2 Corintios 7:2 - Xochapa Mixteco

² Xíkan ni nde ya mani nuu ndo ya ná kuna ndo nima ndo nuu nde, ya ndikiꞌin mani ndo ndeꞌe. Saa chi nda iin ya väꞌa köo ndíkan nde xiꞌin ndo, ta saa ni nda iin ndo köo ndi̱xaa ndikuu nde xiꞌin, ni nda iin tu ndo köo ndi̱sindaꞌvi va nde.

2 Corintios 7:2 Mawu Ofanana

San Mateo 10:14

Tá tu köo xíin na ndikuiso na ndóꞌo̱, ta ni köo xíin na kuni soꞌo na ya káꞌan ndo, ta vaꞌa kana koo ndo veꞌe na, án ñuu na, kisi ndo yaa ya chi̱chi xaꞌa ndo, ya ná kundaa ini na ku̱ndasi na ndóꞌo̱.

San Mateo 10:40

’Ndiꞌi na ndíkiꞌin vaꞌa ndóꞌo̱, ta yeꞌe ku i ndíkiꞌin na, ta ndiꞌi na ndíkiꞌin yeꞌe ta ndíkiꞌin na Iva i Ndioxi, ra ti̱ꞌvi yeꞌe vaxi i.

San Lucas 10:8

Tá xáa ndo iin ñuu ndíkiꞌin vaꞌa na ndóꞌo̱ tin táxi na ñaꞌa kuxi ndo, ta kuxi ndo ndá ka mií ñaꞌa táxi ndaꞌa ndo.

Los Hechos 20:33

Tá ndi̱xiyo i xiꞌin ndo ta köo xuꞌun ni toto köo ndi̱nduku i nuu, nda iin ñaꞌa ndo köo ndi̱kutoo i.

ROMANOS 16:18

Naꞌa na íkan saa, ta köo ndíkun na Jesucristo, ndisaa ya kúni mií na íkan na. Vaꞌa ni káꞌan na, luvi ni káꞌan na ya síndaꞌvi na naꞌa, na kándixa ndiꞌi ndá ka mií ñaꞌa ya xíni soꞌo na.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

2 Corintios 11:16

Saa káꞌan tuku i xiꞌin ndo ya ná ndïkani ini ndo xaꞌa i ya káꞌan i xiꞌin ndo ya tá káa iin ra kíꞌvi saa káa i, chi tá tu ndá ndóꞌo̱ ndíkani ini xaꞌa i ya kíꞌvi i, túvi ndo. Ta vaꞌa kuni soꞌo ndo ya káꞌan i xiꞌin ndo, saa kua kutai loꞌo tu ini yeꞌe va xiꞌin ndo.

2 Corintios 11:9

Tá ndi̱xiyo i xiꞌin ndo ñuu Corinto, ni kumani va ñaꞌa ya xíniñuꞌu i nuu i, ta köo ndi̱sindiꞌi i ini nda iin ndo ya nduku i ñaꞌa nuu ndo. Tá ndi̱xaa nda ñani yo nda ndóo chí estado Macedonia nuu i, ta nda ikán ku nda chi̱ndee taꞌan xiꞌin i xaꞌa ñaꞌa ya xi̱niñuꞌu i. Ta kuꞌva saa ikan i nda vitin, sïndiꞌi i ini ndo ya chindee taꞌan ndo xiꞌin i xaꞌa ñaꞌa ya xíniñuꞌu i.

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

Filipenses 2:29

Tá ná xaa ra nuu ndo, ta ndikiꞌin vaꞌa ndo ra, kusini ni ndo xiꞌin ra. Chi ra yóꞌó ta ndee ni xáa chiñu ra nuu Tata yo Jesucristo. Ta ndiꞌi na íkan tá kuꞌva íkan ra yóꞌó ta xaa toꞌo ni ndo na.

Colosenses 4:10

Saa ra Aristarco ñani yo, tíꞌvi ni ra tuꞌun mani xaa nuu ndo, ra ndíkaa xiꞌin i veꞌe kàà yóꞌó ku ra. Saa tu ra Marcos, ra kúu xaxin ra Bernabé ñani yo, tíꞌvi ra tuꞌun mani xaa nuu ndo. Tá ndá kivi xaa ra Marcos, ñani yo nuu ndo koto ra ndóꞌo̱, ta xa ndi̱tuꞌun i xaꞌa ra xiꞌin ndo ta vaꞌa ndikiꞌin mani ndo ra.

1 Tesalonicenses 2:10

Ta mií ndo ku ndo ndíkuiin xaꞌa nde xiꞌin Ndioxi, chi tá kivi ndi̱xiyo nde xiꞌin ndo ta vívií ni va ndi̱xiyo nde xiꞌin ndo, tá kuꞌva íyo naꞌa, na i̱í ini, na nda̱a̱ ni ini, na ndǎku ini, kuꞌva saa ndi̱xiyo nde xiꞌin ndo.

FILEMÓN 1:12

Ta tíꞌvi i ra ndiko koo ra xaa ra nuu un, ta ikan ni un ya mani ndikiꞌin loꞌo un ra, tá kuꞌva ndikiꞌin vií ni un yeꞌe, kuꞌva saa ndikiꞌin vií un ra.

FILEMÓN 1:17

Ta xaꞌa ya ndíkun yo Iva yo Ndioxi, yakan vaꞌa vií ni ndikiꞌin un ra ñani yo Onésimo ñaa, tá kuꞌva vií ni ndikiꞌin un yeꞌe, kuꞌva saa vií ndikiꞌin un ra.

2 Juan 1:10

Tá ndá na xáa nuu ndo, ta köo sínaꞌa na ndóꞌo̱ tá kuꞌva si̱naꞌa nde ndóꞌo̱ xaꞌa Tata yo Jesucristo, ta ndïkuiso ndo na koo na veꞌe ndo xaꞌa ya köo vaꞌa sínaꞌa na, ta ni käꞌan ndo xiꞌin na yaꞌa na koo na xiꞌin ndo.