1 Timoteo 4:6 - Xochapa Mixteco

⁶ Tá sínaꞌa un tuꞌun ya ndaa yóꞌó nuu na ñani yo xiꞌin kuꞌva yo, na veꞌe ñuꞌu, saa kua koo un iin ra vaꞌa ni xáa chiñu nuu Tata yo Jesucristo. Saa chi tá íyo ya vaꞌa ni xíxi yo táxi ndee ndaꞌa yo, kuꞌva saa íyo tuꞌun Tata yo Jesucristo ya kándixa ni yo xiꞌin tuꞌun ra ya xa si̱kuaꞌa un.

1 Timoteo 4:6 Mawu Ofanana

Colosenses 3:16

Ta taxi ndo ndee ni ná koo mií tuꞌun Tata yo Jesucristo nima ndo. Saa sinaꞌa taꞌan ndo ta ndikani ndo nuu taꞌan ndo sixinu ndo ini taꞌan ndo ya ná ikan ndo ya vaꞌa kúni Ndioxi. Saa ná kusini ndo ta kata ndo salmo xiꞌin yaa i̱í nuu Ndioxi ya táxi ndo tixaꞌvi ndaꞌa ra xaꞌa ya íyo vaꞌa ni ini ndo xiꞌin ra.

Tito 2:1

Sundi yóꞌo̱, ñani yo Tito, ta xíniñuꞌu un sinaꞌa un ndisaa ya ndaa xaꞌa ichí Tata yo Jesucristo ya kándixa yo.

Colosenses 4:7

Ta ra ñani yo, ra Tíquico, ra kúꞌvi ni ini yo xíni yo, ra ndee ni vaꞌa xáa chiñu nuu Ndioxi, ra ítaꞌan xiꞌin i xáa chiñu nde nuu Iva yo, ra yóꞌó ku ra ndituꞌun xiꞌin ndo xaꞌa ndiꞌi ya ndóꞌo i.

San Mateo 13:52

Saa ndi̱kaꞌan ka Jesús xiꞌin nda, káchi ra saa: ―Tá kúu sava nda sínaꞌa ley Ndioxi ya ta̱a ra Moisés, ndíkundikun nda ichí nuu xáꞌnda chiñu Ndioxi, ta nda tá káa iin taa xiꞌin veꞌe ra nuu chivaꞌa ra ñaꞌa yata ra xiꞌin ñaꞌa xa̱á ra, saa íyo nda. Saa chi nda ikán, ta kúchiñu nda táva nda ya kuika yata ya xa xíni nda xiꞌin ya kuika xa̱á ―káchi ra xiꞌin nda.

Judas 1:5

Ta yeꞌe ra kúni i sindikaꞌán i ini ndo xaꞌa ya xa xíni vaꞌa ndo xaꞌa: Chi Iva yo Ndioxi ta si̱kaku ra na Israel ñuu Egipto, ta sindiꞌi saa si̱ndiꞌi xaꞌa yaa ra naꞌa, na köo ndi̱xiin kandixa ñaꞌa.

2 Juan 1:9

Ndiꞌi na síndoo ichí ya si̱naꞌa Jesucristo ta ndíkiꞌin na inka ichí kuaꞌan na, ta köo Ndioxi íyo xiꞌin na, sundi na tuun ni ndíkun ichí ya si̱naꞌa ra ta kúu mií na Iva yo Ndioxi xiꞌin Seꞌe ra.

1 Pedro 2:2

Koo ndo tá kuꞌva íin na vali, na sikan ka̱ku, na ndee ni káꞌun ini ta kúni ni na chichin na, kuꞌva saa xíniñuꞌu ndo nduku ni ndo nina tuꞌun ya vaꞌa, ya kúu tuꞌun Tata yo, saa kua nduu ndo na ndinuꞌu ni ndíkun ichí ra, ya kaku ndo.

2 Timoteo 4:3

Saa chi vaxi kivi, ta küaꞌa ka naꞌa kuni soꞌo na tuꞌun Ndioxi ya ndaa, ya kúu ichí ndaku nuu kutaku na. Ta saa xáa na kuni soꞌo na tuꞌun ya kúni mií na. Ta saa ndikundikun na kuaꞌa ni nda sínaꞌa ndisaa ya kútoo mií na kuni soꞌo na.

2 Timoteo 3:10

Ta yóꞌo̱ ñani yo, ta xa xíni vaꞌa un yeꞌe, ndá kuꞌva sínaꞌa i, ta ndá kuꞌva íyo i, ta xíni un unkua ndíkani ini i xaa súvi i, saa xíni un ya ndáa ni i ini i xíni Ndioxi, ta kúꞌvi ni ini i xíni i naꞌa, saa xíni un ya kaꞌnu ni ini i.

