2 Corintios 1:1 - Xochapa Mixteco

¹ Yeꞌe Pablo, xiꞌin ra ñani yo Timoteo ku nde táa tutu yóꞌó xaa ya nuu ndo. Chi saa chi̱tuni mií Iva yo Ndioxi ka̱na ra yeꞌe ya xíka i chiñu nuu Tata yo Jesucristo. Táa nde ya xaa ya nuu ndóꞌo̱, na veꞌe ñuꞌu, ndóo ñuu Corinto xiꞌin ndiꞌi ka ndóꞌo̱, na i̱í, ndóo ndiꞌi saa mií ñuu ya ñúꞌu mií estado Acaya ñaa.

2 Corintios 1:1 Mawu Ofanana

Los Hechos 16:1

Ndi̱xaa ra Pablo xiꞌin ra Silas ñuu Derbe xiꞌin ñuu Listra. Ikán ndi̱taꞌan nda iin ra kándixa Jesús, náni ra Timoteo, seꞌe iin yá judío yá kándixa Jesús ku ra, ta iva ra ku ra griego.

ROMANOS 15:26

Saa chi na taꞌan yo, na veꞌe ñuꞌu na ndóo chí ñuu Macedonia xiꞌin na ndóo chí ñuu Acaya, ndi̱kani ini na ndi̱kaya na loꞌo xuꞌun ya tiꞌvi na kuꞌun ndaꞌa na taꞌan yo, na ndaꞌvi, ndóo ñuu Jerusalén.

ROMANOS 16:21

Ta saa káꞌan ndioxi ni tu ra ñani yo ra Timoteo, ra ítaꞌan xiꞌin i xáa chiñu nde nuu Tata yo Jesús va. Xiꞌin nda taꞌan i, ra ñani yo ra Lucio, tin ra Jasón, xiꞌin ra Sosípater, káꞌan ndioxi ni tu nda ikán va xiꞌin ndo.

ROMANOS 16:5

Saa kaꞌan ndioxi tu ndo xiꞌin nda ñani yo tin ná kuꞌva yo na ndíkitaꞌan veꞌe yá Priscila xiꞌin ra Aquila. Saa kaꞌan ndioxi ni tu ndo xiꞌin ra ñani yo ra Epeneto. Vaꞌa ni xi̱taꞌan nde xiꞌin taꞌan nde. Ra ikán ku ra núnuu ndi̱kundikun Jesucristo chí ñuu Acaya.

1 Corintios 10:32

Ta küvi ikan ndo ñaꞌa xiꞌin na taꞌan yo, ya sindikava ndo ini na, án na judío ku na, án süvi na judío ku na, án na kándixa Tata yo Jesucristo ku na, ta küvi ikan ndo saa xiꞌin na.

1 Corintios 16:10

Tá ná xaa ra Timoteo ñani yo nuu ndo, ta vaꞌa ndikiꞌin vií ni ndo ra, saa kusini ra koo ra xiꞌin ndo. Saa chi ra ikán, ta tá xáa chiñu yeꞌe nuu Iva yo Ndioxi, saa xáa chiñu ra.

1 Corintios 16:15

Ñani yo, xa kúndaa vaꞌa ini ndo xaꞌa na veꞌe ra ñani yo, ra Estéfanas, na ndóo chí estado Acaya. Na ikán ku na núnu̱ú xa̱á ndíkun Tata yo, ta xa̱á na xáa chiñu ni na chíndee taꞌan ni na xiꞌin ñani yo na ndíkun Tata yo Jesucristo.

1 Corintios 16:24

Ta ndee ni kúꞌvi ini i xíni i ndiꞌi ndo xaꞌa ya ndíkun ndo Tata yo Jesucristo. Saa ná koo.

1 Corintios 6:11

Taꞌan ya väꞌa yóꞌó ku ya i̱kan sava ndo yachi. Sundi vitin ta xa ndo̱o kuachi ndo, xa ndu̱u ndo naꞌa, na i̱í, na köo ka kuachi kúu mií nuu Ndioxi. Ta xa ndi̱kuiso vaꞌa ra ndóꞌo̱ tixin ndee Tata yo Jesucristo, saa tu xiꞌin ndee Tachi I̱í mií Iva yo Ndioxi va.

