2 Corintios 1:5 - Xochapa Mixteco

⁵ Saa chi ndeꞌe, ta ndee ni kuandaa kuachi sata nde, tíxuꞌvi ni nde xaꞌa ya ndíkun nde Tata yo Jesucristo. Yakan tá kuꞌva kuandaa ni kuachi nde, kuꞌva saa kuandaa ni tu ya síndiko ra ini va nde.

2 Corintios 1:5 Mawu Ofanana

San Lucas 2:25

Ta tiempo ikán íyo iin ra náni Simeón ñuu Jerusalén, ta vaꞌa ni taa kúu mií ra, káñuꞌu ni ra Ndioxi, ta íyo Tachi I̱í Ndioxi xiꞌin ra. Saa ndátun ra taa, ra tiꞌvi Ndioxi kixi sindiko ini na Israel.

Los Hechos 9:4

Saa ndu̱va ra kuaꞌan ra nuu ñuꞌú, ta xi̱ni soꞌo ra iin tachi taa káꞌan ya xiꞌin ra, káchi ya saa: ―Saulo, Saulo, ¿ndachu xíka un sítixuꞌvi un yeꞌe? ―káchi ra xiꞌin ra.

ROMANOS 8:17

Ta xaꞌa ya kúu yo seꞌe Ndioxi, yakan niꞌi yo ñaꞌa ya taxi ra ndaꞌa yo, tá kuꞌva íkan iin taa, ndítaꞌvi ra ñaꞌa ra xiꞌin seꞌe ra. Saa chi̱tuni Iva yo Ndioxi ikan ra xiꞌin ndiꞌi yo kúu seꞌe ra. Ta ndiꞌi ya vaꞌa ta̱xi ra ndaꞌa seꞌe ra Jesucristo, iin káchi saa niꞌi yo ya xiꞌin ra nuu ndivi nu̱nù. Tá tu xáꞌa ndee ini yo ndoꞌo yo xaꞌa ra, ta saa niꞌi tu yoo va ya vaꞌa xiꞌin ra nuu ndivi.

Filipenses 1:20

Chi yeꞌe ta ya ndee ni kúni i kua xaa kaꞌnu ni i Tata yo Jesucristo xiꞌin ikin kuñu i ndiꞌi saa ichí tá táku i án tá ndi̱xiꞌi i, saa chi kúndaa teꞌe ini i ya täxi Tata yo kukaꞌan nuu i, ta siín mií ra ná chindee yeꞌe ya kuchiñu i xaa kaꞌnu ni i ra vitin xiꞌin ndiꞌi saa kivi ya vaxi.

Filipenses 2:1

Na taꞌan yo, xa ta̱xi Cristo ndee ndaꞌa yo ya xaꞌa yo tindee ini xiꞌin taꞌan yo, saa ta̱xi ra ndee ndaꞌa yo sindiko yo ini taꞌan yo, ta íyo Tachi Ndioxi xiꞌin yo táku ya ini yo, saa kúꞌvi ni ini yo xíni taꞌan yo xaꞌa ra, ta xaꞌa ra kua kúndaꞌvi ini yo xíni taꞌan yo.

Filipenses 3:10

Saa chi ya kúni ni i kua yóꞌó: Kúni ni i kuni taꞌan vaꞌa ka i xiꞌin Cristo, saa kúni i koo ndee Ndioxi ya si̱taku Jesús xiꞌin i, ta xa íyo ndúvi i ndoꞌo i tá kuꞌva ndi̱xiyo ndúvi mií ra ndi̱xiꞌi ra.

Colosenses 1:24

Ta yeꞌe, ta kúsini ni va i ya tíxuꞌvi i xaꞌa ndo vitin ñani yo xiꞌin kuꞌva yo na veꞌe ñuꞌu, chi xaꞌa ya tíxuꞌvi i saa kua síxinu ka i ya ti̱xuꞌvi ni Jesucristo xaꞌa ndóꞌo̱ kándixa ra, chi ikin kuñu ra ku ndo.

2 Timoteo 3:11

Ta xa kúndaa ini mií un ya ndee ni tindoꞌo ki̱xi nuu i xaꞌa Cristo, tá ndi̱xiyo i ñuu Antioquía, xiꞌin ñuu Iconio tin ñuu Listra. Ta mií Tata yo Jesucristo ku ra si̱kaku yeꞌe nuu ndiꞌi tindoꞌo ya ndo̱ꞌo i.

1 Pedro 4:13

Tá ndóꞌo ndo saa ta kusini ni ndo, chi iin káchi ndóꞌo ndo tá kuꞌva ndo̱ꞌo mií Tata yo Jesucristo. Saa tá ná ndiko koo tuku ra kixi ra ta kuni ndo ndee ya chee luvi ni kúu mií ra, ta kusini ni ndo.