2 Timoteo 1:6

Xaꞌa ya ñaa kua káꞌan i xiꞌin un ya ná kuniñuꞌu ni un ndee vaꞌa ya ta̱xi Tachi I̱í Ndioxi ndaꞌa un tá kivi chi̱nuu ndaꞌa i xi̱ní un. Täxi un ndiꞌi xaꞌa ya.

1 Timoteo 6:3

Tá íyo sava na síin ni sínaꞌa, ta köo sínaꞌa na tá kuꞌva si̱naꞌa Tata yo Jesucristo, chi ya si̱naꞌa Tata yo, ta ya ndaa ni kua, ya káꞌan xaꞌa ya vívií ni ná koo yo nuu Ndioxi kua.

1 Timoteo 4:16

Ta kuenta ni koo un xaꞌa kuꞌva íyo un xiꞌin kuꞌva ya sínaꞌa un na, kundiꞌi ni ini un xaa súvi un ya, chi tá vaꞌa íkan un ta síkaku un mií un xiꞌin na xíni soꞌo ya káꞌan un.

1 Timoteo 1:10

xiꞌin nda taa kuakiꞌvi xiꞌin ná ñaꞌa ta süvi ná síꞌi nda ku ná, ta saa tu ná ñaꞌa ta süvi ií ná ku nda. Saa tu nda taa, nda kuakiꞌvi xiꞌin taꞌan mií nda, saa tu naꞌa, na síkuiꞌna sěꞌe naꞌa, xiꞌin na vata, xiꞌin na chínaꞌa xaꞌa ya síki íkan na, saa tu naꞌa, na sáa ini xíni tuꞌun ya ndaa sínaꞌa yo.

1 Tesalonicenses 3:2

ta ti̱ꞌvi nde ra Timoteo, ñani yo, xaa ra nuu ndo koto ra ndóꞌo̱. Ta ra ñaa iin káchi vaꞌa ni xáa chiñu ra nuu Ndioxi xiꞌin nde, káꞌan ndoso ra tuꞌun vaꞌa xaꞌa Tata yo Jesucristo. Ta ti̱ꞌvi nde ra xaa ra nuu ndo koto ra ndóꞌo̱, ya chindee ra ndóꞌo̱ kandixa ni ka ndo tuꞌun xaꞌa Tata yo Jesucristo, saa xaꞌa ni ra ndee xiꞌin ndo,

Colosenses 2:19

Chi na ñaa, ta köo táxi na kaꞌnda chiñu Cristo nuu na, ra kúu xi̱ní xáꞌnda chiñu nuu ndiꞌi na veꞌe ñuꞌu, chi mií ra kú ra táxi táku ndiꞌi na, ta ikin kuñu ra ku ndiꞌi yo kándixa ñaꞌa. Tá kuꞌva íyo tuchi ya chítaꞌan ikin kuñu yo, kuꞌva saa íyo Jesucristo xiꞌin yo chíndee ra yoo ya ná kuchiñu yo ndikitaꞌan vaꞌa yo xiꞌin taꞌan yo, ta saa kuchiñu yo kuaꞌnu yo tá kuꞌva kúni mií Ndioxi.

Filipenses 3:16

Sundi ya xa ku̱ndaa ini yo xaꞌa yóꞌó kua xíniñuꞌu ni yo xaa súvi yo vitin taan, ta saa ná ikan yo xiꞌin taꞌan yo.

Efesios 6:21

Ta ra ñani yo Tíquico ku ra vaꞌa ni ítaꞌan xiꞌin i xáa chiñu nde nuu Tata yo Jesucristo, ta ra ñaa ku ra ndituꞌun xiꞌin ndo xaꞌa i xiꞌin ndiꞌi ya ndóꞌo i.

2 Corintios 6:4

Nda vaꞌa ka va íkan nde, chi ndiꞌi ya íkan nde nuu na ta káꞌan ya xaꞌa nde ya xáa chiñu nde nuu Ndioxi. Xáꞌa ndee ini nde xiꞌin ndiꞌi tindoꞌo ya vaxi nuu nde, saa tu tindiꞌi ini ya vaxi nuu nde, xiꞌin ya kúmani ñaꞌa xíniñuꞌu nde, saa kúndee ini nde xiꞌin ndiꞌi ya suchi ini vaxi nuu nde.

2 Corintios 3:6

Iindaa mií Ndioxi ku ra ta̱xi ndee ndaꞌa nde ya kuchiñu nde xaa súvi nde tuꞌun ya xa̱á ki̱ndoo ra ikan ra xiꞌin na ñuu ra. Ta tuꞌun ya xa̱á ki̱ndoo ra xiꞌin yo, ta köo ndi̱kaꞌi ya nuu yu̱ú tá kuꞌva ndi̱xiyo ley Ndioxi ya ta̱xi ra ndaꞌa ra Moisés xinaꞌa, chi ley ikán ta ta̱xi ya kuachi xaꞌa naꞌa ndi̱xiꞌi na, sundi Tachi I̱í Ndioxi ta ya táxi kutaku yo ku ya.

