2 Corintios 1:8 - Xochapa Mixteco

⁸ Ñani yo, kúni nde ná kundaa ini ndo xaꞌa tindoꞌo ya ndee ni ki̱xi nuu nde chí estado Asia. Yáꞌa ni vi ndee tindoꞌo ki̱xi nuu nde, ndi̱ndiꞌi ka vi ini nde, ni köo ndi̱chikaa ka ini nde ya kutaku nde.

2 Corintios 1:8 Mawu Ofanana

Los Hechos 16:6

Saa ku̱ni ra Pablo kuꞌun ra chí Asia ta köo ndi̱xiin Tachi I̱í Ndioxi taxi ya kuꞌun nda ndituꞌun nda tuꞌun Ndioxi ikán. Xaꞌa ya ikán kua ndi̱kiꞌin nda kuaꞌan chí Frigia xiꞌin Galacia.

Los Hechos 19:41

Tá si̱ndiꞌi ra ndi̱kaꞌan ra xiꞌin na, saa nda̱i ra na kuanuꞌu na veꞌe na.

Los Hechos 2:9

Kuaꞌa ka vi kuu yo, ndá yokan ñaꞌñu ke̱e yo, yo ke̱e Partia tin Media xiꞌin Elam tin Mesopotamia. Sava tu yo ke̱e Judea yóꞌó va, ta sava tu yo ke̱e Capadocia xiꞌin Ponto tin Asia.

ROMANOS 1:13

Ñani yo xiꞌin kuꞌva yo, kúni i ná kundaa ini ndo, xa kuaꞌa ni ichí kúni i xaa i nuu ndo koto i ndóꞌo̱, ta köo ndíkuchiñu xaa i, íyo ya ndi̱kasi nuu i. Chi kúni i xaa i koto i chiñu vaꞌa íkan ndo, taꞌan chiñu vaꞌa íkan na taꞌan yo, na köo kúu judío, na ndóo inka ñuu nuu ndi̱xaꞌan i xi̱to i na.

1 Corintios 15:32

Ná ndituꞌun i xiꞌin ndo chi yeꞌe ta ndee ni ti̱xuꞌvi i ñuu Éfeso yóꞌó, ka̱nitaꞌan ni naꞌa xiꞌin i. Tá íyo kiti kueꞌe íyo iku saa íin naꞌa, na ka̱nitaꞌan xiꞌin i. Ta ni köo ndáa yaꞌvi vi ya kanitaꞌan i xiꞌin na tá tu ya ndixa kua köo ndítaku na ndíi. Ta án vaꞌa ka ikan yo tá káchi sava naꞌa káꞌan na: “Vaꞌa ná koꞌo yo ta ná kuxi va yo, saa chi taan isa ta kuvi va yo”, káchi na. Ta süvi saa íyo ya, chi ya ndixa va kua ndítaku na ndíi.

1 Corintios 16:9

Saa chi vaꞌa ni va ndi̱xuna yeꞌe nuu i, ya kaꞌan ndoso i tuꞌun vaꞌa xaꞌa Jesucristo xiꞌin naꞌa ya kuchiñu na kaku na, vani íyo kuaꞌa ni naꞌa, na sáa ni ini xíni yeꞌe.

1 Corintios 4:8

Saa ndóꞌo̱ ndíkani ini ndo, xaa kúu mií ndo ndiꞌi ñaꞌa ya xíniñuꞌu ndo, ta xa ndu̱kuika ni ndo yakan ni köo xíniñuꞌu ka ndo ndeꞌe, túvi ndo. Ta vaꞌa ni va, tá tu xa ndu̱u ndo rey na xáꞌnda chiñu, ta nda ndeꞌe niꞌi loꞌo kaꞌnda chiñu nde xiꞌin va tu ndo.

2 Corintios 1:9

Ta xa iin chi̱kaa va ini nde kuvi nde, chi siloꞌo yuꞌu kuvi nde, ndikuu. Saa ndo̱ꞌo nde ya ná sikuaꞌa nde kundaa ni ini nde kuni nde Ndioxi, ta ná kündaa ni ini nde kuni ndee mií nde, saa chi iindaa Ndioxi ku ra sítaku na ndíi, na xa ndi̱xiꞌi.

2 Corintios 6:9

Ta sava na vani xíni vaꞌa na ndeꞌe, ta ndása xïni na ndeꞌe, sundi mií Ndioxi ta xíni vaꞌa va ra ini nde. Sava na ndíkani ini xaꞌa nde tá íin nde xa xíꞌi saa íin nde, káchi na, ta süvi ya ndaa kua, chi ndeꞌe táku va ku nde, sava tu ichí xa̱a ndu̱vaꞌa ni na xiꞌin nde, sundi köo ndi̱xaꞌni na ndeꞌe.