1 Timoteo 1:9 - Xochapa Mixteco

⁹ Saa chi yoo ta xíni yo ya vaꞌa ni ku ya, ta köo ndi̱taxi ra ya ndaꞌa ra Moisés xaꞌa naꞌa, na vaꞌa, na kándixa ñaꞌa, xaꞌa naꞌa, na íkan ya väꞌa kua ta̱xi Ndioxi ya, xaꞌa na kini, na iku ini, na köo káñuꞌu Ndioxi ta ni köo xáa súvi na ya káꞌan ra xiꞌin na, na xáꞌni iva siꞌí, xiꞌin na xáꞌni taꞌan,

1 Timoteo 1:9 Mawu Ofanana

San Mateo 10:21

’Kivi ya vaxi ta sava nda taa taxi nda kuachi xaꞌa ñani nda ndaꞌa na chiñu, ndixiko taꞌan mií nda nuu na sáa ini xíni ñaꞌa, ya kaꞌni ñaꞌa na. Saa ikán tu iva siꞌí na xiꞌin seꞌe taa na, saa ikán tu seꞌe taa na, ndixiko nda iva nda nuu naꞌa ya kaꞌni ñaꞌa na.

ROMANOS 1:30

Kútoo na ndituꞌun vata na xaꞌa naꞌa. Chíkaa na kuachi siki inka naꞌa, kúndasi nuu na xíni na Ndioxi, ni köo xáa toꞌo na naꞌa, kútai ni ini na, chínuu vaꞌa ni na tuꞌun mií na, nina ya väꞌa ndíkani ini na ikan na, ni köo xíni soꞌo na ya káꞌan iva siꞌí na xiꞌin na.

ROMANOS 4:13

Ndi̱kaꞌan Ndioxi xiꞌin ra Abraham ya taxi ra ñuu ivi yóꞌó ndaꞌa ra xiꞌin na seꞌe sikua ra. Ta süvi xaꞌa ya xáa súvi ra ley Ndioxi kua taxi ra ya ndaꞌa ra xiꞌin na seꞌe sikua ra. Sundi xaꞌa ya kándixa ni ra Ndioxi kua ndu̱u ra ra vaꞌa, ra káa tá káa naꞌa, na köo ka kuachi kúu mií nuu Ndioxi.

ROMANOS 5:20

Tá ta̱xi Ndioxi ley ra ndaꞌa na, saa kua ku̱ndaa ini na ya ndee ni íyo kuachi na nuu ra. Tá ndee ni nda̱a kuachi na ta saa ndee ni ka ndaa tu ya vaꞌa i̱kan Ndioxi xiꞌin va na, xaꞌa ya kúꞌvi ni ini ra xíni ra na.

ROMANOS 6:14

Ta vitin köo ka ndee kuachi ndo kaꞌnda chiñu ya nuu ndo. Chi köo íyo ka ndo tixin ley ya ta̱a ra Moisés xinaꞌa. Chi tixin ya kúꞌvi ni ini Ndioxi xíni ra ndóꞌo̱ va kua íyo ndo vitin, ta ya ikán ku ya xáꞌnda chiñu nuu ndo.

Gálatas 3:19

Tá tu saa, ta ¿ndá xaꞌa kua ta̱xi Ndioxi ley ra ndaꞌa ra Moisés, túvi ndo? Ta̱xi Ndioxi ley ra ndaꞌa na ya ná kundaa ini na väꞌa íkan na nuu Ndioxi, chi köo ndi̱xaa súvi na ya kúni ra. Ta saa chi̱tuni ra koo saa kaꞌnda chiñu ley ra nuu na, nda kivi tá ná xinu kivi kixi Jesucristo, ra kúu seꞌe sikua ra Abraham, ra ndi̱kaꞌan Ndioxi xaꞌa nuu ndikiꞌin ra ya vaꞌa taxi Ndioxi ndaꞌa ra. Ta saa ta̱xi ra ley ra ndaꞌa na tatun ra, ta na ikán ta̱xi ya ndaꞌa ra Moisés ndi̱xikanuu ra nuu na Israel ta̱xi ra ya ndaꞌa na.

Gálatas 5:18

Sundi tá táxi ndo xáꞌnda chiñu Tachi I̱í Ndioxi nuu ndo, ta saa kua kíndoo ndika ndo, köo xáꞌnda chiñu ka ley ya ta̱a ra Moisés nuu ndo.

Gálatas 5:21

xiꞌin na kǔní ini xíni taꞌan, saa tu na xáꞌni ndìì, xiꞌin na xíꞌí tin na xíka ndá ka nuu íyo viko, xiꞌin na íkan ndiꞌi nuu ñaꞌa väꞌa taꞌan ya yóꞌó. Ta xa yachi ndi̱tuꞌun i xiꞌin ndo xaꞌa ya yóꞌó, ta vitin ndítuꞌun tuku i xiꞌin ndo xaꞌa ya, chi ndiꞌi na íkan saa ta küchiñu na koo na nuu xáꞌnda chiñu Ndioxi.