2 Corintios 1:19

Saa chi ra ñani yo ra Silvano xiꞌin ra Timoteo tin yeꞌe, ta ndi̱kaꞌan ndoso nde xiꞌin ndo xaꞌa Tata yo Jesucristo, ra kúu Seꞌe Ndioxi. Ta köo uvi yuꞌu ra, nina ya ndaa káꞌan ra ndiꞌi saa kivi, ta ndixa síxinu ra tuꞌun káꞌan ra.

2 Corintios 1:23

Ta mií Ndioxi ku ra ndíkuiin xaꞌa ya káꞌan i xiꞌin ndo, ndá xaꞌa kua köo ndi̱xaa i nuu ndo ñuu Corinto koto i ndóꞌo̱, chi köo ndi̱kuni i kaꞌan i xiꞌin ndo ndá ka tuꞌun uꞌvi, ya sitikueꞌe i ndóꞌo̱, ta xaꞌa ya ñaa kua köo ndi̱xaa i nuu ndo.

2 Corintios 11:10

Ta kúndaa teꞌe ini i ya íyo ya ndaa xaꞌa Cristo xiꞌin i, saa kúndaa teꞌe ini i ya nda iin naꞌa küchiñu kindaa ya kúsini ni i, ya kïꞌin i xuꞌun ndaꞌa nda iin ndóꞌo̱ ndóo ñuu Corinto ya ndóꞌni estado Acaya ñaa.

2 Corintios 9:2

Chi xa xíni i ini ndo ya ndee ni vaꞌa kúni ndo chindee ndo na, kuꞌva saa kua vaꞌa ni ndi̱tuꞌun i xaꞌa ndo xiꞌin ndiꞌi na veꞌe ñuꞌu, na ndóo estado Macedonia. Ndi̱kaꞌan i xiꞌin na xaꞌa ndóꞌo̱ ndóo estado Acaya, ya ndee ni vaꞌa íyo ndúvi ndo chindee ndo na taꞌan yo, na ndaꞌvi. Ta nda kuiya ya ndi̱yaꞌa xa̱á ndo íkan ndo saa, ta xaꞌa ya vaꞌa ni íkan ndo, ta saa ndiꞌi na taꞌan yo, na ndóo Macedonia yóꞌó kúni tu na yóꞌó va chindee taꞌan na xiꞌin na taꞌan yo.

Gálatas 1:1

Yeꞌe, Pablo, ra xíka chiñu nuu Tata yo Jesucristo ku i táa tutu yóꞌó, xaa ya nuu ndo. Ta süvi na ñuu ivi yóꞌó ku na ndi̱taxi chiñu ndaꞌa i kúu i apóstol, chi mií Tata yo Jesucristo xiꞌin mií Iva yo Ndioxi, ra si̱taku Tata yo Jesucristo ku ra ta̱xi chiñu ndaꞌa i xáa chiñu i nuu ra.

Gálatas 3:26

Chi xaꞌa ya kándixa yo Jesucristo kua ndúu ndiꞌi yo seꞌe Ndioxi vitin.

Efesios 1:1

Yeꞌe Pablo, ra ndi̱kaxin mií Ndioxi xáa chiñu i nuu ra ku i táa tutu yóꞌó xaa ya nuu ndiꞌi ndóꞌo̱, ndóo ñuu Éfeso, chi na i̱í, na kúu ñuu Ndioxi ku ndo ta ndinuꞌu ni ini ndo kándixa ndo Jesucristo.

Filipenses 1:1

Yeꞌe Pablo xiꞌin ra Timoteo, nde xáa chiñu nuu Tata yo Jesucristo ku nde táa tutu yóꞌó xaa ya nuu ndiꞌi ndóꞌo̱, na ñani yo, na i̱í, na ndíkun Jesucristo, ndóo ñuu Filipos. Tíꞌvi ni nde tuꞌun mani xaa ya nuu ndiꞌi ndo, saa tu tá kúu ndiꞌi ndóꞌo̱ na kúnaꞌnu xáꞌnda chiñu veꞌe ñuꞌu, xiꞌin ndiꞌi na chíndee taꞌan xiꞌin ndo.

