2 Corintios 3:12 - Xochapa Mixteco

¹² Ta xa kúndaa teꞌe ini nde xaꞌa ya saa íyo ya, yakan kua ndee ni vaꞌa ndítuꞌun teꞌe nde xiꞌin ndo.

2 Corintios 3:12 Mawu Ofanana

San Juan 10:24

Saa ndi̱kava nduu nda naꞌnu nuu na judío sata ra, ta ndi̱kaꞌan nda xiꞌin ra, káchi nda saa: ―¿Nda maa vi kua kundaa teꞌe ini nde, tá tu yóꞌo̱ ku Cristo? ta iin teteꞌe kaꞌan un xiꞌin nde ―káchi nda xiꞌin ra.

San Juan 16:25

’Nda kivi vitin káꞌan i xiꞌin ndo xaꞌa tuꞌun ndíchi, sundi vaxi kivi ta käꞌan ka i saa xiꞌin ndo, kaꞌan teꞌe i xiꞌin ndo xaꞌa Iva i.

San Juan 16:29

Saa ndi̱kuiin nda káchi nda saa: ―Vitin ta köo xíniñuꞌu ka un inka tuꞌun ya sinaꞌa un ndeꞌe. Káꞌan teꞌe un xiꞌin nde.

Los Hechos 14:3

Xaꞌa ya ikán kua ndi̱ndoo naꞌá ka ra Pablo xiꞌin ra Bernabé xiꞌin na, ta ndi̱nuni loꞌo káꞌan ndoso nda tuꞌun Tata yo. Xaꞌa ya kúꞌvi ini ra xíni ra yoo, yakan ta̱xi ra ndee ra ndaꞌa nda íkan nda yatuꞌun ra.

Los Hechos 4:13

Saa tá xi̱ni soꞌo na ikán ya ndi̱kaꞌan ra Pedro tin ra Juan, ñaa ndi̱kanda ni ini na xíni ñaꞌa na, chi ndinuni loꞌo ini nda káꞌan nda, ni köo íꞌvi nda káꞌan nda. Ta ni süvi nda ndi̱sikuaꞌa ku nda. Ta vaꞌa ni káꞌan nda. Xaꞌa ya ikán kua vaꞌa ndi̱kuni ñaꞌa na ya xi̱taꞌan nda xiꞌin Jesús.

Los Hechos 9:27

Ta iin ra ndíkun Jesús ku ra chi̱ndee ra Saulo, Bernabé náni ra. Ra ikán ku ra ndáka ra ndi̱xaꞌan ra xiꞌin ra nuu nda apóstol. Saa ndi̱tuꞌun ra xiꞌin nda ya ndi̱tuvi Jesús nuu ra tá kuaꞌan ra ichí ta ndi̱kaꞌan ra xiꞌin ra. Yakan tá ndi̱xiyo ra ñuu Damasco ta köo ndi̱ndiꞌvi ra, ndinuni loꞌo ndi̱kaꞌan ndoso ra tuꞌun xaꞌa Jesús ―káchi ra Bernabé xiꞌin nda.

Los Hechos 9:29

Ndinuni loꞌo ndítuꞌun ra xaꞌa Tata yo Jesús xiꞌin naꞌa, ta ni köo íꞌvi ra káꞌan ra xiꞌin na judío, na káꞌan tuꞌun griego, ta na ikán ndúku na kuꞌva kaꞌni na ra.

1 Corintios 14:19

Sundi tá káꞌan i xiꞌin na ñani yo, na veꞌe ñuꞌu, ta kúni i ná kundaa ini na xiꞌin tuꞌun ya káꞌan i xiꞌin na. Yakan vaꞌa ka káꞌan i xiꞌin na u̱ꞌu̱n nuu tuꞌun ya kúndaa ini na xiꞌin. Süvi ka vi ya kaꞌan i xiꞌin na uxi mil nuu tuꞌun ya köo xíni na, ta nda iin na kündaa ini xiꞌin ya káꞌan i.

