2 Corintios 1:4 - Xochapa Mixteco

⁴ Chi mií ra ku ra síndiko ini yo xiꞌin ndiꞌi ni kúu tindoꞌo ya ndóꞌó yo, ta saa kuchiñu yo chindee taꞌan yo xiꞌin inka naꞌa, sindiko yo ini na, tá kuꞌva síndiko mií ra ini yo.

2 Corintios 1:4 Mawu Ofanana

San Juan 14:16

Ta yeꞌe nduku i ya mani nuu Iva i, ya ná tiꞌvi ra Tachi ra koo ya xiꞌin ndo Sindiko ya ini ndo, ta koo ya xiꞌin ndo ndiꞌi saa ichí.

San Juan 14:18

Sïndoo ndaꞌi i ndóꞌo̱ chi ndiko koo tuku i koo i xiꞌin ndo.

San Juan 14:26

Sundi Tachi I̱í ya tiꞌvi Iva i kixi Sindiko ya ini ndo, ta tixin kivi yeꞌe kua kixi ya chindee ya ndóꞌo. Saa sinaꞌa ndiꞌi ya ndóꞌo̱, ta sindikaꞌán ya ini ndo xaꞌa ndiꞌi tuꞌun ya ndi̱kaꞌan i xiꞌin ndo.

2 Corintios 7:13

Xaꞌa ya ñaa kua ndi̱kiꞌin ni nde ndee. Ta süvi ndisaa xaꞌa ya ñaa kua kúsini ni nde, chi ndeꞌe ta yáꞌa ni kúsini ni nde xaꞌa ya xa̱a si̱ni ni ndiꞌi ndo ini ra Tito ñani yo.

2 Corintios 7:4

Ta ndinuꞌu ni ini i ndi̱kaꞌan i xiꞌin ndo ya ndee ni kúsini i xiꞌin ndo, vaꞌa ni kúni i xiꞌin ndo, ta̱xi ni ndo ndee ndaꞌa i, vani ndee ni ti̱xuꞌvi nde.

Filipenses 1:14

Ta xaꞌa ya ndóꞌo i saa ndíkaa i veꞌe kàà yóꞌó kua chíndee taꞌan ya xiꞌin kuaꞌa ni na ñani yo ndúndee ka ini na, köo íꞌvi na kaꞌan ndoso na tuꞌun vaꞌa xaꞌa Tata yo Jesucristo.

1 Tesalonicenses 4:18

Xiꞌin tuꞌun ya káꞌan i xiꞌin ndo yóꞌó kua kaꞌan ndo xiꞌin na taꞌan ndo, xaꞌa ndo ndee xiꞌin na.

1 Tesalonicenses 5:11

Xaꞌa ya ñaa kua xaꞌa ndo ndee xiꞌin taꞌan ndo, chindee taꞌan ndo xiꞌin na taꞌan ndo ya ná kuaꞌnu ka na xiꞌin tuꞌun Ndioxi. Tá kuꞌva íkan ndo vitin saa ikan ndo xiꞌin taꞌan ndo.

HEBREOS 12:12

Xaꞌa ya ikán kua xíniñuꞌu ni ndo chikaa ni ndo ndee, vani xa ku̱vita ni ini ndo, köo ka ndee kúu mií ndo ta ná nduu ndee tuku ndo.