1 Tesalonicenses 1:1

Yeꞌe Pablo xiꞌin ra Silvano tin ra Timoteo ku nde tíꞌvi tutu yóꞌó xaa ya ndaꞌa ndiꞌi ndóꞌo̱ ñani yo xiꞌin kuꞌva yo, na veꞌe ñuꞌu ndóo ñuu Tesalónica. Káꞌan ndioxi nde xiꞌin ndiꞌi ndo. Ta mií Iva yo Ndioxi xiꞌin Tata yo Jesucristo ná ikan ni ya vaꞌa xiꞌin ndo, saa ná taxi ra koo vaꞌa ni ini ndo.

1 Tesalonicenses 3:2

ta ti̱ꞌvi nde ra Timoteo, ñani yo, xaa ra nuu ndo koto ra ndóꞌo̱. Ta ra ñaa iin káchi vaꞌa ni xáa chiñu ra nuu Ndioxi xiꞌin nde, káꞌan ndoso ra tuꞌun vaꞌa xaꞌa Tata yo Jesucristo. Ta ti̱ꞌvi nde ra xaa ra nuu ndo koto ra ndóꞌo̱, ya chindee ra ndóꞌo̱ kandixa ni ka ndo tuꞌun xaꞌa Tata yo Jesucristo, saa xaꞌa ni ra ndee xiꞌin ndo,

2 Tesalonicenses 1:1

Yeꞌe Pablo, xiꞌin ra Silvano tin ra Timoteo ku nde tíꞌvi tutu yóꞌó xaa ya ndaꞌa ndóꞌo̱, na veꞌe ñuꞌu, na ndóo ñuu Tesalónica nuu káꞌan ndioxi nde xiꞌin ndo. Chi xa iin ku ndo xiꞌin Iva yo Ndioxi tin Tata yo Jesucristo.

1 Timoteo 1:1

Yeꞌe Pablo, ra xíka chiñu nuu Tata yo Jesucristo, ra ti̱ꞌvi Ndioxi vaxi sikaku yoo xiꞌin suvi mií Tata yo Jesucristo, ra ndinuꞌu ni ndáa ini yo.

2 Timoteo 1:1

Yeꞌe Pablo, ra ndi̱kaxin Ndioxi xáa chiñu nuu Tata yo Jesucristo ku i, saa chi saa chi̱tuni mií ra ta̱xi ra chiñu yóꞌó ndaꞌa i ya káꞌan ndoso i xiꞌin naꞌa xaꞌa ya ki̱ndoo ra xiꞌin na taxi ra kutaku na tixin Tata yo Jesucristo.

Tito 1:1

Yeꞌe ku ra Pablo, ta suvi mií i ku ra xáa chiñu nuu Iva yo Ndioxi, ta xíka tu i chiñu nuu Tata yo Jesucristo va. Ta yeꞌe ku ra táa tutu yóꞌó xaa ya nuu un ñani yo Tito, chi mií Iva yo Ndioxi ku ra ndi̱kaxin yeꞌe, saa xa̱ꞌnda chiñu ra nuu i ya kaka i chindee taꞌan i xiꞌin na ñuu ra, na ndi̱kaxin ra, ya ndinuꞌu ni ini na ná kundaa ini na kuni na ra. Ta saa vaꞌa ná kundaa ini na ya ndaa xaꞌa Tata yo Jesucristo, tá kuꞌva kúni mií Iva yo Ndioxi.

FILEMÓN 1:1

Yeꞌe ku ra Pablo, ra ndíkaa veꞌe kàà yóꞌó, ta xaꞌa ya káꞌan ndoso i tuꞌun vaꞌa xaꞌa Tata yo Jesucristo kua ndíkaa i yóꞌó. Ta xiꞌin ra Timoteo ñani yo kua táa i tutu yóꞌó xaa ya ndaꞌa un ñani yo Filemón, chi yóꞌo̱, ta xáa chiñu un nuu Tata yo Jesucristo tá kuꞌva xáa chiñu ndeꞌe nuu ra, ta ndee ni kúꞌvi ini nde xíni nde yóꞌo̱.

HEBREOS 13:23

Ta saa káꞌan i xiꞌin ndo ya ná kundaa ini ndo xaꞌa ra ñani yo ra Timoteo, xa ke̱ta ra veꞌe kàà. Tá tu kama ná xaa ra, ta kundaka i ra xaa ra xiꞌin i koto i ndóꞌo̱.