2 Corintios 2:1 - Xochapa Mixteco

¹ Xaꞌa ya ñaa kua ndi̱kani ini i ya xäa i koto i ndóꞌo̱, chi köo kúni i xaa suchi i ini ndo.

2 Corintios 2:1 Mawu Ofanana

Los Hechos 11:29

Saa xi̱ni soꞌo na tuꞌun Ndioxi ya ndi̱kaꞌan ra Agabo, ñaa chi̱taꞌan tuꞌun na tiꞌvi na xuꞌun kuꞌun ndaꞌa na taꞌan na ndóo Judea. Tá kuꞌva náni ndaꞌa iin iin na, saa íyo ya ta̱xi na.

Los Hechos 15:2

Ta saa xa̱á ra Pablo xiꞌin ra Bernabé ndáꞌi ni nda xiꞌin nda ikán, chi süvi ya ndaa kua sínaꞌa nda. Ñaa ndi̱taꞌnda chiñu kuꞌun ra Pablo xiꞌin ra Bernabé xiꞌin inka ka nda ndíkun Jesús ya kuꞌun nda ñuu Jerusalén xaa nani nda chiñu ikán xiꞌin nda apóstol tin na xikuaꞌa veꞌe ñuꞌu ikán.

Los Hechos 15:37

Saa kúni ra Bernabé kuꞌun tuku ra Juan Marcos xiꞌin nda.

1 Corintios 2:2

Saa tá ndi̱xiyo i xiꞌin ndo, ta chi̱kaa ini i kaꞌan i xiꞌin ndo ndisaa xaꞌa Cristo, ta köo ndi̱xiin i kaꞌan i xiꞌin ndo ndá ka ñaꞌa, ndisaa xaꞌa ya ndi̱xiꞌi ra nuu cruzin kua ndi̱kaꞌan i xiꞌin ndo.

1 Corintios 4:21

¿Ta unkua kúni ndo ikan i xiꞌin ndo tá ná xaa i koto i ndóꞌo̱? ¿Án kúni ndo xaa i sitixuꞌvi i ndóꞌo̱? ¿Án vaꞌa ka xaa i koto i ndóꞌo̱ xiꞌin ya mani, ya kúꞌvi ini i xíni i ndóꞌo̱ xiꞌin ya kaꞌnu ini? Koto ndo unkua vaꞌa túvi míi va ndo.

1 Corintios 5:3

Vani köo íyo táku i xiꞌin ndo vitin, sundi tá káa ra íyo xiꞌin ndo saa káa i. Ni xíka ni íyo i nuu ndo ta tá káa ra íyo yati xiꞌin ndo saa káa i, yakan xa ndi̱kani xi̱ní i xiꞌin ra ñaa ndá kuꞌva koo ra.

2 Corintios 1:23

Ta mií Ndioxi ku ra ndíkuiin xaꞌa ya káꞌan i xiꞌin ndo, ndá xaꞌa kua köo ndi̱xaa i nuu ndo ñuu Corinto koto i ndóꞌo̱, chi köo ndi̱kuni i kaꞌan i xiꞌin ndo ndá ka tuꞌun uꞌvi, ya sitikueꞌe i ndóꞌo̱, ta xaꞌa ya ñaa kua köo ndi̱xaa i nuu ndo.

2 Corintios 13:10

Táa kuee i tutu yóꞌó xaa ya nuu ndo yachi ka tá täꞌan xaa i nuu ndo, tá íyo xíka ni i saa káꞌan i xiꞌin ndo. Chi tá ná xaa i nuu ndo ta köo xíniñuꞌu i koo ndaku ni ini i xiꞌin ndo xiꞌin ichí ya ta̱xi Tata yo ndaꞌa i kuniñuꞌu i xiꞌin ndo. Chi ichí ta̱xi ra ndaꞌa i xaꞌa ndo, ta ya chindee taꞌan i xiꞌin va ndo kua, süvi xaꞌa ya sindiꞌi xaꞌa i ndóꞌo̱ xiꞌin kua.

2 Corintios 2:4

Tá kivi ta̱a i tutu ikán xaa ya nuu ndo, ta ndee ni kúsuchi ini i, saa ndíꞌi ka vi ini i, xáku ka vi i, ta ya ndi̱kaꞌan i xiꞌin ndo saa, ta süvi ya xaa suchi i ini ndo kua, chi yeꞌe, ta ku̱ni i ná kundaa ini ndo ya ndee ni kúꞌvi ini i xíni i ndóꞌo̱.

Tito 3:12

Tá ná tiꞌvi i ra Artemas án ra Tíquico xaa iin nda nuu un, ta xaꞌa ni un ndee kama ni xaa loꞌo un koto un yeꞌe nda ñuu Nicópolis. Ikán ndikitaꞌan yo, chi ndi̱kani ini i ndoo i koo i ikán ndiꞌi yoó vixin.