1 Timoteo 4:8 - Xochapa Mixteco

⁸ Ta ya vaꞌa ni kua ikan loꞌo yo ejercicio nuu ndúndee ikin kuñu yo, sundi ya ndee ni ka xíniñuꞌu yo ikan yo kua koo vií ni yo nuu Ndioxi, chi tá íkan yo saa kua niꞌi ni yo ya vaꞌa nuu ra tiempo táku yo vitin xiꞌin tiempo ya vaxi.

1 Timoteo 4:8 Mawu Ofanana

San Mateo 12:32

Saa tu na káꞌan kini xaꞌa yeꞌe ku Taa ra xa̱a ñuu ivi yóꞌó, xaa kaꞌnu ini Ndioxi xaꞌa kuachi na. Sundi ndiꞌi naꞌa na kánaꞌa xaꞌa Tachi I̱í Ndioxi, ta xäa kaꞌnu ini ra xaꞌa na, ni tiempo vitin ni tiempo ya vaxi xäa kaꞌnu ini Ndioxi xaꞌa kuachi na.

San Mateo 19:29

Ta ndiꞌi na síndikoo veꞌe na, án ñani na, án kuꞌva na, án iva siꞌí na, án yá síꞌi na, án seꞌe na, án ñuꞌú na, xaꞌa ya ndíkun na yeꞌe. Ta na yóꞌó ta kuaꞌa ni ya vaꞌa niꞌi na nuu Ndioxi. Nda iin ciento ka ya vaꞌa niꞌi na sata iin iin ñaꞌa ya si̱ndoo na. Ta saa niꞌi na koo na xiꞌin Ndioxi ndiꞌi saa kivi ya vaxi.

San Mateo 6:33

Ndinuꞌu ni ini ndo kundikun ndo ichí nuu xáꞌnda chiñu Ndioxi, saa íkan ndo ya vaꞌa nuu ra. Ta ndiꞌi ka ñaꞌa ya xíniñuꞌu ndo ta mií ra taxi ndiꞌi ya ndaꞌa ndo.

San Marcos 10:30

na yóꞌó ta kuaꞌa ni ka ya vaꞌa niꞌi na ñuu ivi yóꞌó, niꞌi siin na veꞌe na, xiꞌin kuꞌva na, án kuꞌvi na, án siꞌí na, án seꞌe na, án ñuꞌú na. Vani tixuꞌvi ni na ikan naꞌa, tá ná kuvi na ta vaꞌa ni kee na koo na xiꞌin Ndioxi.

San Lucas 5:38

Yakan kua táan na rá xa̱á ini ñií xa̱á, ta ni rá xa̱á ta küita ra ni ñií nuu ñúꞌu ra ta täꞌnda ya.

ROMANOS 8:28

Xíni mií yo, ndiꞌi tindoꞌo ya ndóꞌo yo, ta ya vaꞌa ni mií yo kua ndóꞌo yo saa. Saa chi saa íkan Ndioxi xiꞌin ndiꞌi naꞌa, na kúꞌvi ni ini ra xíni ra, ta kána ra na ndikundikun na ra, chi saa chi̱tuni mií ra ikan ra xiꞌin na.

1 Corintios 3:22

Tá kúu yeꞌe Pablo xiꞌin ra Apolos, xiꞌin ra Pedro tin ñuu ivi yóꞌó, saa tu ya táku yo, xiꞌin ya xáꞌni yoo, saa tu tiempo ya ndóo yo vitin, xiꞌin ya kuu tiempo ya vaxi. Ndiꞌi ya yóꞌó ta xaꞌa mií ndo íyo ndiꞌi ya.

1 Corintios 8:8

Süvi xaꞌa ñaꞌa ya xíxi yo kua kúyati ka yoo nuu Ndioxi, tá ná kuxi yo ta köo ndúu i̱í ka yo nuu ra, ni tá ná küxi yo ta köo ndúkini ka yo nuu ra.

1 Timoteo 4:7

Ta küni soꞌo un kuento vata, ya köo ndáa yaꞌvi ndítuꞌun naꞌa. Ya vaꞌa ni kua xaꞌa ni un ndee kuu un iin taa, ra vaꞌa ni xáa súvi ya kúni Ndioxi.

1 Timoteo 6:3

Tá íyo sava na síin ni sínaꞌa, ta köo sínaꞌa na tá kuꞌva si̱naꞌa Tata yo Jesucristo, chi ya si̱naꞌa Tata yo, ta ya ndaa ni kua, ya káꞌan xaꞌa ya vívií ni ná koo yo nuu Ndioxi kua.

