2 Corintios 10:10 - Xochapa Mixteco

¹⁰ Chi sava ndo káꞌan: “Tutu ya táa ra Pablo ñaa, ta ndee ni kueꞌe káꞌan ra xiꞌin ya, ndaku ni káꞌan ra, sundi mií ra ta ni köo ndee káꞌan vi ra, vita ni va ini ra, ta ni köo ndáa yaꞌvi tuꞌun káꞌan ra nuu naꞌa, káchi ndo xaꞌa i”.

2 Corintios 10:10 Mawu Ofanana

1 Corintios 1:17

Ta vaꞌa ná kundaa ini ndo chi Cristo ta köo ndi̱tiꞌvi ra yeꞌe ya sikuchi i naꞌa. Sundi ti̱ꞌvi ra yeꞌe ya kaꞌan ndoso i tuꞌun vaꞌa xaꞌa ra xiꞌin na ivi, ya kuchiñu na kaku na. Ta köo ndíkaꞌan i xiꞌin na xiꞌin tuꞌun ndíchi ni, ya ná sïndiꞌi xaꞌa i ndee, ya ná chïkaa ni̱nu̱ ni i ya ndi̱xiꞌi Cristo ndaꞌa cruzin.

1 Corintios 1:21

Xaꞌa ya ndíchi ni xi̱ní mií na ñuu ivi yóꞌó túvi na, yakan kua köo ndi̱xiin na kandixa na Ndioxi. Xaꞌa ya ikán kua vaꞌa ka si̱kaku Ndioxi naꞌa, na kándixa tuꞌun ya ndi̱tuꞌun nde xaꞌa Jesucristo xiꞌin na. Vani kuaꞌa ni naꞌa ndíkani ini xaꞌa tuꞌun ya ndi̱kaꞌan nde xiꞌin na, tuꞌun kíꞌvi va kua túvi na.

2 Corintios 10:1

Ta yeꞌe Pablo, ku ra káꞌan xiꞌin ndo xáku ndaꞌvi i nuu ndo xiꞌin ya vaꞌa, ya mani ta̱xi Cristo ndaꞌa i. Saa chi sava ndo káꞌan xaꞌa i ya ndee ni vita ini i tá íyo i xiꞌin ndo, sundi tá íyo xíka i nuu ndo ta ndee ni ndaku ini i, káchi ndo xaꞌa i.

2 Corintios 10:11

Ta vaꞌa va ná kundaa ini naꞌa, na káꞌan xaꞌa i saa, chi tá ná xaa i nuu ndo koto i ndóꞌo̱, ta saa kuni soꞌo ndo kaꞌan i xiꞌin ndo, tá kuꞌva káa ya ta̱a i nuu tutu xaa nuu ndo, saa koo ya kaꞌan i xiꞌin ndo tá ná xaa i nuu ndo.

2 Corintios 10:9

Ta köo kúni i ya ndikani ini ndo kúni i síꞌvi i ndóꞌo̱ xiꞌin tutu ya táa i xaa nuu ndo.

2 Corintios 11:21

Kúkaꞌán ni nuu i káꞌan i saa xiꞌin ndo, chi ndeꞌe, ta nda loꞌo köo ndíxaa nduvaꞌa nde xiꞌin ndo, tá kuꞌva íkan nda ñaa xiꞌin ndo. Xaꞌa ya ñaa kua vita ni va ndi̱xiyo ini nde xiꞌin ndo, túvi ndo. Tá ndá naꞌa kútoo kaꞌan vaꞌa xaꞌa mií, ta saa tu yeꞌe va, káꞌan vaꞌa i xaꞌa i, vani tá káa iin ra yáꞌa loꞌo ini va saa káa i, ya káꞌan i kuꞌva saa xiꞌin ndo.

2 Corintios 11:6

Án sana köo xíni i ndá kuꞌva ndituꞌun vaꞌa ni i nuu naꞌa, sundi ya xíni i ya ndaa xaꞌa Ndioxi, ta xíni vaꞌa va i, saa íyo ya xa si̱naꞌa i nuu ndo, téꞌe ni va íyo ya si̱naꞌa i ndóꞌo̱.

2 Corintios 13:3

Saa ikan i xiꞌin ndo xaa nani i kuachi ndo xiꞌin ndo chi kúni ndo kundaa ini ndo án ya ndixa kua ta̱xi Jesucristo ichí ndaꞌi i ya ndituꞌun i tuꞌun ra xiꞌin ndo. Chi ni mií Cristo ta köo íkan ra xiꞌin ndo tá kuꞌva íkan iin taa ra köo ndee kúu mií, yáꞌa ni va ndee kúu mií ra.