1 Timoteo 3:5 - Xochapa Mixteco

⁵ Chi tá tu köo xíni nda kuniꞌi vií nda na veꞌe nda, ta saa ni küchiñu nda kundàà vií nda na veꞌe ñuꞌu.

1 Timoteo 3:5 Mawu Ofanana

Los Hechos 20:28

Ta ndóꞌo̱ ku ndo ndi̱kaxin Tachi I̱í Ndioxi ya kundiso chiñu ndo xiꞌin na veꞌe ñuꞌu. Tá íkan nda ndáa levo sana nda, saa ikan ndo. Xaa kuenta ni ndo xiꞌin mií ndo tin xaa kuenta ni ndo xiꞌin na kuaꞌan ichí Jesús. Chi na ikán ku na sa̱ta ra xiꞌin ni̱í mií ra nduta ndi̱xita nuu cruzin.

1 Corintios 10:32

Ta küvi ikan ndo ñaꞌa xiꞌin na taꞌan yo, ya sindikava ndo ini na, án na judío ku na, án süvi na judío ku na, án na kándixa Tata yo Jesucristo ku na, ta küvi ikan ndo saa xiꞌin na.

Efesios 1:22

Soꞌva i̱kan Ndioxi xiꞌin Tata yo Jesucristo, ndi̱taxi ra ndiꞌi ni kúu nuu ñaꞌa ikán ndaꞌa ra, to̱so ndiꞌi Ndioxi ya tixin xaꞌa ra, saa chi̱nuu ñaꞌa ra ya kúu ra xi̱ní xiꞌin ndiꞌi ni kúu ñaꞌa, i̱kan Ndioxi saa xiꞌin ra ya chindee taꞌan ra xiꞌin na veꞌe ñuꞌu.

Efesios 5:24

Tá kuꞌva kándixa na veꞌe ñuꞌu ya káꞌan Tata yo Jesucristo xiꞌin na, kuꞌva saa xíniñuꞌu ná síꞌi kuni soꞌo ná ya káꞌan i̱í ná xiꞌin ná.

Efesios 5:32

Ta ya káꞌan tuꞌun Ndioxi ya nduu na tíndaꞌa iin kuñu xiꞌin taꞌan na, ta ndee ni ndíchi kundaa ini yo xiꞌin ya yóꞌó, ta yeꞌe káchi saa, ya yóꞌó ta xaꞌa Cristo kua káꞌan ya xiꞌin yoo na kúu veꞌe ñuꞌu.

1 Timoteo 3:15

chi án sana kuachi loꞌo ka i yóꞌó, yakan káꞌan kuee i xiꞌin un ya ná kundaa ini un ndá kuꞌva xíniñuꞌu ndo ikan ndo, xaꞌa ya kúu ndo na veꞌe Iva yo Ndioxi, ra táku. Ta tá kuꞌva tuun ni kuáꞌa xaꞌa veꞌe án tá káa itun ndee ni ndíso xi̱ní veꞌe, saa íin ndo, xaꞌa ya ndaa ku̱ndaa ini ndo xaꞌa tuꞌun ra.