1 Timoteo 4:3 - Xochapa Mixteco

³ Ta ya sínaꞌa na kua küvi tindaꞌa taa xiꞌin ñaꞌa, saa káꞌan na ya küvi kuxi naꞌa sava ñaꞌa vaꞌa xíxi, káchi na. Sundi naꞌa, na kándixa Tata yo Jesucristo ta xa xíni na ya ndaa, yakan vaꞌa xíni na ya vaꞌa kuxi na ndiꞌi ñaꞌa, ta saa taxi na tixaꞌvi ndaꞌa ra xaꞌa ñaꞌa xíxi na.

1 Timoteo 4:3 Mawu Ofanana

San Mateo 14:19

Ñaa ndi̱kaꞌan ra xiꞌin na, ya ndikundoo na nuu iku kuii. Saa ti̱in ra uꞌun xita vaꞌa ikán xiꞌin uvi saa tiaka, ta nda̱niꞌi nuu ra nuu ndivi ta̱xi ra ndi̱xaꞌvi ndaꞌa Ndioxi, saa ta̱ꞌvi ra ya ta̱xi ra ya ndaꞌa nda ítaꞌan xiꞌin ra, ta nda ikán ndi̱taꞌvi ya xiꞌin naꞌa.

San Mateo 15:11

Ñaꞌa ya xíxi na án ya xáxi naꞌa ta kuakiꞌvi ya yuꞌu na, ta köo xáa yakua ya na nuu Ndioxi. Ya xáa yakua na nuu Ndioxi, ku tuꞌun väꞌa ya kána koo yuꞌu na ―káchi Jesús xiꞌin na.

San Mateo 15:36

Ñaa ti̱in ra uxa xita vaꞌa xiꞌin tiaka ikán, ta ta̱xi ra tixaꞌvi ndaꞌa Ndioxi. Saa ta̱ꞌvi ra xita vaꞌa ikán xiꞌin kiti tiaka vali. Ñaa ta̱xi ra ya ndaꞌa nda ítaꞌan xiꞌin ra, ndi̱taꞌvi nda ikán ya xiꞌin na.

San Lucas 24:30

Tá ndi̱kundoo nda kuxi nda nuu mesa, ta ti̱in Jesús xita vaꞌa, xa̱á ra táxi ra tixaꞌvi ndaꞌa Ndioxi xaꞌa ya. Tá si̱ndiꞌi ra ta̱xi ra tixaꞌvi ndaꞌa Ndioxi, ta saa ta̱ꞌvi ra ya ta̱xi ra ndaꞌa nda kuxi nda.

San Juan 6:23

Saa kúu ta ndi̱xaa ka barco tun ke̱e ñuu Tiberias, ndi̱xaa nu yati yuꞌu tikuii ikán, nuu ta̱xi Jesús xita vaꞌa xi̱xi na yachi, tá ta̱xi ra tixaꞌvi ndaꞌa Ndioxi,

Los Hechos 27:35

Saa ki̱ꞌin ra xita vaꞌa kuxi ra ta nuu ndiꞌi nda ta̱xi ra tixaꞌvi ndaꞌa Ndioxi, saa ta̱ꞌvi ra ya xa̱á ra xíxi ra.

ROMANOS 14:17

Xíniñuꞌu yo kundaa ini yo chi süvi xaꞌa ya xíxi yo, ta ni süvi xaꞌa nduta xíꞌi yo kua ndáa yaꞌvi ni chindee yoo koo yo nuu xáꞌnda chiñu Ndioxi. Ya ndee ni ndee ku ya ikan yo ya vaꞌa, ya ndaa xiꞌin taꞌan yo, ta vívií ná koo yo xiꞌin taꞌan yo, ná kusini ni yo xaꞌa ya ta̱xi Tachi I̱í Ndioxi ndaꞌa yo ya koo vaꞌa ni ini yo.

ROMANOS 14:3

Ta ndóꞌo̱ xíxi ndiꞌi kúu nuu ñaꞌa xíxi, kündasi nuu ndo kuni ndo naꞌa, na köo xíxi ndiꞌi ñaꞌa. Ta saa ni ndóꞌo̱ köo xíxi ndiꞌi ni kúu nuu ñaꞌa, kündasi ndo kuni ndo naꞌa, na xíxi ndiꞌi ñaꞌa. Saa chi iin káchi ndi̱kiꞌin vaꞌa Ndioxi uvi saa ndo.

ROMANOS 14:6

Saa ñani yo, sava ndóꞌo̱ káꞌan i̱í ni sava kivi nuu inka ya, káchi ndo. Ni saa íkan ndo, ta Táta yo ku ra xáa toꞌo ni ndo. Saa tu sava ndóꞌo̱ xíxi ndiꞌi nuu ñaꞌa xíxi, íkan ndo saa ya xáa toꞌo ndo Táta yo, ta táxi ndo tixaꞌvi ndaꞌa ra. Ta saa tu sava ndóꞌo̱ köo xíxi ndiꞌi nuu ñaꞌa, íkan tu ndóꞌo̱ va saa ya xáa kaꞌnu ndo Táta yo, ta táxi ndo tixaꞌvi ndaꞌa ra.

