2 Corintios 1:2 - Xochapa Mixteco

² Ta ndiꞌi saa kivi ná niꞌi ni ndo ya vaꞌa nuu Iva yo Ndioxi xiꞌin Tata yo Jesucristo, saa ná koo vaꞌa ni ini ndo.

2 Corintios 1:2 Mawu Ofanana

ROMANOS 1:7

Táa i tutu yóꞌó xaa ya ndaꞌa ndóꞌo̱, ñani yo, xiꞌin ndóꞌo̱ kuꞌva yo ndóo ñuu Roma, chi ndóꞌo̱ ku naꞌa, na kúꞌvi ni ini Ndioxi xíni ra. Saa ka̱na ra ndóꞌo̱ ya kuu ndo naꞌa, na i̱í nuu ra, koo vaꞌa ni ini ndo, ná taxi ni ra ya vaꞌa ndaꞌa ndo ya ndi̱niꞌi uun ndo nuu Iva yo Ndioxi xiꞌin Tata yo Jesucristo.

1 Corintios 1:3

Ta ndiꞌi saa kivi ná taxi ni ra ya vaꞌa ndaꞌa ndo, koo vaꞌa ni ndo xiꞌin ya vaꞌa, ya ndi̱niꞌi uun ndo nuu Iva yo Ndioxi xiꞌin Tata yo Jesucristo, kúꞌvi ni ini ra xíni ra ndóꞌo̱.

2 Corintios 1:3

Saa ná kunuu vaꞌa ni ya toꞌo Ndioxi, ra kúu Iva Tata yo Jesucristo, Iva yo ra kúndaꞌvi ni ini xíni yoo ku ra ta ndiꞌi saa ichí síndiko ra ini yo.

Gálatas 6:16

Ta saa ná koo ni ya vaꞌa xiꞌin ndo, xiꞌin ya kúndaꞌvi ini Ndioxi xíni ra ndiꞌi ndóꞌo̱ na kúu ñuu Ndioxi, na xáa súvi ni ya káꞌan i xiꞌin ndo.

Efesios 6:23

Ñani yo, mií Ndioxi ná taxi ni ya koo vaꞌa ini ndo, ta ná kundaa ni ini ndo kuni ndo ra xiꞌin ya kúꞌvi ni ini ra xíni ra ndóꞌo̱, ta saa ná koo Tata yo Jesucristo xiꞌin ndo ndiꞌi saa ichí.

Filipenses 1:2

Ta mií Iva yo Ndioxi xiꞌin Tata yo Jesucristo ná chikaa ni ya vaꞌa ndóꞌo̱ saa ná taxi ra koo vaꞌa ni ini ndo.

Colosenses 1:2

xaa ya nuu ndóꞌo̱, na i̱í, na kúu ñuu Ndioxi, na ndinuꞌu ni ndíkun Tata yo Jesucristo, na ndóo ñuu Colosas. Saa ná ikan ni ra ya vaꞌa xiꞌin ndo ná taxi ni ra koo vaꞌa ni ini ndo.

1 Tesalonicenses 1:1

Yeꞌe Pablo xiꞌin ra Silvano tin ra Timoteo ku nde tíꞌvi tutu yóꞌó xaa ya ndaꞌa ndiꞌi ndóꞌo̱ ñani yo xiꞌin kuꞌva yo, na veꞌe ñuꞌu ndóo ñuu Tesalónica. Káꞌan ndioxi nde xiꞌin ndiꞌi ndo. Ta mií Iva yo Ndioxi xiꞌin Tata yo Jesucristo ná ikan ni ya vaꞌa xiꞌin ndo, saa ná taxi ra koo vaꞌa ni ini ndo.

2 Tesalonicenses 1:2

Ta mií Iva yo Ndioxi xiꞌin Tata yo Jesucristo ná taxi koo vaꞌa ni ini ndo, saa ná chikaa ni ra ya vaꞌa ndóꞌo̱.

FILEMÓN 1:3

Ta mií Iva yo Ndioxi xiꞌin Tata yo Jesucristo ná ikan ni ya vaꞌa xiꞌin un, ná taxi ra ya vaꞌa koo ya ini un.