2 Corintios 2:9 - Xochapa Mixteco

⁹ Ya ta̱a i tutu xaa nuu ndo nuu káꞌan i xiꞌin ndo xaꞌa ya i̱kan ra ñaa, ta xaꞌa ya kúni i koto ndoso i ndóꞌo̱ án ya ndixa kua xáa súvi ndiꞌi ndo ya káꞌan i xiꞌin ndo, xaꞌa ya ñaa kua ta̱a i ya xaa ya nuu ndo.

2 Corintios 2:9 Mawu Ofanana

2 Corintios 10:6

Chi ndeꞌe, tá ná kuni nde ya ndee ni vaꞌa ndíkun ndo Jesucristo, ta xa íyo ndúvi nde taxi nde ndoꞌo naꞌa, na köo xíin kándixa ra.

2 Corintios 2:3

Xaꞌa ya ñaa kua vaꞌa ka ta̱a i tutu xaa ya nuu ndo, ta köo ndi̱xaa mií i nuu ndo, ya ná xäa suchi i ini ndo. Chi tá ná ndi̱kitaꞌan tuku i xiꞌin ndo ta xäa suchi ndo ini i, xaa sií va ndo ini i.

2 Corintios 2:4

Tá kivi ta̱a i tutu ikán xaa ya nuu ndo, ta ndee ni kúsuchi ini i, saa ndíꞌi ka vi ini i, xáku ka vi i, ta ya ndi̱kaꞌan i xiꞌin ndo saa, ta süvi ya xaa suchi i ini ndo kua, chi yeꞌe, ta ku̱ni i ná kundaa ini ndo ya ndee ni kúꞌvi ini i xíni i ndóꞌo̱.

2 Corintios 2:8

Ta xíkan ni i ya mani nuu ndo ya xaa vií ndo xiꞌin ra ná kuni ra ya ndee ni kúꞌvi ini ndo xíni ndo ra.

2 Corintios 8:2

Ta kuaꞌa ni nuu tindoꞌo ya uꞌvi ni ndi̱yaꞌa na nuu, ta saa ni kúsini ni na. Vani ndaꞌvi ni na, ta köo xíꞌnda na, ndee ni vaꞌa chi̱ndee na xiꞌin xuꞌun ya kuaꞌan ndaꞌa na ndaꞌvi, ndíkun Jesucristo ndóo ñuu Jerusalén.

2 Corintios 8:24

Saa xíkan ni i ya mani nuu ndo ya ná ndikuiso vaꞌa ni ndo nda ñani yo ñaa ya ná kundaa ini na veꞌe ñuꞌu, na ti̱ꞌvi nda xaa nda, ta saa kusini ni na xiꞌin ndo, ta saa tu ndeꞌe va kusini ni nde xiꞌin ndo.

Filipenses 2:12

Na taꞌan yo, na kúꞌvi ni ini i xíni i, yachi tá ndi̱xiyo i xiꞌin ndo ta ndiꞌi saa ichí xa̱a súvi ni ndo tuꞌun Ndioxi ya ndi̱kaꞌan i xiꞌin ndo. Ta saa tu vitin va, vani köo íyo i xiꞌin ndo ta ndee ni ka xíniñuꞌu ndo xaa nduxa ndo ya ikan ndo ya vaꞌa taꞌan ya íkan naꞌa, na síkaku Ndioxi. Ikan ndo saa xaꞌa ya xáa toꞌo ndo Ndioxi, saa tu xaꞌa ya íꞌvi ndo xíni ndo ra.

Filipenses 2:22

Sundi ra Timoteo, ta xa xíni ndo ini ra, xáa chiñu ni ra xiꞌin i káꞌan ndoso nde tuꞌun vaꞌa xaꞌa Tata yo Jesucristo, nda tá káa seꞌe mií i saa káa ra, chíndee ni ra yeꞌe.

2 Tesalonicenses 3:14

Tá tu ndá na íkan saa, köo xíin na xaa súvi na ya káꞌan nde xiꞌin ndo nuu tutu yóꞌó, ta kiꞌin vaꞌa ndo kuenta unku na, saa kuxika ndo nuu na ñaa, kütaꞌan ka ndo xiꞌin na ya ná kukaꞌan nuu na.

FILEMÓN 1:21

Táa i tutu yóꞌó xaa ya ndaꞌa un ñani yo, chi yeꞌe ta ndáa ni ini i xíni i yóꞌo̱ ya xaa súvi un chiñu ya ndúku i nuu un, ta nda kuaꞌa ka ya ikan un xiꞌin i.