1 Corintios 6:13

Ta saa káꞌan tuku sava ndo: “Ñaꞌa xíxi yo ta tixin yo kuaꞌan ya, ta suvi ni mií Ndioxi ku ra si̱kuaꞌa tixin yo nuu kuaꞌan ñaꞌa xíxi yo”, káchi ndo. Ni saa va ta ya ndíꞌi xaꞌa ku uvi saa va ya. Sundi ikin kuñu yo, ta köo ndi̱sikuaꞌa ra ya, ya ikan yo ndisaa chiñu kíꞌvi xiꞌin ya. Xaꞌa ya xaa kaꞌnu yo Tata yo Jesucristo va kua si̱kuaꞌa ra ya, ta suvi ni mií ra ku ra xáꞌnda chiñu nuu ikin kuñu yo.

1 Corintios 7:28

Tá tu kúni tu nda ñani yo nda kuâán tindaꞌa nda, ta vaꞌa ná tindaꞌa va nda, köo kuachi xaꞌa ya. Tá tu kúni tindaꞌa tu ná kuâán taki, ta vaꞌa ná tindaꞌa va ná, köo kuachi íyo xaꞌa ya. Sundi tá ná tindaꞌa ná vitin ta ndoꞌo va ná, xaꞌa ya köo kúni i ndoꞌo ná yakan káꞌan i saa xiꞌin ná.

1 Corintios 8:8

Süvi xaꞌa ñaꞌa ya xíxi yo kua kúyati ka yoo nuu Ndioxi, tá ná kuxi yo ta köo ndúu i̱í ka yo nuu ra, ni tá ná küxi yo ta köo ndúkini ka yo nuu ra.

Colosenses 2:16

Xaꞌa ya ñaa kua káꞌan i xiꞌin ndo, küni soꞌo ndo ya káꞌan naꞌa xiꞌin ndo ndá ñaꞌa kua xíniñuꞌu ndo kuxi ndo án ndá nduta ku rá xíniñuꞌu ndo koꞌo ndo. Ta saa tu xaꞌa ya xáa kaꞌnu ndo ndá ka viko tin tá kúu ya ndíkunuu yoo xa̱á, án ya xíniñuꞌu ndo xaa súvi ndo ndiꞌi ya káꞌan xaꞌa kivi i̱í ya ndíkundee na judío.

Colosenses 3:17

Ta ndiꞌi ñaꞌa íkan ndo án ya káꞌan ndo, ta vaꞌa ikan ndo ndiꞌi ya xaꞌa ya chinuu vaꞌa ndo tuꞌun mií Tata yo Jesús, saa taxi ni ndo tixaꞌvi ndaꞌa Iva yo Ndioxi.

1 Timoteo 2:4

Chi ya kúni ra kua ná kaku ndiꞌi naꞌa, ta saa ná kundaa ini ndiꞌi na xaꞌa ya ndaa.

1 Timoteo 4:4

Chi ndiꞌi ñaꞌa ya si̱kuaꞌa Ndioxi ta ya vaꞌa ku ndiꞌi ya, yakan köo ya kundasi yo, tá tu táxi yo tixaꞌvi ndaꞌa ra xaꞌa ya.

1 Timoteo 5:14

Xaꞌa ya ñaa kua vaꞌa ka ná tindaꞌa va ná kuâán vali ndi̱xiꞌi ndaa, káchi yeꞌe. Ta ná kaku seꞌe ná, saa ná kiꞌin ná kuenta xiꞌin na, ná kundaa ná na veꞌe ná, chi tá íkan ná saa ta köo ñaꞌa niꞌi naꞌa, na köo xíni tuꞌun Ndioxi, na sáa ini xíni yoo, köo ya niꞌi na kanaꞌa kini na xaꞌa yo.

HEBREOS 13:4

Ndóꞌo̱ taa nda xa ti̱ndaꞌa, án ná síꞌi xa ti̱ndaꞌa ta xíniñuꞌu ndo kañuꞌu ndo yá síꞌi ndo án i̱í ndo. Ta käka ndo xiꞌin inka ñaꞌa án inka taa, saa chi Ndioxi ta ndee ni xaa nduvaꞌa ra xiꞌin ndiꞌi na íkan saa.

HEBREOS 13:9

Täxi ndo sindaꞌvi naꞌa ndóꞌo̱ xaꞌa inka tuꞌun ya köo íyo yuꞌu xiꞌin tuꞌun ya si̱naꞌa Tata yo Jesucristo ndóꞌo̱. Ya vaꞌa ni ka va kua ná ndundee ka nima ndo xiꞌin ya vaꞌa ndi̱niꞌi uun ndo nuu Iva yo Ndioxi. Sundi na ikán ta ndisaa xaꞌa ley yata káꞌan na, ndá ñaꞌa kua vaꞌa kuxi yo ta ndá ñaꞌa kua küvi kuxi yo, káchi na, ta ya sínaꞌa na ikán ta nda loꞌo köo chíndee taꞌan ya xiꞌin nda iin naꞌa.