Gálatas 5:23

saa táxi tu ya ndúu yo na vita ini, ta táxi tu ya ndúu yo na xáꞌnu ini nuu ya väꞌa. Ta köo ley ya ndíkasi nuu yo ya ikan yo taꞌan ya yóꞌó.

2 Tesalonicenses 2:8

saa kua keta túvi taa ra ndee ni nduvaꞌa ikán, ta xáa ra ikan ni ra ya väꞌa. Sundi tá ná ndiko koo Tata yo Jesucristo kixi ra ñuu ivi yóꞌó xiꞌin ndee chee ni kúu mií ra, ta ndisaa xiꞌin loꞌo paꞌa tachi yuꞌu ra kua kaꞌni ra taa nduvaꞌa ikán, sindiꞌi xaꞌa ñaꞌa ra.

1 Timoteo 4:7

Ta küni soꞌo un kuento vata, ya köo ndáa yaꞌvi ndítuꞌun naꞌa. Ya vaꞌa ni kua xaꞌa ni un ndee kuu un iin taa, ra vaꞌa ni xáa súvi ya kúni Ndioxi.

1 Timoteo 6:20

Ñani yo Timoteo, chikaa ni un ndee ya xaa súvi un chiñu ya ta̱xi Ndioxi ndaꞌa un. Ta küni soꞌo un tuꞌun síki, ya köo ndáa yaꞌvi ya káꞌan naꞌa, na káꞌan ndee ni ndíchi na, xíni ni na tuꞌun Ndioxi, saa íyo ni ya xínituni na, káchi na, ta süvi ya ndaa kua ya síki va kua káꞌan na.

2 Timoteo 2:16

Ta vaꞌa kuxika un nuu naꞌa, na káꞌan tuꞌun kíꞌvi ya köo ndáa yaꞌvi. Chi naꞌa, na káꞌan saa, ta iin iin kivi ndúndee ka ya väꞌa káꞌan na, saa kúxika vaꞌa ka na nuu Iva yo Ndioxi.

2 Timoteo 3:2

Chi kivi ikán ta sava naꞌa kundiꞌi ni ini na ndisaa xaꞌa mií na, saa kuni tu na ya koo kuaꞌa ni xuꞌun na, saa kutoo ni na ndikunuu vaꞌa ni tuꞌun xaꞌa na, ta ndee ni kutai ini na xiꞌin ñaꞌa na. Saa kaꞌan kini na xaꞌa Ndioxi tin xaꞌa naꞌa, ta küaꞌa na kañuꞌu na iva siꞌí na, ta ni küaꞌa na taxi na tixaꞌvi ndaꞌa naꞌa, ni xäa toꞌo na Ndioxi.

Tito 1:10

Saa chi íyo kuaꞌa ni nda köo xíin kandixa, ta ndá yokan tuꞌun ya íin ya köo káꞌan nda, saa síndaꞌvi nda naꞌa kuakiꞌvi na ichí väꞌa xaꞌa tuꞌun ya káꞌan nda xiꞌin na. Ta nda íkan saa ku sava nda ñúꞌu tañu ndo ñaa, chi káꞌan nda ya xíniñuꞌu ndiꞌi naꞌa ndikunuu tuni Ndioxi na, saa kua ndikuiso vaꞌa ra na, káchi nda.

Tito 1:16

Káꞌan na xíni na Ndioxi sundi ndiꞌi ñaꞌa väꞌa íkan na ta ndínaꞌa na mií na ya köo xíni na ra, ta ndíkuaa va na ra, saa kúndasi nuu na xíni na naꞌa, ta köo xíin na xaa súvi na ya kúni Ndioxi, ta nda iin ñaꞌa vaꞌa küchiñu na ikan na.

Tito 1:6

Ta nda ñani yo, nda ndikaxin un kundaa chiñu xiꞌin na veꞌe ñuꞌu, ta xíniñuꞌu ndǎku ni koo ini nda, ná kunuu vaꞌa tuꞌun xaꞌa nda, ta iindaa ná kuu yá síꞌi nda, ta ná kuu seꞌe nda na kándixa Tata yo Jesucristo, saa ná kuu na, na ínuu vaꞌa ni tuꞌun xaꞌa, ná köo na naꞌa, na soꞌo ni.

Tito 3:3

Chi saa ndi̱xiyo yo yachi tá täꞌan ndikundikun yo ichí Tata yo Jesucristo: kíꞌvi ni ndi̱xiyo ini yo, ikú ni ndi̱xiyo yo, tá íin yo nda̱ñuꞌu saa ndi̱xiyo yo nuu Ndioxi, ta xi̱nuꞌni yo ndaꞌa ndiꞌi kuachi ya ku̱too ni ikin kuñu yo ikan ya, kuaꞌa ni nuu ya väꞌa i̱kan yo, saa kûni ni ini yo xi̱ni yo naꞌa. Ta ndiꞌi naꞌa ndi̱saa ini xi̱ni yoo, ta saa tu yoo va, ndi̱saa ni ini yo xi̱ni yo na.

