1 Timoteo 2:8 - Xochapa Mixteco

⁸ Ta ya yóꞌó kua kúni i ná ikan ndiꞌi nda taa: Vaꞌa ná kaꞌan nda xiꞌin Ndioxi ndiꞌi ni kúu ñaꞌñu nuu ndíkitaꞌan ndo xáa kaꞌnu ndo ra. Ta vaꞌa ná ndaniꞌi ndaꞌa nda nuu ndivi kaꞌan nda xiꞌin ra, i̱í ná koo ini nda, ta ná säa ini nda kuni nda naꞌa, ni ná käni taꞌan nda xiꞌin nda iin naꞌa.

1 Timoteo 2:8 Mawu Ofanana

San Mateo 21:21

Saa ndi̱kuiin Jesús, káꞌan ra: ―Ya ndaa káꞌan i xiꞌin ndo, tá tu ndinuꞌu ni ini ndo kándixa ndo Ndioxi, köo xíka uvi ini ndo, ta saa kuchiñu ndo xaa súvi ndo taꞌan ya i̱kan i xiꞌin itun higo yóꞌó. Tá tu káꞌan ndo xiꞌin iin xiki kaꞌnu, káchi ndo soꞌva: “Kuataꞌa yóꞌó, ta kuáꞌan sikana un mií un ini nduta ñûꞌu”, kachi ndo, ta saa koo ya.

San Mateo 5:44

Sundi yeꞌe káꞌan xiꞌin ndo, kuꞌvi ini ndo kuni ndo na sáa ini xíni ndóꞌo̱, ta kaꞌan ndo xiꞌin Ndioxi ná chikaa ra ya vaꞌa na távi chiꞌña ndóꞌo̱.

San Mateo 6:12

Xaa kaꞌnu ini un xaꞌa kuachi nde, saa chi saa tu ndeꞌe va xáa kaꞌnu ini nde xaꞌa kuachi na íkan ya väꞌa xiꞌin nde.

San Lucas 23:34

Saa ndi̱kaꞌan Jesús xiꞌin Ndioxi, káchi ra saa: ―Tata Iva yo, xaa kaꞌnu ini un xaꞌa na chi köo kúndaa ini na unkua íkan na ―káchi ra. Ñaa chi̱kaa nda lapa suerte sata tikoto ra, ya kuni nda ndá ñaꞌñu kua ndikiꞌin iin iin nda.

San Lucas 24:50

Saa ta̱va Jesús nda kuaꞌan nda yati nuu ndíkaa ñuu Betania ta saa nda̱niꞌi ndaꞌa ra nuu ndivi, chi̱kaa ra ya vaꞌa na.

San Juan 4:21

Saa ndi̱kaꞌan ra xiꞌin yá, káchi ra saa: ―Nana, kandixa un ya káꞌan i xiꞌin un. Chi vaxi kivi ta köo xíniñuꞌu ndo kixi ndo xaa toꞌo ndo Iva yo Ndioxi nuu xiki yóꞌó, ni ñuu Jerusalén ta küꞌun ka na judío xaa toꞌo na Ndioxi.

Los Hechos 10:2

Ta káñuꞌu ni ra Cornelio Ndioxi saa tu na veꞌe va ra, káñuꞌu ni na Ndioxi. Saa chíndee ni ra na judío, na ndaꞌvi, ta káꞌan ni ra xiꞌin Ndioxi.

Los Hechos 10:31

Ndi̱kaꞌan ra xiꞌin i, káchi ra saa: “Tata Cornelio, xi̱ni soꞌo Ndioxi ya káꞌan un xiꞌin ra saa xi̱ni ra ya íkan un xiꞌin na ndaꞌvi.

Los Hechos 10:4

Saa ndi̱koto ra nuu tatun ikán, íꞌvi ka vi ra. Saa ndi̱kaꞌan ra, káchi ra saa: ―¿Unkua kúni un, Tata? ―káchi ra. Saa ndi̱kuiin tatun ikán káꞌan ya xiꞌin ra: ―Xi̱ni soꞌo ndiꞌi Ndioxi ya ndi̱kaꞌan un xiꞌin ra ta xi̱ni tu ra ya vaꞌa íkan un xiꞌin na ndaꞌvi va.

Los Hechos 21:5

Tá ndi̱xinu uxa kivi, ta ka̱na koo nde kuaꞌan nde. Kuaꞌan nda ná síꞌi nda xiꞌin nda, ndáka ná seꞌe vali ná kuaꞌan xiꞌin ná. Tá ndi̱xaa nde nuu yoti yuꞌu nduta ñûꞌu ikán, saa si̱kusiti ndiꞌi nde káꞌan nde xiꞌin Ndioxi.

Los Hechos 7:60

Ñaa si̱kusiti ra ta iin ndi̱ndaꞌi koꞌo ra káchi ra saa: ―Tata, kïꞌin un kuenta xaꞌa kuachi na, ya íkan na xiꞌin i ―káchi ra xiꞌin Ndioxi. Tá ndi̱kaꞌan ra saa, ta ndi̱xiꞌi va ra.

