2 Corintios 13:3 - Xochapa Mixteco

³ Saa ikan i xiꞌin ndo xaa nani i kuachi ndo xiꞌin ndo chi kúni ndo kundaa ini ndo án ya ndixa kua ta̱xi Jesucristo ichí ndaꞌi i ya ndituꞌun i tuꞌun ra xiꞌin ndo. Chi ni mií Cristo ta köo íkan ra xiꞌin ndo tá kuꞌva íkan iin taa ra köo ndee kúu mií, yáꞌa ni va ndee kúu mií ra.

2 Corintios 13:3 Mawu Ofanana

San Mateo 10:20

Süvi tuꞌun vaxi xiní mií ndo kua kaꞌan ndo xiꞌin na, chi tuꞌun Tachi I̱í mií Iva yo Ndioxi kua kaꞌan ndo xiꞌin na.

San Lucas 21:15

chi mií i chindee ndóꞌo̱, taxi i tuꞌun ndaꞌa ndo kaꞌan ndo xiꞌin na. Ndíchi ni koo tuꞌun taxi i ndaꞌa ndo kaꞌan ndo xiꞌin na ta ni küchiñu na ndikuiin na yuꞌu ndo, chi vaꞌa ni kaꞌan ndo.

1 Corintios 7:40

Sundi, vaꞌa ni ka va koo yá tá tu ná tïndaꞌa tuku yá. Soꞌva ndíkani ini yeꞌe, chi mií Tachi I̱í Ndioxi ku ya táxi ya ndíchi ndaꞌa i ndíkani ini i saa.

2 Corintios 10:1

Ta yeꞌe Pablo, ku ra káꞌan xiꞌin ndo xáku ndaꞌvi i nuu ndo xiꞌin ya vaꞌa, ya mani ta̱xi Cristo ndaꞌa i. Saa chi sava ndo káꞌan xaꞌa i ya ndee ni vita ini i tá íyo i xiꞌin ndo, sundi tá íyo xíka i nuu ndo ta ndee ni ndaku ini i, káchi ndo xaꞌa i.

2 Corintios 10:4

Saa chi ndeꞌe, ta köo xíniñuꞌu nde taꞌan ndaꞌa chiñu ya xíniñuꞌu na ñuu ivi yóꞌó tá kánitaꞌan na, chi ndeꞌe, ta ndee Ndioxi va ku ya xíniñuꞌu nde ya kuchiñu sindiꞌi xaꞌa nde ndiꞌi ndee ya väꞌa, ya ndíkuita kánitaꞌan xiꞌin nde.

2 Corintios 12:12

Xiꞌin ndiꞌi ni kúu ya vaꞌa xiꞌin yatuꞌun ya i̱kan i xi̱ni ndo ya ñaa kua káꞌan xaꞌa i ya kúu i iin ra apóstol, ra xíka chiñu nuu Tata yo Jesucristo. Saa chi kaꞌnu ni ndi̱xiyo ini i xiꞌin ndo.

2 Corintios 2:10

Vaꞌa ná kundaa ini ndo, chi tá xáa kaꞌnu ini ndo xaꞌa kuachi i̱kan ra ñaa, ta saa tu yeꞌe va, xáa kaꞌnu ini i xaꞌa ra, xaꞌa ya i̱kan ra saa xiꞌin ndóꞌo̱ na veꞌe ñuꞌu. Ta nuu Cristo kua íkan i saa, xáa kaꞌnu ini i xaꞌa ra, xaꞌa ya kúꞌvi ni ini i xíni i ndóꞌo̱.

2 Corintios 2:6

Ta vaꞌa va, chi xa cha̱ꞌvi va ra xaꞌa kuachi ya i̱kan ra chi xa iin káchi si̱ndoꞌo ndiꞌi va ndo ini ra.

2 Corintios 9:8

Ta ndee ni ndee kúu mií Ndioxi ya kuchiñu chindee ra ndóꞌo̱, taxi ra kuaꞌa ni ya vaꞌa ndaꞌa ndo, ya ná koo ñaꞌa xíniñuꞌu ndo nuu ndo ndiꞌi saa ichí, ta nda ndoo ndoso ka ya nuu ndo ya kuchiñu ndo ikan ni ndo ndá ka ya vaꞌa ni xiꞌin naꞌa.