2 Corintios 1:7 - Xochapa Mixteco

⁷ Ta vaꞌa ni va ndáa ini nde xíni nde ndóꞌo̱, yakan kua tá íyo ndo tindee ini xiꞌin nde kivi ndóꞌni nde nuu tindoꞌo, ta saa tu íyo ndo xiꞌin nde tá síndiko Ndioxi ini va nde.

2 Corintios 1:7 Mawu Ofanana

San Mateo 23:30

Saa káꞌan ndo: “Tá ndíxiyo yo tiempo ya ndi̱xiyo iva siꞌí yo ñuu ivi yóꞌó, ta ni köo yuꞌu yo xiꞌin na xa̱ꞌni nda ikán, ndikuu”, káchi ndo.

1 Corintios 10:13

Chi taꞌan tindoꞌo̱ ya ndóꞌo ndóꞌo̱ ku ya ndóꞌo ndiꞌi ni kúu va naꞌa. Sundi Ndioxi ta vaꞌa ni va ra chi síxinu ndiꞌi ra ya káꞌan ra, ta saa ikan ra xiꞌin ndo chindee ra ndóꞌo̱ yaꞌa ndo nuu ndiꞌi tindoꞌo ya ndee ni vaxi nuu ndo, ta täxi ra kixi tindoꞌo ndee ni nuu ndo ya küchiñu ndo xiꞌin, sinaꞌa ra ndóꞌo̱ ndá kuꞌva yaꞌa ndo nuu ndiꞌi ya.

2 Corintios 1:14

ta ya ndixa kua xa ku̱ndaa loꞌo ini ndo xiꞌin ya xa ndi̱kaꞌan nde xiꞌin ndo. Saa tá ná ndiko koo Tata yo Jesucristo ta kusini ni ndo xiꞌin nde, saa tu ndeꞌe va kusini ni nde xiꞌin ndo.

2 Corintios 12:20

Ta yeꞌe, ta ndíꞌi ni va ini i tá ná xaa i koto i ndóꞌo̱, chi sana ndïtaꞌan i ndóꞌo̱ tá kuꞌva ndíkani ini i nditaꞌan i ndóꞌo̱, án sana ndïtaꞌan tu ndóꞌo̱ va yeꞌe tá kuꞌva ndíkani ini ndo nditaꞌan ndo yeꞌe. Saa ndíꞌi ni ini i xiꞌin ndo chi sava ndo ta án sana kánitaꞌan va ndo, ta sava tu ndo án sana kûní tu ini ndo xíni taꞌan va ndo, ta sava tu ndo án sana sáa ini ndo xíni taꞌan va ndo, ta sava tu ndo án sana ta̱ꞌvi taꞌan va ndo, saa tu sava ndo án káꞌan kini ndo xiꞌin taꞌan va ndo, sava tu ndo án sana kánaꞌa ndo xaꞌa taꞌan va ndo, ta sava tu ndo án ndee ni kútai ini ndo nuu taꞌan va ndo, saa tu sava ndo án sana ndu̱u iku ni ini va ndo xiꞌin taꞌan ndo.

2 Corintios 7:9

Ta vitin ta kúsini ni i, ta süvi xaꞌa ya xa̱a suchi i ini ndo kua kúsini ni i, xaꞌa ya ndi̱ko koo ini ndo nuu Ndioxi kua kúsini ni i xiꞌin ndo. Ta ya ku̱suchi ni ini ndo tá kuꞌva kúni mií Ndioxi kua ku̱suchi ini ndo, ta süvi ndeꞌe ku nde ndi̱xaa nduvaꞌa xiꞌin ndo.

2 Timoteo 2:12

Tá tu ndee ni tindoꞌo ndóꞌo yo ñuu ivi yóꞌó, ta saa kua niꞌi yo kaꞌnda chiñu yo xiꞌin ra nuu xáꞌnda chiñu ra. Tá tu ndíkuaa yo ra, ta saa ndikuaa tu mií va ra yoo.

2 Timoteo 3:11

Ta xa kúndaa ini mií un ya ndee ni tindoꞌo ki̱xi nuu i xaꞌa Cristo, tá ndi̱xiyo i ñuu Antioquía, xiꞌin ñuu Iconio tin ñuu Listra. Ta mií Tata yo Jesucristo ku ra si̱kaku yeꞌe nuu ndiꞌi tindoꞌo ya ndo̱ꞌo i.

Santiago 1:12

Vaꞌa ni kée naꞌa, na kúndee ini xiꞌin tindoꞌo vaxi nuu na, saa chi Ndioxi ta taxi ra kutaku na xiꞌin ra ndiꞌi saa kúu kivi. Tá íyo ya ndi̱kaꞌan ra xiꞌin naꞌa, na kúꞌvi ni ini ra xíni ra, saa koo ya ikan ra xiꞌin na, niꞌi na ichí kutaku na xiꞌin ra.

El Apocalipsis 1:9

Yeꞌe Juan ñani ndo ku i, saa chi iin káchi kándixa yo Tata yo Jesucristo, ta ndóꞌo̱ xiꞌin yeꞌe ndíkun yo ichí nuu xáꞌnda chiñu Ndioxi. Xaꞌa ya iin ku yo xiꞌin taꞌan yo, ta iin káchi tíxuꞌvi ndiꞌi yo xiꞌin taꞌan yo, saa táxi Ndioxi ndee ra ndaꞌa yo, ya kúndee ini yo xiꞌin ya tíxuꞌvi yo. Xaꞌa ya ndi̱kaꞌan ndoso i tuꞌun Ndioxi ya si̱naꞌa Tata yo Jesucristo yeꞌe, yakan ti̱in na chiñu yeꞌe ndi̱xaꞌan na ndi̱ndaka na yeꞌe iku loꞌo ya Patmos, ya ndíkaa maꞌñu nduta ñûꞌu xaꞌa ya síndoꞌo ni na ini i.