1 Timoteo 2:3 - Xochapa Mixteco

³ Tá tu íkan yo saa ta vaꞌa ni íkan yo, ta saa Ndioxi, ra sikaku yoo, ta kusini ni ra xiꞌin yo.

1 Timoteo 2:3 Mawu Ofanana

San Lucas 1:47

Saa kúsini ni ya vaꞌa i xiꞌin Iva yo ra síkaku yoo.

ROMANOS 14:18

Tá íkan ndo saa xáa chiñu ndo nuu Jesucristo, ta xáa sini ni ndo ini Ndioxi, nda naꞌa ta vaꞌa ni káꞌan na xaꞌa ndo.

Filipenses 1:11

Saa kua ikan ni ndo ya vaꞌa, ya ndaa nuu ra, ta tixin mií Tata yo Jesucristo kua ikan ndo saa, ta saa kua kaꞌan vaꞌa ni naꞌa xaꞌa Ndioxi, ta ndikunuu vaꞌa ni ya toꞌo ra.

Filipenses 4:18

Ndixaꞌvi ni ndo xaꞌa ya ti̱ꞌvi ndo ndaꞌa i chi̱ndee ni ndo yeꞌe chi vitin ta xa íyo ndiꞌi ya xíniñuꞌu i, köo ka ya kúmani nuu i, nda ndóo ndoso ka ya nuu i, saa chi xa ndi̱kiꞌin i ya ti̱ꞌvi ndo vaxi xiꞌin ra Epafrodito, ñani yo. Ta tá káa ya luvi xáꞌan sóko ndo nuu Ndioxi saa káa ya, ta Ndioxi kúsini ni ra xiꞌin ndo.

Colosenses 1:10

Ta saa kua vaꞌa kuchiñu ndo ikan ndo tá kuꞌva kúni mií Tata yo Jesucristo, chi saa kua xaa kaꞌnu ni ndo ra xiꞌin ndiꞌi ni kúu ñaꞌa vaꞌa íkan ndo nuu ra, koo ndo tá kuꞌva íyo naꞌa, na ndíkun Tata yo Jesucristo. Ta saa kua vaꞌa kuaꞌnu ka ndo xiꞌin ya ndíchi xaꞌa mií ra.

1 Tesalonicenses 4:1

Ñani yo xiꞌin kuꞌva yo, xíkan ni nde ya mani nuu ndo, káꞌan ni nde xiꞌin ndo xaꞌa ya xa si̱naꞌa nde ndóꞌo̱ ndá kuꞌva koo ndo tá kuꞌva kúni mií Ndioxi. Saa xíkan ni nde ya mani nuu ndo tixin ichí mií Tata yo Jesucristo káꞌan nde xiꞌin ndo ya ná xaꞌa ni ka ndo ndee koo vaꞌa ni ndo.

1 Timoteo 1:1

Yeꞌe Pablo, ra xíka chiñu nuu Tata yo Jesucristo, ra ti̱ꞌvi Ndioxi vaxi sikaku yoo xiꞌin suvi mií Tata yo Jesucristo, ra ndinuꞌu ni ndáa ini yo.

1 Timoteo 4:10

Xaꞌa ya yóꞌó kua ndíkundee ni yo xáa chiñu yo, saa tíxuꞌvi ni yo ta kánaꞌa ni na xaꞌa yo. Chi saa íkan yo kándixa ni yo Ndioxi ra táku, chi mií ra ku ra síkaku ndiꞌi na ñuu ivi yóꞌó, sundi ndisaa na kándixa ni ñaꞌa ku na káku íkan ra.

1 Timoteo 5:4

Tá tu íyo ná kuâá ndi̱xiꞌi ndaa, ta íyo seꞌe ná án seꞌe ñani ná, ta na veꞌe ná ikán ku na xíniñuꞌu kundaa ñaꞌa, saa xáa kaꞌnu na Ndioxi xaꞌa ya íkan na saa. Ta saa kua xáa súvi na tá kuꞌva i̱kan iva siꞌí na xiꞌin na, tá íkan na saa ta xáa sií ni na ini Ndioxi.

2 Timoteo 1:9

Mií Ndioxi ku ra si̱kaku yoo, saa ka̱na ra yoo ya nduu yo na ñuu ra, na i̱í. Ta süvi xaꞌa ya vaꞌa íkan yo kua i̱kan ra saa xiꞌin yo, xaꞌa ya kúni mií va ra kua. Chi xaꞌa ya vaꞌa ni mií Tata yo Jesucristo kua i̱kan ra saa xiꞌin yo, tá täꞌan ka xa̱á ñuu ivi yóꞌó vi kua i̱kan ra saa xiꞌin yo.

HEBREOS 13:16

Ta ndïndoso ini ndo ya ikan ndo ya vaꞌa xiꞌin taꞌan ndo. Saa chindee ndo na taꞌan ndo xiꞌin ya kúu mií ndo, saa chi tá íkan ndo saa ta tá íin ya sóko ndo nuu Ndioxi saa íin ya íkan ndo, ta kúvaꞌa ni ini Ndioxi xiꞌin ya íkan ndo.

1 Pedro 2:20

Tá ndá ndóꞌo̱ tíxuꞌvi xaꞌa ya väꞌa íkan ndo, ta köo xíniñuꞌu naꞌa kaꞌan vaꞌa na xaꞌa ndo ya tíxuꞌvi ni ndo. Sundi tá tu vaꞌa ni kéꞌe ndo, ta vaꞌa xaꞌa ndee ni ini ndo xaꞌa ya tíxuꞌvi ni ndo íkan na, chi tá xáꞌa ndee ini ndo ta vaꞌa ni kúni Ndioxi xiꞌin ndo.

1 Pedro 2:5

Ta saa ndóꞌo̱ tá káa yu̱ú táku ikán saa íin ndo, chi yu̱ú ikán kua ndee ni xíniñuꞌu ra síkuaꞌa ra veꞌe ñuꞌu i̱í ya küvi kuni yo. Ta ndóꞌo̱ ku ndo xáa chiñu ini veꞌe ñuꞌu ikán chi tá íin sutu nda i̱í, saa íin ndo xáa chiñu ndo ini ya, ta tixin Jesucristo kua sóko ndo ya i̱í, ya vaꞌa nuu Ndioxi.