1 Timoteo 4:5 - Xochapa Mixteco

⁵ Saa chi mií tuꞌun Ndioxi kua ndása i̱í ñaꞌa xíxi yo tá káꞌan yo xiꞌin ra táxi yo tixaꞌvi ndaꞌa ra xaꞌa ya.

1 Timoteo 4:5 Mawu Ofanana

San Lucas 11:41

Saa ndóꞌo̱, tá chíndee ndo na ndaꞌvi ta ndinuꞌu ini ndo taxi ndo ñaꞌa ndo ndaꞌa na. Ta saa kua kindoo vaꞌa ndo nuu Ndioxi.

San Lucas 4:4

Saa ndi̱kuiin Jesús, káꞌan ra: ―Tuꞌun Ndioxi káchi ya saa: “Süvi iindaa ya kuxi yo saa kutaku yo. Kandixa yo ndiꞌi tuꞌun Ndioxi ta saa kutaku yo”, káchi tuꞌun ra ―káchi Jesús xiꞌin ri.

1 Corintios 7:14

Saa chi iin taa, ra täꞌan kandixa Tata yo Jesucristo ta ndúu i̱í ra nuu Ndioxi xaꞌa ya kándixa mií yá síꞌi ra. Ta saa tu yá síꞌi iin ñani yo, tá täꞌan kandixa yá Tata yo, ta saa ndúu i̱í tu yá ikán va, xaꞌa ya kándixa mií ra tuꞌun Tata yo Jesucristo. Tá tu süvi saa íyo ya ta nda na vali seꞌe va na íyo kuachi, taꞌan kuachi seꞌe naꞌa, na köo xíni Ndioxi, ndikuu. Sundi vitin ta nda na vali seꞌe va na ndu̱u i̱í nuu Ndioxi.

1 Timoteo 4:3

Ta ya sínaꞌa na kua küvi tindaꞌa taa xiꞌin ñaꞌa, saa káꞌan na ya küvi kuxi naꞌa sava ñaꞌa vaꞌa xíxi, káchi na. Sundi naꞌa, na kándixa Tata yo Jesucristo ta xa xíni na ya ndaa, yakan vaꞌa xíni na ya vaꞌa kuxi na ndiꞌi ñaꞌa, ta saa taxi na tixaꞌvi ndaꞌa ra xaꞌa ñaꞌa xíxi na.

Tito 1:15

Chi naꞌa, na kúu mií nima vaꞌa, ta ya vaꞌa ku ndiꞌi ya nuu na, ta naꞌa, na kúu mií nima väꞌa, na köo ndáa ini xíni Ndioxi ta ya väꞌa ku ndiꞌi va ya nuu na, nda ya ndíkani ini na xiꞌin ya xínituni na ta köo íyo vaꞌa ya.

HEBREOS 11:3

Xaꞌa ya ndáa ni ini yo xíni yo Ndioxi yakan kúndaa ini yo xiꞌin tuꞌun ra ya xa̱ꞌnda ra chiñu kua ndi̱kuaꞌa ñuu ivi yóꞌó xiꞌin ndivi ni̱nù. Ya yóꞌó kúni kachi ya ndi̱kuaꞌa ñuu ivi yóꞌó xiꞌin ñaꞌa ya köo ndi̱kuvi koto xiꞌin nuu yo.