1 Timoteo 3:7 - Xochapa Mixteco

⁷ Ta vaꞌa ná ikan nda nina ya vaꞌa, ta nda naꞌa, na köo xíni tuꞌun Ndioxi ta kaꞌan vaꞌa na xaꞌa nda. Tá tu íkan nda saa ta ndíkasi nda yuꞌu naꞌa ya köo ya niꞌí na kaꞌan na xaꞌa nda, ta ni kiti nǎꞌa küchiñu ri sikoyo ri nda nuu kuachi.

1 Timoteo 3:7 Mawu Ofanana

2 Corintios 8:21

Ta vívií ni va xáa súvi nde chiñu yóꞌó nuu Tata yo, ta süvi ndisaa nuu mií ra íkan nde saa, chi saa vívií íkan tu nde nuu naꞌa va.

2 Timoteo 2:26

Ta saa kuchiñu na kaku na, saña na ndaꞌa kiti nǎꞌa, chi xa si̱kuikun ri na, ta tá íyo na ñúꞌu veꞌe kàà saa íyo na ñúꞌu na ndaꞌa ri, xáa súvi na ya kúni ri.

Colosenses 4:5

Ta ndóꞌo̱, vívií koo ndo nuu naꞌa, na köo kándixa Ndioxi. Ná niꞌi ndo tuꞌun vaꞌa táxi Ndioxi ndaꞌa ndo ndituꞌun ndo xiꞌin na, ta kuniñuꞌu vaꞌa ni ndo tiempo ya kaꞌan ndo xiꞌin na.

1 Timoteo 6:9

Chi naꞌa, na kúni ndukuika ni ñuu ivi yóꞌó, ta ìyo ni sindaꞌvi ya väꞌa na, saa koyo na nuu kuachi, chi kuaꞌa ni ya väꞌa ndíkani ini na xaꞌa ta ni süvi ya ndáa yáꞌvi kua, takua sítivi na mií na xiꞌin ya, ta xáa na kuaꞌan na ichí nuu ndiꞌi xaꞌa na.

1 Tesalonicenses 4:12

Tá íkan ndo saa xáa súvi ndo ya káꞌan nde xiꞌin ndo, ta köo xíniñuꞌu ndo nduku ndo ya xíniñuꞌu ndo nuu inka naꞌa. Ni naꞌa, na köo xíni Ndioxi ta chinuu vaꞌa ni na tuꞌun ndo.

2 Corintios 6:3

Ta ndee ni kuenta íyo nde xaꞌa ñaꞌa ya íkan nde, chi köo íkan ndikuu nde ndá ka ñaꞌa väꞌa nuu naꞌa ya ná nïꞌi na ndá ka ñaꞌa kaꞌan ndikuu na xaꞌa chiñu íkan nde.

1 Corintios 10:32

Ta küvi ikan ndo ñaꞌa xiꞌin na taꞌan yo, ya sindikava ndo ini na, án na judío ku na, án süvi na judío ku na, án na kándixa Tata yo Jesucristo ku na, ta küvi ikan ndo saa xiꞌin na.

Los Hechos 6:3

Yakan kua vaꞌa ka ndikaxin mií ndo uxa ta̱a, nda ndaa ini, nda íyo Tachi I̱í Ndioxi xiꞌin. Ta nda ñaa taxi ndo chiñu ndaꞌa ná kundiso chiñu nda nditaꞌvi nda ñaꞌa kuxi na taꞌan yo.

Tito 2:8

Vívií kaꞌan un xiꞌin na sinaꞌa un na ya ná nïꞌi na tuꞌun väꞌa taxi na kuachi xaꞌa un. Tá ikan un saa, ta nda naꞌa, na köo xíin kundikun ichí Tata yo Jesucristo, ta kukaꞌan nuu na kuni na yóꞌo̱, nïꞌi na ndá ka ñaꞌa kaꞌan väꞌa na xaꞌa yo.

