1 Timoteo 4:2 - Xochapa Mixteco

² Ta kuni soꞌo na ya sínaꞌa naꞌa, na vata, na uvi yuꞌu, chi na vata ikán, ta ni köo xíni ka na ya kaꞌa̱n nuu, tá íin ya xa ndíi va saa ndu̱u ya xínituni na.

1 Timoteo 4:2 Mawu Ofanana

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

San Mateo 7:15

Saa káꞌan tuku Jesús xiꞌin na, káchi ra saa: ―Kuenta ni koo ndo chi íyo nda profeta nda vata, nda káꞌan síkaꞌán Ndioxi ini nda kaꞌan nda tuꞌun yuꞌu ra. Ndíkani ini ndo xaꞌa ya luvi ni sínaꞌa nda ta vaꞌa ni nda káꞌán ndo, chi íin nda tá kuꞌva íyo kiti levo vita ni ini. Sundi kuenta ni koo ndo chi süvi ya ndaa kua íin nda saa, nda tá íyo iin kiti ndivaꞌi kueꞌe ni va saa íyo ini nda.

Los Hechos 20:30

Nda na xíka veꞌe ñuꞌu mií ndo ta saa ikan na xiꞌin ndo. Vaxi kivi ta xáa na sinaꞌa na ya síki, saa taa sií na na ñúꞌu xiꞌin ndo ya ná kundikun ñaꞌa na.

ROMANOS 1:28

Xaꞌa ya ndi̱ndoso ini na xaꞌa Ndioxi, ta ni köo ndi̱xiin na kundaa ini na xaꞌa ra, yakan sa̱ña ndaꞌa ra na, xa̱á na íkan na ya väꞌa, ya ndíkani xiní mií na.

ROMANOS 16:18

Naꞌa na íkan saa, ta köo ndíkun na Jesucristo, ndisaa ya kúni mií na íkan na. Vaꞌa ni káꞌan na, luvi ni káꞌan na ya síndaꞌvi na naꞌa, na kándixa ndiꞌi ndá ka mií ñaꞌa ya xíni soꞌo na.

Efesios 4:14

Chi saa kua ïkan ka yo tá kuꞌva íkan na vali, ta ni ndöꞌo yo tá kuꞌva ndóꞌo itun barco chi tá vaxi tachi saa kua kánda nu kuaꞌan nu, ta saa yoo, kändixa ndikuu yo ndiꞌi nuu ñaꞌa ya síin ni káa sínaꞌa ndá ka nda väꞌa sínaꞌa, chi nda ikán ta nda kúni sindaꞌvi yoo va ku nda.

Efesios 4:19

Ni köo xíni ka na ya kaꞌa̱n nuu, xa ndi̱taxi ndiꞌi na mií na ndaꞌa ñaꞌa ya väꞌa, ya kaꞌa̱n ni nuu. Ta ndiꞌi saa ka ichí ndítaxi ni na mií na ndaꞌa ñaꞌa ya kini ni káa.

2 Timoteo 3:5

Ta kaꞌan na ya káñuꞌu ni na Ndioxi, sundi kuꞌva íkan na, ta ndínaꞌa na mií na ya köo ndinuꞌu ini na ndíkun na ra. Ta yóꞌo̱, ta vaꞌa kuxika un nuu na ñaa. Kütaꞌan un xiꞌin na.

El Apocalipsis 16:14

Ta uni saa tachi nduvaꞌa ikán kúu mií ya ndee íkan ya kuaꞌa ni yatuꞌun, saa kuaꞌan ya nuu ndiꞌi ni kúu nda rey ñuu ivi ikán ya saa, síkitaꞌan ya nda koo tuꞌva nda kani taꞌan nda nuu koo kuachi chee ni. Saa chi xa vaxi kivi nuu ndee ni koo ya chi̱tuni Ndioxi nuu kuchiñu ra nuu ndiꞌi ya väꞌa. Saa chi yáꞌa ni ndee kúu mií ra.