2 Corintios 10:1

Ta yeꞌe Pablo, ku ra káꞌan xiꞌin ndo xáku ndaꞌvi i nuu ndo xiꞌin ya vaꞌa, ya mani ta̱xi Cristo ndaꞌa i. Saa chi sava ndo káꞌan xaꞌa i ya ndee ni vita ini i tá íyo i xiꞌin ndo, sundi tá íyo xíka i nuu ndo ta ndee ni ndaku ini i, káchi ndo xaꞌa i.

2 Corintios 3:11

Tá luvi ni va ndi̱xiyo mií ley Ndioxi ikán, vani köo ndïkundee ya koo ya ndiꞌi saa tiempo, ta kachi ka vi ya xa̱á, ya luvi ni ka ki̱ndoo Ndioxi xiꞌin yo vitin, ta nda iin ichí ndïꞌi xaꞌa ya.

2 Corintios 4:13

Tuꞌun Ndioxi ya ta̱a na xinaꞌa káchi ya saa: “Ndáa ni ini i xíni i Ndioxi yakan vaꞌa ndi̱kaꞌan i tuꞌun xaꞌa ra”, káchi ya. Ta iin kuꞌva saa ndáa ni ini nde xíni nde Ndioxi, yakan káꞌan ndoso nde tuꞌun ra.

2 Corintios 7:4

Ta ndinuꞌu ni ini i ndi̱kaꞌan i xiꞌin ndo ya ndee ni kúsini i xiꞌin ndo, vaꞌa ni kúni i xiꞌin ndo, ta̱xi ni ndo ndee ndaꞌa i, vani ndee ni ti̱xuꞌvi nde.

Filipenses 1:14

Ta xaꞌa ya ndóꞌo i saa ndíkaa i veꞌe kàà yóꞌó kua chíndee taꞌan ya xiꞌin kuaꞌa ni na ñani yo ndúndee ka ini na, köo íꞌvi na kaꞌan ndoso na tuꞌun vaꞌa xaꞌa Tata yo Jesucristo.

Filipenses 1:20

Chi yeꞌe ta ya ndee ni kúni i kua xaa kaꞌnu ni i Tata yo Jesucristo xiꞌin ikin kuñu i ndiꞌi saa ichí tá táku i án tá ndi̱xiꞌi i, saa chi kúndaa teꞌe ini i ya täxi Tata yo kukaꞌan nuu i, ta siín mií ra ná chindee yeꞌe ya kuchiñu i xaa kaꞌnu ni i ra vitin xiꞌin ndiꞌi saa kivi ya vaxi.

Colosenses 4:4

Saa kaꞌan ni ndo xiꞌin ra ya ná chindee ra yeꞌe kuchiñu i ndituꞌun teꞌe ni i ya ndaa xaꞌa ra xiꞌin naꞌa.

1 Tesalonicenses 2:2

Saa chi xíni mií ndo tá täꞌan xaa nde ñuu ndo ta xiꞌna ñuu Filipos ndi̱yaꞌa nde, ta ikán ka̱ni ni na ndeꞌe, xa̱a ndu̱vaꞌa ni na xiꞌin nde. Saa tá ndi̱xaa nde ñuu ndo ta ndee ni sáa ini na ñuu ndo xíni na ndeꞌe, ta köo ndi̱ndiꞌvi nde nuu na, chi ndinuꞌu ni va ini nde ndi̱kaꞌan nde xiꞌin ndo xaꞌa tuꞌun vaꞌa ya ta̱xi Iva yo Ndioxi ndaꞌa nde.

1 Timoteo 3:13

Tá tu vií chíndee taꞌan nda xiꞌin na ínuu nuu na veꞌe ñuꞌu, ta nda naꞌa ta xaa toꞌo ni na nda, saa nduu ndee ni ka ini nda ya ndáa ni ini nda xíni nda Tata yo Jesucristo.

FILEMÓN 1:8

Ñani yo, yeꞌe, ta íyo ni va ichí i ya kaꞌnda i chiñu nuu un ya xaa súvi un ya kúni i, xaꞌa ya kúu i ra xíka káꞌan ndoso tuꞌun vaꞌa xaꞌa Tata yo Jesucristo,