1 Timoteo 1:5 - Xochapa Mixteco

⁵ Yakan káꞌan i xiꞌin un ya kaꞌan un xiꞌin na ñani yo ya ná kuꞌvi ni ini na kuni taꞌan na xiꞌin ndinuꞌu nima na, ta ni ya xínituni na ta täxi ya kuachi xaꞌa na nuu ra, chi ndinuꞌu ni ini na ndáa ini na xíni na ra.

1 Timoteo 1:5 Mawu Ofanana

San Mateo 12:35

Naