1 Timoteo 2:5 - Xochapa Mixteco

⁵ Ta iindaa va ku Iva yo Ndioxi, ta iindaa ku tu taa ra si̱kitaꞌan mani yoo va xiꞌin Iva yo Ndioxi, ta taa ikán ku ra ku Tata yo Jesucristo.

1 Timoteo 2:5 Mawu Ofanana

San Mateo 1:1

Ya yóꞌó ku tutu nuu vaxi kivi na xi̱kuu xii sikua Jesucristo ra kúu seꞌe sikua ra David, ta ra David ku ra xi̱kuu seꞌe sikua ra Abraham xinaꞌa.

San Mateo 1:23

“Kee seꞌe iin yá kuâán loꞌo, taa loꞌo koo seꞌe yá kaku. Ta ra loꞌo seꞌe yá ta kunani ra Emanuel”. Chi kivi ra yóꞌó ta kúni kachi ya: “Ndioxi íyo xiꞌin yo” ―káchi ra ndi̱kaꞌan ndoso tuꞌun Ndioxi xinaꞌa.

San Lucas 14:22

Ñaa ke̱e ra moso ikán ndi̱xaꞌan ra ndi̱kaya ra na. Saa xa̱á ra káꞌan ra xiꞌin xitoꞌo ra, káchi ra saa: “Tata, xa i̱kan ndiꞌi i ya ndi̱kaꞌan un xiꞌin i, ta núna ka va nuu mesa”, káchi ra.

San Juan 1:14

Ta Tuꞌun Ndioxi ikán, ndu̱u ya iin taa, tá íin mií yo saa ndu̱u ra, ta ndi̱xika ra xiꞌin nde ñuu ivi yóꞌó. Ta xi̱ni nde ya vaꞌa luvi ni kúu mií ra. Ta mií ya luvi ni kúu mií Ndioxi kua kúu mií ra, chi iindaa mií ra ku Seꞌe Ndioxi. Iin chútu ndaa ya vaꞌa, ya ndaa ini ra.

San Juan 17:3

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

Los Hechos 4:12

Iindaa mituꞌun Jesús ku ra kúu mií ndee ya sikaku ra yoo. Nda iin na ñuu ivi yóꞌó ta köo na kuchiñu sikaku yoo, nda iin ñaꞌñu nïꞌi yo na sikaku mií yo, iindaa Jesús ku ra kúu mií ndee ya ta̱xi Ndioxi ndaꞌa ra sikaku ra yoo ―káchi ra Pedro xiꞌin ndiꞌi na xikuaꞌa ikán tin na chiñu.

ROMANOS 1:3

Ta xaꞌa Tata yo Jesucristo ra kúu Seꞌe Ndioxi, ra chee nuu yo kua ndíkani tuꞌun vaꞌa ikán. Ta kúu Jesucristo Seꞌe sikua ra rey David, xaꞌa ya ka̱ku ra tá kuꞌva káku ndiꞌi yo ñuu ivi yóꞌó.

ROMANOS 10:12

Saa chi iin káchi ndíkuiso vaꞌa Ndioxi ndiꞌi naꞌa, án na judío ku na án süvi na judío ku na. Saa chi mií Iva yo ku ra Chee ni ta ndíso chiñu ra xiꞌin ndiꞌi ni kuu naꞌa. Ta vaꞌa ni ra xiꞌin ndiꞌi naꞌa, na káꞌan xiꞌin ra, na ndúku ya mani nuu ra.

1 Corintios 8:4

Ta soꞌva káꞌan i xiꞌin ndo, xaꞌa ñaꞌa ya ndákan tuꞌun ndo yeꞌe án vaꞌa kuxi yo ñaꞌa ya sóko naꞌa nuu naꞌna ndioxi ya ndíi, án väꞌa kuxi yo ya. Chi ni köo táku naꞌna ndioxi na, ta ni köo ndee kúu mií ya, ta xa xíni va yo ndioxi na yóꞌó ta ni köo ndáa yaꞌvi ya, saa chi iindaa mituꞌun va ku mií Ndioxi ra ndaa ni.

1 Corintios 8:6

Sundi nuu mií yo, ta iindaa mituꞌun va ku Iva yo Ndioxi mií ra ndaa ni, ta ndaꞌa mií ra kua vaxi ndiꞌi ñaꞌa ya xíniñuꞌu yo, xaꞌa mií ra kua táku yo. Ta saa íyo iindaa Tata yo Jesucristo ta tixin mií ra kua ndi̱kuaꞌa ndiꞌi ñaꞌa, ta si̱kuaꞌa tu ra mií va yo.

