1 Timoteo 1:6 - Xochapa Mixteco

⁶ Chi sava na ta xaꞌa ya köo ndi̱xiin na xaa súvi na ndiꞌi ya yóꞌó, yakan ku̱xika na ta saa xa̱á na ndítuꞌun na ndisaa xaꞌa ñaꞌa ya köo ndáa yaꞌvi.

1 Timoteo 1:6 Mawu Ofanana

San Mateo 18:12

’¿Ta unkua ndíkani ini ndóꞌo̱? Tá íyo iin taa kúu mií ra iin ciento levo sana ra. Tá ná ndañuꞌu iin sana ra, ta saa sindoo ra kumi xiko xaꞌun kumi ti ikán, ta kuꞌun ra nduku ra kiti nda̱ñuꞌu.

1 Timoteo 5:15

Ndítuꞌun i ya yóꞌó xiꞌin un, saa chi saa íkan sava ná vali, ná kuâán ndi̱xiꞌi ndaa, ta ku̱xika ná nuu Ndioxi, saa ndi̱kundikun ná ichí kiti nǎꞌa, kiti Satanás.

2 Timoteo 2:18

Chi nda ikán ta xa si̱ndikoo nda tuꞌun vaꞌa ya ndaa xaꞌa Tata yo Jesucristo, saa sínaꞌa nda naꞌa, káꞌan nda xiꞌin na ya xa ndi̱taku ndiꞌi na ndíi, káchi nda. Ta xaꞌa ya káꞌan nda saa, ta sáka nda ini sava na taꞌan yo, na ndáa ni ini xíni Tata yo Jesucristo.

2 Timoteo 4:10

Saa chi ra Demas, ta si̱ndoo ndaꞌa va ra yeꞌe, saa ke̱ta ra kuaꞌan ra chí ñuu Tesalónica, xaꞌa ya kútoo ni ra xíni ra ñaꞌa ñuu ivi yóꞌó kua i̱kan ra saa xiꞌin i. Inka ra Crescente, ke̱e kuaꞌan chí Galacia. Inka ra Tito, ke̱e kuaꞌan chí Dalmacia.

Tito 1:10

Saa chi íyo kuaꞌa ni nda köo xíin kandixa, ta ndá yokan tuꞌun ya íin ya köo káꞌan nda, saa síndaꞌvi nda naꞌa kuakiꞌvi na ichí väꞌa xaꞌa tuꞌun ya káꞌan nda xiꞌin na. Ta nda íkan saa ku sava nda ñúꞌu tañu ndo ñaa, chi káꞌan nda ya xíniñuꞌu ndiꞌi naꞌa ndikunuu tuni Ndioxi na, saa kua ndikuiso vaꞌa ra na, káchi nda.

Tito 3:9

Ta küni soꞌo un ya ndítuꞌun kuachi na ñani yo xaꞌa ñaꞌa ya köo ndáa yaꞌvi ndítuꞌun na xaꞌa xií síkua na. Vaꞌa kuxika un nuu ya ñaa, xiꞌin ya kánitaꞌan na xaꞌa, ta káꞌan kuachi na xaꞌa ley ya ta̱a ra Moisés, chi ya ñaa ta köo chíndee ya nda iin naꞌa.