1 Timoteo 2:1 - Xochapa Mixteco

¹ Ñani yo, ya núnu̱ú ndúku i nuu un kua yóꞌó, kaꞌan ni ndo xiꞌin Ndioxi xaꞌa ndiꞌi naꞌa. Ta kuaku ndaꞌvi ndo nuu ra ná chindee ra na, ná chikaa ra ya vaꞌa ndiꞌi na. Saa kaꞌan ni ndo xiꞌin ra taxi ndo tixaꞌvi ndaꞌa ra xaꞌa ya ndi̱kuiin ra yuꞌu ndo xaꞌa ya káꞌan ndo xaꞌa xiꞌin ra.

1 Timoteo 2:1 Mawu Ofanana

Los Hechos 17:30

Xinaꞌa ta köo ndi̱xaa ndikuu Ndioxi xiꞌin yo köo ndi̱kundaa ini xaꞌa ra. Sundi vitin ta xáꞌnda chiñu ra nuu ndiꞌi kuu yo ñuu ivi ya ná ndiko koo ini yo, sindoo yo ichí väꞌa kuaꞌan yo.

ROMANOS 1:8

Xiꞌna kúni i kaꞌan i xiꞌin ndo tuꞌun yóꞌó: tixin ichí Jesucristo káꞌan i xiꞌin Ndioxi, táxi ni i tixaꞌvi ndaꞌa ra xaꞌa ndo. Saa chi ndee ni kándixa ndo Jesucristo yakan ndiꞌi ni kúu ñuu xíni soꞌo na tuꞌun vaꞌa xaꞌa ndo.

ROMANOS 6:17

Ndixaꞌvi ni Ndioxi vani ndee ni ndee xi̱ndoꞌni ndo ndaꞌa kuachi, ta ndinuꞌu ni ini ndo ka̱ndixa ndo tuꞌun ya ndi̱kani na nuu ndo tá si̱naꞌa na ndóꞌo̱.

1 Corintios 15:3

Ta vaꞌa chi tuꞌun ya núnu̱ú xa si̱naꞌa i ndóꞌo̱ kua si̱naꞌa mií Tata yo Jesucristo yeꞌe, ta ndee ni ndáa yaꞌvi ya káꞌan i xiꞌin ndo, chi xaꞌa kuachi yoo kua ndi̱xiꞌi Tata yo Jesucristo, tá kuꞌva káꞌan mií tuꞌun Ndioxi ya ta̱a na xinaꞌa.

2 Corintios 8:6

Ta xa xíni mií ndo ñani yo, ndo ñuu Corinto, ra Tito ñani yo ku ra xa̱á ndíkaya xuꞌun ya chindee taꞌan ndo xiꞌin na taꞌan yo, ya síniꞌi uun ndo nuu na. Ta vitin xa ndi̱xikan nde ya mani nuu ra ya ná ndïkaya ka ra ya ndaꞌa ndo, nda ná sixinu ra chiñu ya xa̱á ra xáa súvi ra.

Efesios 3:13

Xaꞌa ya ñaa kua xíkan ni i ya mani nuu ndo ya ná ndïko koo ini ndo xaꞌa tindoꞌo ya ndóꞌo i. Nda vaꞌa ka ná kuni ndo xaꞌa ya ndóꞌo i saa, ta ná koo vaꞌa ni ini ndo xaꞌa ya tíxuꞌvi ni i, chi ndóꞌo̱, ta níꞌi ka ndo ya toꞌo xaꞌa ya ndóꞌo i kuꞌva saa.

Efesios 5:20

Ndiꞌi saa ichí taxi ni ndo tixaꞌvi ndaꞌa Iva yo Ndioxi, xaꞌa ndiꞌi ni kúu ñaꞌa tixin Tata yo Jesucristo.

Efesios 6:18

Ta xïkuiin ndo, kaꞌan ni ndo xiꞌin Ndioxi ndiꞌi saa ichí ya ná chindee taꞌan Tachi I̱í ra xiꞌin ndo. Koo ndúvi ni ndo, ta ndïkava ini ndo, kaꞌan ni ndo xiꞌin Ndioxi xaꞌa ndiꞌi na ñuu Ndioxi, na i̱í.

