2 Corintios 5:4 - Xochapa Mixteco

⁴ Chi kivi táku yo xiꞌin ikin kuñu yo ya kúu mií yo ñuu ivi yóꞌó, ta táná ni yo, saa xáku suchi ni yo, saa chi köo kúni yo ndundaa ikin kuñu kúu mií yo ndaꞌa yo. Yo kúni nduxaa ka va ku yo, ya ná ndinama ikin kuñu yo nduu ya iin ikin kuñu ya táku, ya köo ndíꞌi ka xaꞌa nda iin kivi.

2 Corintios 5:4 Mawu Ofanana

ROMANOS 8:23

Ta süvi ndisaa ñaꞌa si̱kuaꞌa Ndioxi tíxuꞌvi, nda mií yo kándixa Jesucristo tíxuꞌvi ni. Saa chi tá táku ka yo ñuu ivi yóꞌó, ta xa ta̱xi Ndioxi Tachi I̱í ra ndaꞌa yo. Xiꞌin ya yóꞌó káꞌan ra xiꞌin yo niꞌi ka yo ñaꞌa ya ndi̱kaꞌan ra taxi ra ndaꞌa yo. Ta vitin ndátun yo tin xáku yaa mií yo, saa ndátun ni yo ya ndikuiso mani ra yoo nduu yo seꞌe ra ta saa ndasa xa̱á ra ikin kuñu yo.

1 Corintios 15:51

Sundi yeꞌe, ta kúni i ná kundaa ini ndo xaꞌa ñaꞌa ya chi̱tuni mií Ndioxi íyo sěꞌe: Süvi ndiꞌi yo kuvi. Sundi kivi ikán ta iin káchi ndisama ndiꞌi ra ikin kuñu iin iin yo, ndisama ra ya nduu ya ikin kuñu xa̱á.

2 Corintios 5:2

Ta kivi táku yo ñuu ivi yóꞌó ta ndee ni va táná yo xaꞌa ya ndee ni tíxuꞌvi ikin kuñu yo, ta ndakua kunǎꞌa kuꞌun yo nuu ndivi ya ná taxi kii Ndioxi ikin kuñu yo, ya xa̱á íyo nuu ndivi ndaꞌa yo, túvi yo.

2 Corintios 5:3

Chi tá ná tindaa kivi ya ndundaa ikin kuñu kúu mií yo vitin, ta köo chála yo, chi ndi̱kiꞌin yo inka ikin kuñu ya xa̱á.

2 Pedro 1:13

Chi nani táku i ta xíniñuꞌu i sindikaꞌán i ini ndo xaꞌa ya yóꞌó, tá íyo i xiꞌin ndo ñuu ivi yóꞌó.