Tito 2:5

ta ná ndikani vaꞌa ini ná unkua vaꞌa ikan ná, ta ná kuu mií ná nima vaꞌa, saa ná kundàà vií ná veꞌe ná, ta vaꞌa ná koo ini ná, saa ná koo ndúvi ná ikan ná ya vaꞌa xiꞌin i̱í ná, ya ná nïꞌi nda iin naꞌa, na köo kándixa tuꞌun Ndioxi ya kaꞌan väꞌa na xaꞌa tuꞌun ra.

1 Tesalonicenses 5:22

Ta kuxika ndo nuu ndiꞌi ñaꞌa ya väꞌa.

1 Timoteo 5:14

Xaꞌa ya ñaa kua vaꞌa ka ná tindaꞌa va ná kuâán vali ndi̱xiꞌi ndaa, káchi yeꞌe. Ta ná kaku seꞌe ná, saa ná kiꞌin ná kuenta xiꞌin na, ná kundaa ná na veꞌe ná, chi tá íkan ná saa ta köo ñaꞌa niꞌi naꞌa, na köo xíni tuꞌun Ndioxi, na sáa ini xíni yoo, köo ya niꞌi na kanaꞌa kini na xaꞌa yo.

1 Corintios 5:12

Ta yeꞌe, ta süvi chiñu nuu i kua xaa nani i kuachi xiꞌin na ñuu ivi yóꞌó. Ta saa ndóꞌo̱, ndo ndíkun ichí Jesucristo ku ndo, ta kúu mií ndo ichí i ya xaa nani ndo kuachi xiꞌin na veꞌe ñuꞌu, na ítaꞌan xiꞌin ndo.

Los Hechos 22:12

’Ta íyo iin ra náni Ananías mi ñuu ikán, ta xáa súvi ni ra ikán ya káꞌan ley Ndioxi ta̱a ra Moisés. Saa vaꞌa ni káꞌan ndiꞌi mií na judío taꞌan yo ndóo ñuu ikán xaꞌa ra.

Los Hechos 10:22

Saa ndi̱kuiin nda káꞌan nda: ―Ra Cornelio, ra xáꞌnda chiñu nuu iin ciento nda lapa ñuu Roma ku ra ti̱ꞌvi ndeꞌe vaxi nde nuu un. Vaꞌa ni taa ku mií ra ikán, káñuꞌu ni ra Ndioxi ta ndiꞌi na judío vaꞌa ni káꞌan na xaꞌa ra. Ta ndi̱tuvi iin tatun ya i̱í nuu ra ndi̱kaꞌan ya xiꞌin ra ya ná tiꞌvi ra ndeꞌe kixi nde nuu un kaꞌan nde xiꞌin un kuꞌun un veꞌe ra ndituꞌun un xiꞌin ra ta kuni soꞌo ra tuꞌun ya kaꞌan un xiꞌin ra ―káchi nda ikán xiꞌin ra Pedro.

San Marcos 4:11

Saa ndi̱kuiin Jesús ndi̱kaꞌan ra xiꞌin na, káchi ra saa: ―Ndioxi táxi ra kundaa ini ndo xaꞌa ya íyo sěꞌe nuu xáꞌnda chiñu ra. Sundi na íyo chí keꞌe ta köo kúndaa ini na xiꞌin ya chi ndisaa tuꞌun ndíchi va kua xíni soꞌo na káꞌan i.

3 Juan 1:12

Ta ra Demetrio ta vaꞌa ni va ínuu tuꞌun ra nuu naꞌa, ínuu vaꞌa ni tuꞌun ra saa chi tá kuꞌva káꞌan tuꞌun Ndioxi, saa íyo ra. Ta saa tu ndeꞌe va, xíni nde ya ndixa kua káꞌan na xaꞌa ra, ta ni mií un xíni un ya ndaa kua káꞌan nde xaꞌa ra.

1 Timoteo 3:6

Nda ñani yo, nda kúni kuu mií taꞌan chiñu yóꞌó, ta köo xíniñuꞌu koo nda, nda sikan xa̱á xíni tuꞌun Ndioxi, saa chi ìyo ni ndutái ini nda ta koyo nda nuu ya väꞌa, tá ndo̱ꞌo mií kiti nǎꞌa.