HEBREOS 11:31

Xaꞌa ya xi̱ndaa ni ini yá Rahab Ndioxi, yá ndi̱xika sii, yakan köo ndi̱xiꞌi yá xiꞌin na ñuu yá, na Jericó, na iku ni ndi̱xiyo, chi yá ikán ta ndi̱kuiso vií yá na judío na ndi̱xaꞌan xi̱to nani ñuu ikán.

HEBREOS 12:16

Ta nda iin ndóꞌo̱, käka sií xiꞌin ñaꞌa án xiꞌin taa, ta ni kündasi nuu ndo kuni ndo Ndioxi tá kuꞌva i̱kan ra Esaú xinaꞌa. Chi xaꞌa ya kúu ra seꞌe núnu̱ú iva siꞌí ra kua ku̱u mií ra ichí ya ndikiꞌin ra ya vaꞌa ndaꞌa na, sundi ra ikán, ta ndi̱xiko ra ya xaꞌa iin koꞌo loꞌo ñaꞌa xíxi.

1 Pedro 2:7

Ndiꞌi ndóꞌo̱ kándixa ni Jesucristo ta nda tá káa yu̱ú ya ndee ni ndáa yaꞌvi saa káa ra nuu ndo, ta nuu naꞌa, na köo xíin kandixa ra, ta ni köo ndáa yaꞌvi ra nuu na, ta saa xáa ndúvi na tuꞌun Ndioxi ya káchi saa: Yu̱ú ya ku̱ndasi nda síkuaꞌa veꞌe. Ya ikán kua ndu̱u yu̱ú núnu̱ú ya ndee ni vaꞌa ndíkaa xaꞌa veꞌe, káchi tuꞌun Ndioxi.

1 Pedro 3:20

Chi na ikán ta köo ndi̱xiin na xaa súvi na ya ndi̱kaꞌan Ndioxi xiꞌin na tá tiempo ya ndi̱xiyo ra Noé. Ndee ni ndi̱xaꞌa ndee ini Ndioxi xi̱ndatun ra na tá ndi̱xika ra Noé si̱kuaꞌa ra itun barco ya kaku na. Ta ndisaa una kuiti ndi̱xiyo na ndi̱kaku, köo ndi̱xiꞌi na xiꞌin tikuii.

1 Pedro 4:18

Chi saa káꞌan tuꞌun Ndioxi ya ta̱a na xinaꞌa, káchi ya saa: Tá tu uꞌvi ni kua kaku naꞌa, na vaꞌa, na ndíkun ichí Ndioxi. Ta yáꞌa ni ka uꞌvi kundoꞌo naꞌa, na väꞌa, na köo xíin kandixa Ndioxi, káchi tuꞌun ra.

Judas 1:15

ta vaxi ra ya xaa nani ra kuachi xiꞌin ndiꞌi ni kúu na, saa sitixuꞌvi ni ra na xaꞌa ndiꞌi ni kúu ya väꞌa íkan na xiꞌin ndiꞌi ni kúu tuꞌun väꞌa ya ndi̱kaꞌan na xaꞌa Ndioxi”.

El Apocalipsis 21:8

Ta na síndikoo ichí i xaꞌa ya íꞌvi na tixuꞌvi na xaꞌa i, ta kuꞌun na yavi nuu xíxi ni ñu̱ꞌu̱ xiꞌin ñuꞌú káꞌndi ya náni azufre, saa kundoꞌo na köo xíin kandixa yeꞌe, na íkan ndiꞌi saa nuu ya väꞌa, ya kini, xiꞌin na xáꞌni ndìì, xiꞌin nda taa nda kuakiꞌvi xiꞌin inka ñaꞌa, án ndiꞌi ná ñaꞌa ná kuakiꞌvi xiꞌin inka taa, saa tu na tási xiꞌin na káñuꞌu yu̱ú savi án na káñuꞌu inka naꞌna ya köo kúu ndioxi ra ndaa, xiꞌin ndiꞌi na ndítuꞌun vata. Ta ya ndoꞌo ni na yóꞌó ku nuu “kuvi na ichí uvi” ―káchi Ndioxi ndi̱kaꞌan ra xiꞌin i.

El Apocalipsis 22:15

Ta na väꞌa ndoo na kundoo na chí keꞌe, chi na ikán ku na i̱kan ya väꞌa, ya kini ni. Saa tu na tuꞌva, na tási, saa tu nda taa nda ndi̱xika xiꞌin ná síꞌi, ta saa tu ná síꞌi ná ndi̱kiꞌvi xiꞌin taa, ta saa tu na xa̱ꞌni ndìì, saa tu na xa̱a kaꞌnu inka ndioxi án inka naꞌna ndioxi ra köo kúu Ndioxi ndaa, saa tu na kútoo ni kaka xiꞌin ya síki, ta síndaꞌvi na naꞌa. Ndiꞌi na ikán küchiñu na koo na ñuu i̱í xiꞌin Ndioxi.