1 Timoteo 6:3 - Xochapa Mixteco

³ Tá íyo sava na síin ni sínaꞌa, ta köo sínaꞌa na tá kuꞌva si̱naꞌa Tata yo Jesucristo, chi ya si̱naꞌa Tata yo, ta ya ndaa ni kua, ya káꞌan xaꞌa ya vívií ni ná koo yo nuu Ndioxi kua.

1 Timoteo 6:3 Mawu Ofanana

San Mateo 22:21

Saa ndi̱kuiin nda, káꞌan nda: ―Naꞌna ra rey César kua, ta kivi ra ikán kua ínuu nuu ya ―káchi nda xiꞌin ra. Saa ndi̱kaꞌan ra xiꞌin nda, káchi ra saa: ―Taxi ndo ya kúu ñaꞌa na chiñu ndaꞌa na chiñu, ta taxi tu ndo ya kúu ñaꞌa Ndioxi ndaꞌa Ndioxi ―káchi ra xiꞌin nda.

San Mateo 28:20

Saa sinaꞌa ndo na ya ná xaa súvi ndiꞌi na ya ndi̱kaꞌan i xiꞌin ndo. Ta ná kundaa ini ndo, chi yeꞌe, ta ndiꞌi saa kivi koo i xiꞌin ndo, iin saa nda ná ndiꞌi xaꞌa ñuu ivi ―káchi Jesús xiꞌin nda xi̱taꞌan xiꞌin ra. Saa ná koo.

ROMANOS 16:17

Ñani yo xiꞌin kuꞌva yo, xíkan ni i ya mani nuu ndo, kundaa ni ndo mií ndo nuu naꞌa, na táꞌvi naꞌa veꞌe ñuꞌu. Kuenta ni koo ndo xiꞌin na, saa chi köo íyo yuꞌu na xiꞌin ya si̱naꞌa nde ndóꞌo̱, ta kúni na ndi̱kasi na nuu ndo ya ná kändixa ndo tuꞌun vaꞌa xaꞌa Jesucristo. Kuxika ndo nuu na ñaa, kütaꞌan ndo xiꞌin na.

1 Tesalonicenses 4:8

Ta ndiꞌi naꞌa, na köo xíin xaa súvi ya yóꞌó, ta süvi ya káꞌan ndeꞌe kua köo xíin na xaa súvi na, chi ya káꞌan mií Iva yo Ndioxi kua köo xíin na xaa súvi na, chi mií ra ku ra táxi Tachi I̱í ra ndaꞌa yo íyo ya xiꞌin yo.

1 Timoteo 1:10

xiꞌin nda taa kuakiꞌvi xiꞌin ná ñaꞌa ta süvi ná síꞌi nda ku ná, ta saa tu ná ñaꞌa ta süvi ií ná ku nda. Saa tu nda taa, nda kuakiꞌvi xiꞌin taꞌan mií nda, saa tu naꞌa, na síkuiꞌna sěꞌe naꞌa, xiꞌin na vata, xiꞌin na chínaꞌa xaꞌa ya síki íkan na, saa tu naꞌa, na sáa ini xíni tuꞌun ya ndaa sínaꞌa yo.

1 Timoteo 1:3

Ta xa kúndaa ini un tá kivi ke̱e i chí ñuu Éfeso saa ndi̱kiꞌin i kuaꞌan i chí ñuu Macedonia ta ndi̱kaꞌan i xiꞌin un ndoo un koo un ñuu Éfeso ñaa, ya ná kaꞌnda chiñu un nuu sava naꞌa, na sínaꞌa ya vata, ya ná sïnaꞌa ka na kuꞌva saa.

1 Timoteo 1:6

Chi sava na ta xaꞌa ya köo ndi̱xiin na xaa súvi na ndiꞌi ya yóꞌó, yakan ku̱xika na ta saa xa̱á na ndítuꞌun na ndisaa xaꞌa ñaꞌa ya köo ndáa yaꞌvi.

2 Timoteo 1:13

Ta yóꞌo̱, ta xíniñuꞌu un xaa súvi un tuꞌun vaꞌa ya xa si̱naꞌa i yóꞌo̱, tá íyo ya i̱kan i, saa koo ya ikan un, vií koo un, ndǎku koo un. Ta sïndoo un ya ndáa ni un xíni un Ndioxi ni sïndikoo un ya kúꞌvi ni ini un xíni un inka na taꞌan yo xaꞌa ya ndíkun na Tata yo Jesucristo.

2 Timoteo 4:3

Saa chi vaxi kivi, ta küaꞌa ka naꞌa kuni soꞌo na tuꞌun Ndioxi ya ndaa, ya kúu ichí ndaku nuu kutaku na. Ta saa xáa na kuni soꞌo na tuꞌun ya kúni mií na. Ta saa ndikundikun na kuaꞌa ni nda sínaꞌa ndisaa ya kútoo mií na kuni soꞌo na.

Tito 1:1

Yeꞌe ku ra Pablo, ta suvi mií i ku ra xáa chiñu nuu Iva yo Ndioxi, ta xíka tu i chiñu nuu Tata yo Jesucristo va. Ta yeꞌe ku ra táa tutu yóꞌó xaa ya nuu un ñani yo Tito, chi mií Iva yo Ndioxi ku ra ndi̱kaxin yeꞌe, saa xa̱ꞌnda chiñu ra nuu i ya kaka i chindee taꞌan i xiꞌin na ñuu ra, na ndi̱kaxin ra, ya ndinuꞌu ni ini na ná kundaa ini na kuni na ra. Ta saa vaꞌa ná kundaa ini na ya ndaa xaꞌa Tata yo Jesucristo, tá kuꞌva kúni mií Iva yo Ndioxi.

Tito 1:9

Xíniñuꞌu nda kuu nda taa, nda ndee ni kándixa tuꞌun ya ndaa ni si̱naꞌa nde. Saa kua vaꞌa xaꞌa nda ndee xiꞌin nda ñani yo tin kuꞌva yo, ta saa sixinu nda ini na köo xíin kandixa vaꞌa.

Tito 3:8

Ñani yo, tuꞌun ya káꞌan i xiꞌin un yóꞌó, ta ya ndaa ni kua, yakan ndinuꞌu ni ini un sinaꞌa un ya, ya ná kundaa ini na taꞌan yo na kándixa Ndioxi ikan na ya vaꞌa, chi ya yóꞌó kua ndee ni vaꞌa, chíndee ni ya ndiꞌi na ñuu ivi.