Filipenses 1:3

Ndiꞌi saa ichí tá ndíkaꞌán ini i xaꞌa ndo ta táxi i ndixaꞌvi xaꞌa ndo ndaꞌa Ndioxi yo, ra káñuꞌu i.

Filipenses 4:6

Ta nda iin ya kündiꞌi ini ndo xaꞌa. Tá ndá ya kúmani nuu ndo ta kuaku ndaꞌvi ndo nuu Ndioxi. Nduku ndo ñaꞌa ya xíniñuꞌu ndo nuu ra, saa taxi ni ndo tixaꞌvi ndaꞌa ra xaꞌa ya chíndee ra ndóꞌo̱.

1 Tesalonicenses 3:12

Ta ná chindee ni Tata yo Jesucristo ndóꞌo̱ kuaꞌnu ni ka ndo xiꞌin ya kúꞌvi ni ini ndo xíni taꞌan ndo, ta saa ná kuꞌvi ni ini ndo kuni ndo ndiꞌi naꞌa. Ta saa kuꞌvi ni ini ndo kuni taꞌan ndo tá kuꞌva kúꞌvi ni ini nde xíni nde ndóꞌo̱.

2 Tesalonicenses 1:3

Ñani yo xiꞌin kuꞌva yo, ndiꞌi saa ichí xíniñuꞌu ni nde kaꞌan nde xaꞌa ndo xiꞌin Ndioxi. Chi ndóꞌo̱, ta kándixa ni ndo ra, ta vitin taan xáꞌnu ka ndo xiꞌin tuꞌun ra, saa kúꞌvi ni ini ndo xíni taꞌan ndo.

1 Timoteo 2:4

Chi ya kúni ra kua ná kaku ndiꞌi naꞌa, ta saa ná kundaa ini ndiꞌi na xaꞌa ya ndaa.

1 Timoteo 5:5

Ta ná kuꞌva yo, ná kuâán ná ndi̱xiꞌi ndaa, ná köo nda iin naꞌa chindee ñaꞌa, ta ndáa ni ini ná xíni ná Ndioxi, saa káꞌan ni ná xiꞌin ra nduvi niuun ya ná chindee ra ná.

2 Timoteo 2:24

Chi ndiꞌi yo xáa chiñu nuu Iva yo Ndioxi, ta köo xíniñuꞌu yo sikaku yo kuachi. Xíniñuꞌu yo koo vaꞌa ni yo xiꞌin ndiꞌi naꞌa, saa xíniñuꞌu yo kuu yo naꞌa, na vaꞌa ni sínaꞌa, ta saa ná koo yo na kaꞌnu ni ini.

Tito 2:11

Saa chi Ndioxi ta si̱naꞌa ra yoo ya ndee ni kúꞌvi ini ra xíni ra yoo, yakan ta̱xi ra ichí ndaꞌa yo ya ná kuchiñu kaku ndiꞌi ni kúu yo ñuu ivi yóꞌó.

Tito 3:2

Ta ná käꞌan väꞌa na xaꞌa nda iin naꞌa, ná täva na kuachi xiꞌin taꞌan na, vívií ná koo na xiꞌin taꞌan na, ni̱nu̱ ná koo ini na xiꞌin ndiꞌi na taꞌan na.

HEBREOS 6:11

Yakan kua kúni nde ná chikaa ni iin iin ndo ndee kundikun ni ndo ichí Ndioxi nda kivi sindiꞌi. Saa chi kivi ikán kua niꞌi ndo ya ndátun ndo niꞌi ndo nuu ra.

Santiago 5:16

Xaꞌa ya ñaa kua xíniñuꞌu ndo naꞌma ndo kuachi ndo nuu taꞌan ndo, saa kaꞌan ndo xiꞌin Ndioxi xaꞌa taꞌan ndo. Ikan ndo saa ya ná sindaꞌa Ndioxi ndóꞌo̱. Chi ndiꞌi naꞌa, na íyo vaꞌa nuu ra, ta xíni soꞌo va ra ya ndúku na nuu ra.