1 Corintios 1:2

Saa tíꞌvi nde tutu yóꞌó xaa ya ndaꞌa ndóꞌo̱, ñani yo, ndóo ñuu Corinto. Saa chi ndóꞌo̱ ku ndo ka̱na Ndioxi ta xa xa̱a i̱í ra ndóꞌo̱ tixin Tata yo Jesucristo. Ta iin káchi saa xa̱a i̱í tu ra ndiꞌi ka na ndóo ndiꞌi saa kúu ñuu nuu xáa kaꞌnu na kivi Tata yo Jesucristo, chi saa tu na ikán va, Tata tu na ikán va ku ra.

1 Corintios 7:7

Ya vaꞌa ni va kua ná kindoo kuâán ndiꞌi ndóꞌo̱ nda taa, ná tïndaꞌa ndo, tá kuꞌva káa yeꞌe, íyo kuâán i. Sundi süvi ndiꞌi yo ndi̱niꞌi taꞌvi kindoo kuâán yo. Süvi iin káchi íyo ndiꞌi yo.

2 Corintios 2:14

Ta táxi ni i tixaꞌvi ndaꞌa Ndioxi xaꞌa Jesucristo chi ndiꞌi saa ichí chíndee taꞌan ra xiꞌin nde kúchiñu nde xáa kanaa nde nuu na sáa ini xíni ndeꞌe. Ta tixin ndeꞌe kua xíta niꞌnu ndiꞌi tuꞌun xaꞌa ra iníi kúu. Chi tá káa nduta támi ka vi xáꞌan, saa káa tuꞌun vaꞌa xaꞌa ra nuu naꞌa, na xíni soꞌo ya.

Filipenses 1:12

Na taꞌan yo, kúni i ná kundaa ini ndo xaꞌa ya ndíkaa i veꞌe kàà yóꞌó. Chi xaꞌa ya chíndee taꞌan ya xiꞌin i xíta niꞌnu ka tuꞌun vaꞌa xaꞌa Tata yo Jesucristo va kua ndíkaa i yóꞌó.

1 Tesalonicenses 1:8

Chi ndóꞌo̱ ku ndo ndítuꞌun tuꞌun vaꞌa xaꞌa Tata yo Jesucristo, ta süvi ndisaa estado Macedonia ñaa xiꞌin estado Acaya kua xíta niꞌnu ya, chi ndiꞌi ni kúu ñaꞌñu xíta niꞌnu tuꞌun ra. Ta kuaꞌa ni na xíni soꞌo xaꞌa ya ndee ni ndáa ini ndo xíni ndo ra. Yakan ndeꞌe ta nda iin ka ya köo xíniñuꞌu nde ndituꞌun nde xiꞌin na xaꞌa ndo.

1 Timoteo 5:14

Xaꞌa ya ñaa kua vaꞌa ka ná tindaꞌa va ná kuâán vali ndi̱xiꞌi ndaa, káchi yeꞌe. Ta ná kaku seꞌe ná, saa ná kiꞌin ná kuenta xiꞌin na, ná kundaa ná na veꞌe ná, chi tá íkan ná saa ta köo ñaꞌa niꞌi naꞌa, na köo xíni tuꞌun Ndioxi, na sáa ini xíni yoo, köo ya niꞌi na kanaꞌa kini na xaꞌa yo.

Tito 3:8

Ñani yo, tuꞌun ya káꞌan i xiꞌin un yóꞌó, ta ya ndaa ni kua, yakan ndinuꞌu ni ini un sinaꞌa un ya, ya ná kundaa ini na taꞌan yo na kándixa Ndioxi ikan na ya vaꞌa, chi ya yóꞌó kua ndee ni vaꞌa, chíndee ni ya ndiꞌi na ñuu ivi.

HEBREOS 10:22

Xaꞌa ya ikán kua ná kuyati yo nuu Ndioxi xiꞌin ndinuꞌu nima yo, ta saa ndinuꞌu ni ini yo ná kundaa ni ini yo kuni yo ra, saa chi xa ndi̱kata ra nima yo xaꞌa ndiꞌi ya väꞌa, ta saa ndi̱kata ra ikin kuñu yo xiꞌin tikuii nduta vaꞌa ni.

Santiago 4:8

Ta vaꞌa kuyati ndo nuu Ndioxi saa kuyati ra nuu ndo. Ta ndóꞌo̱ íyo kuachi, kukuiin ndo xiꞌin ya väꞌa kéꞌe ndo, ndikata ndo ndaꞌa ndo. Saa tu ndóꞌo̱ uvi ini këꞌe ka ndo saa, ndasa vaꞌa ndo nima ndo ná nduvií ndo.

1 Pedro 3:7

Ta saa tu ndóꞌo̱ va ñani yo, ndo íyo ná síꞌi, ndíchi ni va ndikani ini ndo ndá kuꞌva xíniñuꞌu koo vií ndo xiꞌin ná síꞌi ndo. Ta xaa toꞌo ndo ná, saa vívií ndikani vaꞌa ini ndo koo ndo xiꞌin ná tá kuꞌva i̱í ni íyo kisi ya ndasun ni, kuꞌva saa xíniñuꞌu ndo ikan ndo xiꞌin ná. Chi iin káchi ndi̱niꞌi taꞌvi tu ná ñaa va xiꞌin ndo ya niꞌi ná ya vaꞌa nuu Ndioxi kutaku ná xiꞌin ra. Tá íkan ndo saa xiꞌin ná síꞌi ndo, ta köo ñaꞌa kasi nuu tuꞌun ya káꞌan ndo xiꞌin Ndioxi, tá káꞌan ndo xiꞌin ra, ta kuni soꞌo ra ya káꞌan ndo.