2 Corintios 2:7 - Xochapa Mixteco

⁷ Ta vitin xíniñuꞌu ndo xaa kaꞌnu ini ndo xaꞌa ra ya ná chindee taꞌan ndo xiꞌin ra nduvaꞌa ini ra, ya ná küsuchi ni ka ini ra.

2 Corintios 2:7 Mawu Ofanana

1 Corintios 15:54

Yakan tá ná kuu saa xiꞌin ikin kuñu yo ya ndíꞌi xaꞌa, ta saa kua xinu tuꞌun Ndioxi ya ta̱a na xinaꞌa, káchi ya saa: “Xa ndi̱ꞌi xaꞌa ndee ya xáꞌni naꞌa, chi Ndioxi ta ku̱ndee ra nuu ndee ikán.

2 Corintios 2:8

Ta xíkan ni i ya mani nuu ndo ya xaa vií ndo xiꞌin ra ná kuni ra ya ndee ni kúꞌvi ini ndo xíni ndo ra.

2 Corintios 5:4

Chi kivi táku yo xiꞌin ikin kuñu yo ya kúu mií yo ñuu ivi yóꞌó, ta táná ni yo, saa xáku suchi ni yo, saa chi köo kúni yo ndundaa ikin kuñu kúu mií yo ndaꞌa yo. Yo kúni nduxaa ka va ku yo, ya ná ndinama ikin kuñu yo nduu ya iin ikin kuñu ya táku, ya köo ndíꞌi ka xaꞌa nda iin kivi.

2 Corintios 7:10

Saa chi tá táxi Ndioxi kúsuchi ini yo ta ya vaꞌa mií va yo kua, ta süvi xaꞌa ya síndikava ra ini yo kua ndóꞌo yo saa, chi xaꞌa ya ndíko koo ini yo ndínama ini yo nuu Ndioxi va kua ndóꞌo yo saa, ta saa kuchiñu yo kaku yo. Ta íyo inka ya kúsuchi ini naꞌa, na ndíkun ichí ñoo ivi yóꞌó. Ta ya suchi ini ndóꞌo na ta ya chíndaꞌa na kuꞌun na ichí nuu kuvi va na kua.

Efesios 4:32

Ta vitin xíniñuꞌu ndo koo ndo naꞌa, na vaꞌa ini. Kundaꞌvi ini ndo kuni taꞌan ndo. Xaa kaꞌnu ini ndo xaꞌa taꞌan ndo, tá kuꞌva xa̱a kaꞌnu ini Ndioxi xaꞌa ndo tixin Tata yo Jesucristo.

Filipenses 2:27

Ta ya ndaa kua ku̱ꞌvi ra, ndee ni ndee ndo̱ꞌo ra siloꞌo yuꞌu kuvi ra, ta mií Ndioxi ku ra ku̱ndaꞌvi ini xi̱ni ra yakan ndu̱vaꞌa ra, ta süvi iindaa ra yóꞌó ku ra ndi̱kundaꞌvi ini ra kuni ra xaꞌa ya si̱nduvaꞌa ñaꞌa ra, nda yeꞌe ku̱ndaꞌvi ni ini ra xi̱ni ra ya ná küsuchi ni ka ini i, chi xa íyo ni ya suchi ini i.

Colosenses 3:13

Ta säa ndo xiꞌin taꞌan ndo, kaꞌnu koo ini ndo xiꞌin taꞌan ndo. Tá ndá naꞌa íkan ya väꞌa xiꞌin ndo ta vaꞌa xaa kaꞌnu ini ndo xaꞌa na, tá kuꞌva i̱kan Tata yo xiꞌin ndo, xa̱a kaꞌnu ini ra xaꞌa ndo, saa ikan ndo.

1 Tesalonicenses 4:13

Ñani yo xiꞌin kuꞌva yo, kúni nde ná kundaa ini ndo xaꞌa na taꞌan yo na xa ndi̱xiꞌi, ya ná küsuchi ni ini ndo xaꞌa na tá kuꞌva kúsuchi ini naꞌa, na köo xíni Tata yo Jesucristo, chi na ikán ta ni köo xíni na unkua kundoꞌo na.

2 Tesalonicenses 3:6

Ñani yo xiꞌin kuva yo, tixin ndee Tata yo Jesucristo ya kúu mií nde kua xáꞌnda chiñu nde nuu ndo ya ná kuxika ndo nuu na ñani yo xiꞌin kuꞌva yo, na köo xíin xaa chiñu, chi ndiꞌi na íkan saa ta köo xáa súvi na ya si̱naꞌa nde ndóꞌo̱.