞌvi i ra Timoteo ñani yo xaa ra nuu ndo koto ra ndóꞌo̱. Süvi ka vi ya sindaꞌvi kiti nǎꞌa ndóꞌo̱ ya ikan ndo ya väꞌa, chi tá tu ná ikan ndo saa ta ni köo ndáa yaꞌvi ya i̱kan nde xiꞌin ndo, ya uun kuiti va kua xa̱a chiñu nde xiꞌin ndo.