1 Timoteo 6:5

ndiꞌi saa ichí kánitaꞌan nda xiꞌin tuꞌun ya köo ndáa yaꞌvi. Chi köo ka vi ya xínituni nda, nda xa ndi̱yaꞌa vaꞌa ini va ku nda, köo xíni nda ya ndaa, köo íyo vaꞌa ka ini nda, xaꞌa ya ikán kua ku̱xika nda nuu ya ndaa. Saa ndíkani ini nda ya ndukuika ni nda xaꞌa ya ndíkun nda ichí Tata yo Jesucristo. Ta kütaꞌan un xiꞌin nda ñaa, vaꞌa kuxika un nuu nda.

1 Timoteo 6:6

Chi ya ndixa kua vaꞌa ni kée yo xaꞌa ya ndíkun yo Tata yo Jesucristo, tá tu íyo vaꞌa ni ini yo xiꞌin ndisaa ñaꞌa ya xa kúu mií yo, ta köo xíka ka ini yo koo ni ka ñaꞌa yo.

2 Timoteo 3:5

Ta kaꞌan na ya káñuꞌu ni na Ndioxi, sundi kuꞌva íkan na, ta ndínaꞌa na mií na ya köo ndinuꞌu ini na ndíkun na ra. Ta yóꞌo̱, ta vaꞌa kuxika un nuu na ñaa. Kütaꞌan un xiꞌin na.

Tito 3:8

Ñani yo, tuꞌun ya káꞌan i xiꞌin un yóꞌó, ta ya ndaa ni kua, yakan ndinuꞌu ni ini un sinaꞌa un ya, ya ná kundaa ini na taꞌan yo na kándixa Ndioxi ikan na ya vaꞌa, chi ya yóꞌó kua ndee ni vaꞌa, chíndee ni ya ndiꞌi na ñuu ivi.

HEBREOS 13:9

Täxi ndo sindaꞌvi naꞌa ndóꞌo̱ xaꞌa inka tuꞌun ya köo íyo yuꞌu xiꞌin tuꞌun ya si̱naꞌa Tata yo Jesucristo ndóꞌo̱. Ya vaꞌa ni ka va kua ná ndundee ka nima ndo xiꞌin ya vaꞌa ndi̱niꞌi uun ndo nuu Iva yo Ndioxi. Sundi na ikán ta ndisaa xaꞌa ley yata káꞌan na, ndá ñaꞌa kua vaꞌa kuxi yo ta ndá ñaꞌa kua küvi kuxi yo, káchi na, ta ya sínaꞌa na ikán ta nda loꞌo köo chíndee taꞌan ya xiꞌin nda iin naꞌa.

1 Juan 2:25

Saa chi Tata yo Jesucristo ki̱ndoo ra taxi ra ya ndi̱kaꞌan ra taxi ra ndaꞌa yo, ta ya ikán kua yóꞌó: taxi ra koo yo xiꞌin ra ndiꞌi saa tiempo.

El Apocalipsis 3:12

Ndiꞌi naꞌa, na kúchiñu nuu ya väꞌa, xaꞌa ya köo síndoo na ichí i, ta taxi i ichí ndaꞌa na, nduu na naꞌa, na ndee ni, na xíniñuꞌu ni ini veꞌe ñuꞌu Ndioxi nuu ndivi. Tá kuꞌva ndíso ni itun ndíso xiní veꞌe, kuꞌva saa koo na ikán. Ta veꞌe ñuꞌu Ndioxi ikán koo na ndiꞌi saa kúu kivi. Ta chinuu i kivi Ndioxi, ra xáa kaꞌnu i sata iin iin na. Saa chinuu i kivi ñuu Ndioxi, ñuu Jerusalen ya xa̱á, sata iin iin na. Ta chinuu tu i kivi mií va i ya xa̱á, chinuu i ya sata iin iin na.

El Apocalipsis 3:21

Ndiꞌi naꞌa, na kúchiñu nuu ya väꞌa, xaꞌa ya köo síndoo na ichí i, ta yeꞌe taxi i koo na xiꞌin i nuu ndivi ya kaꞌnda chiñu na xiꞌin i. Saa chi yeꞌe ta xa ku̱chiñu i nuu ya väꞌa, yakan ta̱xi Iva i Ndioxi ichí ndaꞌa i ndi̱kunduꞌu i xiꞌin ra ñaꞌñu kuáꞌá ra, íyo i xáꞌnda chiñu i xiꞌin ra.