Gálatas 3:20

Sundi tá kivi ki̱ndoo Ndioxi ya ndi̱kaꞌan ra xiꞌin ra Abraham, ta köo ndi̱xiniñuꞌu ra inka naꞌa ya kaka na nuu ra, tá kuꞌva ndi̱xiyo ra Moisés. Chi Ndioxi ta iin va ku ra, yakan iindaa mií va ra chi̱nduꞌu ya ki̱ndoo ra xiꞌin ra Abraham.

Efesios 4:6

Ta iindaa ku Iva yo Ndioxi, ra xáꞌnda chiñu nuu ndiꞌi yo, ta táxi ra ndee ra ndaꞌa yo xáa chiñu yo nuu ra, saa íyo ra xiꞌin ndiꞌi yo.

1 Timoteo 6:13

Ta nuu Ndioxi ra táxi táku ndiꞌi ñaꞌa ñuu ivi yóꞌó kua xáꞌnda chiñu i nuu un, xiꞌin nuu Tata yo Jesucristo kua xáꞌnda chiñu i nuu un, chi Jesucristo ku ra ndi̱kuiin xaꞌa ya ndaa tá kivi xi̱ndichi ra nuu ra Poncio Pilato,

HEBREOS 12:24

Ta ndóꞌo̱, ku̱yati ndo nuu Jesús, ra ndíchi nuu Ndioxi nuu ki̱ndoo ra ya xa̱á xaꞌa ndo xáku ndaꞌvi ra xaꞌa ndo nuu Ndioxi. Saa chi ra ikán ku ra ki̱ndoo iin trato ya xa̱á xiꞌin ndo, ta xiꞌin nií ra ku rá nda̱sa i̱í Ndioxi ndóꞌo̱, saa chi ndee ni ka nií Jesús nuu nií ra Abel, ra ndi̱xiꞌi xinaꞌa.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

HEBREOS 8:6

Ta ndee ni ka chiñu ya ta̱xi Ndioxi ndaꞌa Tata yo Jesucristo nuu chiñu ya ku̱u mií nda sutu naꞌnu ni ñuu ivi yóꞌó. Ta vaꞌa ni ka ya ta̱xi ra ndaꞌa Tata yo Jesucristo chi si̱kitaꞌan mani ra yoo ndi̱kitaꞌan vií yo xiꞌin Ndioxi, yakan vaꞌa ni ka ke̱e yo xiꞌin ya yóꞌó nuu ya yata, ya ki̱ndoo Ndioxi xiꞌin ra Moisés xi̱naꞌa.

HEBREOS 9:15

Xaꞌa ya yóꞌó kua ndi̱xiꞌi Jesucristo xaꞌa yo, ta si̱kitaꞌan mani ra yoo ivi yóꞌó xiꞌin Ndioxi, nuu ki̱ndoo ra iin trato ya vaꞌa ni, ya xa̱á xiꞌin yo, ta ikán ku nuu ndo̱o kuachi yo ya i̱kan yo tixin trato ya yata ki̱ndoo Ndioxi xiꞌin yo tá núnu̱ú. Ta vitin kuchiñu niꞌi ndiꞌi yo ya vaꞌa ki̱ndoo Ndioxi taxi ra ndaꞌa yo ka̱na ra kundikun ñaꞌa.

1 Juan 2:1

Ndóꞌo̱ ndíkun Jesucristo, tá íin seꞌe i saa íin ndo, yakan táa i tutu yóꞌó xaa ya nuu ndo ya ná ïkan ndo ya väꞌa. Sundi tá ndá ndóꞌo̱ ndíkava nuu kuachi ta vaꞌa ná kundaa ini ndo chi Tata yo Jesucristo ku ra ndaa ni ini, ta ra ikán ku ra ndíchi ndíkuiin xaꞌa yo nuu Iva yo Ndioxi.

El Apocalipsis 1:13

Ta maꞌñu uxa candelero ikán, ndíchi iin taa, tá káa Taa ra xa̱a ñuu ivi yóꞌó saa káa ra ndíchi. Ndíxi ra iin toto kani ni nda xaꞌa ra xáa ya. Saa súvi iin i̱ín ya oro kándika ra ndíchi ra.