1 Timoteo 1:7 - Xochapa Mixteco

⁷ Kúni na kuu na maestro na yáꞌa ni ndíchi sínaꞌa ley Ndioxi ya ta̱xi ra ndaꞌa ra Moisés, ta ni köo kúndaa ini na xiꞌin ya káꞌan ya ni ya sínaꞌa na.

1 Timoteo 1:7 Mawu Ofanana

San Mateo 15:14

Täa soꞌo ndo ya káꞌan nda fariseo. Chi nda ikán ra tá íin na kuáa̱ saa íin nda. Chi tá iin ra kuáa̱ ná kundaka ra inka ra kuáa̱ kuꞌun xiꞌin ra, ta uvi saa nda koyo yavi ―káchi Jesús xiꞌin na.

San Mateo 21:27

Saa ndi̱kaꞌan nda xiꞌin Jesús: ―Köo xíni nde ―káchi nda. Saa ndi̱kuiin ra, káꞌan ra xiꞌin nda: ―Tá tu saa, ta ni yeꞌe käꞌan i xiꞌin ndo unku ta̱xi ichí ndaꞌa i ikan i saa ―káchi ra xiꞌin nda.

San Lucas 2:46

Ta nda kivi uni ndi̱taꞌan na ra veꞌe ñuꞌu kaꞌnu, índuꞌu koo ra maꞌñu nda maestro nda xíni ni ley Ndioxi ya ta̱a ra Moisés, xíni soꞌo ra ya káꞌan nda ta ndákan tuꞌun ñaꞌa ra.

Los Hechos 15:1

Suvi tiempo ndi̱xiyo ra Pablo xiꞌin ra Bernabé ñuu Antioquía kua ndi̱xaa sava nda ndíkun Jesús, nda ke̱e estado Judea. Ndi̱kaꞌan nda xiꞌin nda kándixa Jesús ya xíniñuꞌu ndikunuu tuni Ndioxi nda tá káꞌan ya ta̱a ra Moisés, chi tá ná ïkan nda saa ta küchiñu nda kaku nda.

ROMANOS 1:22

Saa ndíkani ini na ya ndu̱ndíchi ni na, ta süvi ya ndaa kua, na ndu̱kiꞌvi vaꞌa ka va ku na.

Gálatas 3:2

Ta vitin kúni i ndakan tuꞌun i ndóꞌo̱, ta vaꞌa ndikuiin ndo yuꞌu i xaꞌa ya kaꞌan i xiꞌin ndo: Tá ndi̱kiꞌin ndo Tachi I̱í Ndioxi ta ¿án xaꞌa ya xáa súvi ndo ley Ndioxi kua ndi̱kiꞌin ndo ya, túvi ndo? Süvi saa íyo ya, xaꞌa ya xi̱ni soꞌo ndo tuꞌun vaꞌa xaꞌa Jesucristo va kua ndi̱kiꞌin ndo Tachi I̱í ra.

Gálatas 3:5

Ta ¿án xaꞌa ya xáa súvi ndo ley Ndioxi kua ta̱xi ra Tachi I̱í ra ndaꞌa ndo, túvi ndo? Saa tu ya íkan Ndioxi yatuꞌun xiꞌin va ndo ta ¿án xaꞌa ya xáa súvi ndo ley Ndioxi kua, túvi ndo? Süvi saa íyo ya. Xaꞌa ya xi̱ni soꞌo ndo tuꞌun vaꞌa xaꞌa Tata yo Jesucristo, ta ka̱ndixa ndo ya sikaku ra ndóꞌo̱. Xaꞌa ya ikán kua ta̱xi ra Tachi I̱í ra ndaꞌa ndo, saa tu ya íkan ra yatuꞌun xiꞌin va ndo.

Gálatas 4:21

Sava ndóꞌo̱ ñani yo, ta kúni tuku va ndo ndiko koo ndo xaa súvi ndo ley ya ta̱a ra Moisés ta ¿án köo xíni ndo unkua káꞌan ya?

1 Timoteo 6:4

Chi nda maestro ikán ta ndee ni kútai ini nda xiꞌin mií nda. Ta nda loꞌo köo xíni nda. Xaꞌa ya nina kútoo nda kaꞌan kuachi nda xiꞌin naꞌa unkua káꞌan iin iin nuu tuꞌun xaꞌa ya ikán kua xáa nda táva nda kuachi xiꞌin na veꞌe ñuꞌu, xáa na kûní ini na xíni taꞌan na, síkani taꞌan nda na, káꞌan kini na xiꞌin taꞌan na, ndíkani väꞌa ini na xíni taꞌan na,

2 Timoteo 3:7

Ta ndiꞌi saa kivi xíni soꞌo ni ná tuꞌun ya sínaꞌa na, ta nda loꞌo köo kúchiñu ná kundaa ini ná xaꞌa ya ndaa xíni soꞌo ná.

Santiago 3:1

Ñani mani, ná köo kuaꞌa ni na sínaꞌa tuꞌun Ndioxi tañu ndo, saa chi xa kúndaa ini mií ndo yáꞌa ni ka va ndee sitaxin Ndioxi yoo sínaꞌa tuꞌun ra, nuu na ivi taꞌan yo na ndíkun ra.

2 Pedro 2:12

Ta nda vata sínaꞌa ñaa, ta ya káꞌan ndikuu nda xaꞌa ku ndiꞌi va ñaꞌa ya köo kúndaa ini nda xiꞌin. Tá íkan kiti, ri köo ya xínituni va saa íkan nda, chi kiti ikán ta ka̱ku ri ya tiin na ri kuꞌun ri kuvi va ri, tá kuꞌva ndóꞌo ri ikán, saa kundoꞌo tu nda ñaa va.