2 Corintios 4:9 - Xochapa Mixteco

⁹ Vani ndíkun na xíka na sata nde ya sítixuꞌvi na ndeꞌe, sundi köo síndikoo ndaꞌa Ndioxi ndeꞌe. Vani síkoyo na ndeꞌe nda nuu ñuꞌú ya síndiꞌi xaꞌa na ndeꞌe, sundi köo kúchiñu na sindiꞌi xaꞌa na ndeꞌe.

2 Corintios 4:9 Mawu Ofanana

San Juan 15:20

Ndikaꞌán ini ndo xaꞌa tuꞌun ya xa ndi̱kaꞌan i xiꞌin ndo: “Nda iin naꞌa, na kúu moso ta köo kaꞌnu ka na ikán nuu ra xáa chiñu na nuu.” Tá tu xáa nduvaꞌa na xiꞌin i, ta saa xaa nduvaꞌa tu na xiꞌin ndóꞌo̱ va. Tá tu xáa súvi na ya káꞌan i xiꞌin na, ta saa xaa súvi tu na ya káꞌan ndóꞌo̱ va xiꞌin na.

ROMANOS 8:35

Ta ¿án ndá ñaꞌa kuchiñu xaa xíka yo nuu ya ndee ni ndee kúꞌvi ini Jesucristo xíni ra yoo? ¡Nda iin ñaꞌa küchiñu ikan saa xiꞌin yo! Ni tindoꞌo ya ndóꞌo ni yo, ni ya kuaꞌa ni tindoꞌo ya ndíꞌi ni ini yo, ni ya sítixuꞌvi na yoo xaꞌa ya kándixa yo Jesucristo, ni tamá ya kaꞌni soko yoo, ni tá köo toto kundixi yo, ni ya ìyo ni kuvi yo, ni ya kaꞌni na yoo, nda iin ya yóꞌó küchiñu xaa xika yoo nuu ya ndee ni kúꞌvi ini Jesucristo xíni ra yoo.

2 Corintios 7:6

Ta vaꞌa chi mií Iva yo Ndioxi ku ra síndiko ini naꞌa, na ndee ni ndíkava ini, ta si̱ndiko ra ini nde xaꞌa ya xa̱a ra ñani yo ra Tito xíto ra ndeꞌe.

2 Timoteo 3:12

Ta xa xíni yo, na kúni kundikun ichí Tata yo Jesucristo, ta ndee ni va kundoꞌo na ikan naꞌa, na köo xíni tuꞌun ra.

HEBREOS 13:5

Kütoo ni ndo koo kuaꞌa ni xuꞌun ndo, án koo kuaꞌa ni ñaꞌa ndo. Vaꞌa kusini ni ndo xiꞌin ndisaa ñaꞌa ya xa kúu mií ndo, saa chi Ndioxi, káchi ra saa: “Nda iin ichí sïndoo ndaꞌa i ndóꞌo̱, ta ni sïndoo mií i ndóꞌo̱”, káchi ra.