1 Corintios 4:17

Xaꞌa ya ñaa kua tíꞌvi i ra Timoteo ñani yo xaa ra nuu ndo, vaꞌa ni ítaꞌan ra xiꞌin i. Nda tá káa seꞌe i saa káa ra, kúꞌvi ni ini i xíni i ra xaꞌa ra ya ndíkun ra Tata yo Jesucristo. Ta ra ñaa ku ra ndituꞌun xiꞌin ndo, sindikaꞌán ra ini ndo ndá kuꞌva íyo i, ta kuꞌva saa sínaꞌa i naꞌa ndiꞌi ni kúu veꞌe ñuꞌu.

ROMANOS 15:15

Ya ndaa kua, kuaꞌa ni ya ndi̱kaꞌan i ta̱a i xaa nuu ndo, nuu ndítuꞌun téꞌe i xiꞌin ndo, saa chi kúni i ná ndïndoso ini ndo xaꞌa ya káꞌan i saa xiꞌin ndo. Chi Ndioxi ta vaꞌa ni ini ra xiꞌin i xaꞌa ya ta̱xi ra ichí ndaꞌa i xáa chiñu i nuu ra.

Los Hechos 20:35

Taꞌan ya xi̱ni ndo i̱kan i kua xíniñuꞌu ndo ikan ndo, ya kuchiñu ndo chindee ndo inka na köo kúndee ini xaa chiñu. Ndi̱kaꞌán ndo ya ndi̱kaꞌan Tata yo Jesús, káchi ra saa: “Vaꞌa ni ka kée na táxi ñaꞌa ndaꞌa inka na, süvi ka vi na ndíkiꞌin ya”, káchi Tata yo ―káchi ra Pablo xiꞌin na.

Los Hechos 20:31

Yakan kua kuenta ni koo ndo, täxi ndo sindaꞌvi na ndóꞌo̱. Ndikaꞌán ini ndo, uni kuiya ndi̱xiyo i xiꞌin ndo ndi̱kani i nuu ndo, ndi̱kaꞌan i xiꞌin ndo nduvi niuun ya xíniñuꞌu ndo kuenta ni koo ndo. Nda xáku i ndi̱kaꞌan i xiꞌin ndo.

San Lucas 1:3

Ta saa tu yeꞌe va, kuekuee ndi̱nduku vaꞌa ndiꞌi i xaꞌa ya, ndá kuꞌva ndi̱xiyo ndiꞌi ya i̱kan ra xiꞌin ya si̱naꞌa ra kivi núnu̱ú, yakan kua tíꞌvi i tutu yóꞌó xaa ya nuu un ñani yo,

Los Hechos 1:15

Iin kivi ndi̱kitaꞌan ndiꞌi na kándixa Jesús ndóo na, iin kuꞌva ciento oko ku na ndóo. Ta saa ndi̱kundichi ra Pedro tañu na, ñaa xa̱á ra káꞌan ra xiꞌin na, káchi ra saa:

2 Corintios 11:23

Tá tu kútai ni ini nda chi nda xáa chiñu ni nuu Cristo ku nda túvi nda, ta yeꞌe, ta ndee vaꞌa ka va xáa chiñu i nuu ra. Nda tá káa iin ra kíꞌvi va saa káa i ya káꞌan i saa. Chi yeꞌe ta ndee ni ka chíkaa i ndee nuu nda ñaa, kuaꞌa ni ichí ku̱nduvaꞌa na xiꞌin i, ta kuaꞌa ni ichí chi̱kaa na yeꞌe veꞌe kàà nuu nda ñaa, ta ndi̱xaꞌa ndee ndiꞌi ini i ndo̱ꞌo i saa, ta kuaꞌa ni ichí ku̱ni kaꞌni na yeꞌe.

Filipenses 2:20

Köo ka inka naꞌa, na ndee ni ndíꞌi ini xaꞌa ndo tá kuꞌva ndíꞌi ni ini ra Timoteo ñani yo xiꞌin yeꞌe, ndee ni ndíꞌi ini ra xaꞌa ndo.

Filipenses 2:22

Sundi ra Timoteo, ta xa xíni ndo ini ra, xáa chiñu ni ra xiꞌin i káꞌan ndoso nde tuꞌun vaꞌa xaꞌa Tata yo Jesucristo, nda tá káa seꞌe mií i saa káa ra, chíndee ni ra yeꞌe.