2 Corintios 3:4 - Xochapa Mixteco

⁴ Tixin mií Jesucristo kua ndáa ni ini nde xíni nde Ndioxi tá káꞌan nde saa xiꞌin ndo.

2 Corintios 3:4 Mawu Ofanana

2 Corintios 2:14

Ta táxi ni i tixaꞌvi ndaꞌa Ndioxi xaꞌa Jesucristo chi ndiꞌi saa ichí chíndee taꞌan ra xiꞌin nde kúchiñu nde xáa kanaa nde nuu na sáa ini xíni ndeꞌe. Ta tixin ndeꞌe kua xíta niꞌnu ndiꞌi tuꞌun xaꞌa ra iníi kúu. Chi tá káa nduta támi ka vi xáꞌan, saa káa tuꞌun vaꞌa xaꞌa ra nuu naꞌa, na xíni soꞌo ya.

Efesios 3:12

Xaꞌa ya ndáa ni ini yo xíni yo Tata yo Jesucristo kua vaꞌa ndi̱niꞌi yo ichí kuyati yo nuu Ndioxi kaꞌan yo xiꞌin ra xiꞌin ndinuꞌu nima yo.

Filipenses 1:6

Ta yeꞌe, ta xa kúndaa teꞌe ini i xaꞌa ndo, chi Ndioxi ku ra xa̱á xáa chiñu xiꞌin nima ndo, ta saa xaa chiñu ka ra xiꞌin ndo ndakua ná xinu ndo nduu ndo tá kuꞌva kúni mií ra, nda kivi tá ná ndiko koo Tata yo Jesucristo ñuu ivi yóꞌó.

1 Tesalonicenses 1:8

Chi ndóꞌo̱ ku ndo ndítuꞌun tuꞌun vaꞌa xaꞌa Tata yo Jesucristo, ta süvi ndisaa estado Macedonia ñaa xiꞌin estado Acaya kua xíta niꞌnu ya, chi ndiꞌi ni kúu ñaꞌñu xíta niꞌnu tuꞌun ra. Ta kuaꞌa ni na xíni soꞌo xaꞌa ya ndee ni ndáa ini ndo xíni ndo ra. Yakan ndeꞌe ta nda iin ka ya köo xíniñuꞌu nde ndituꞌun nde xiꞌin na xaꞌa ndo.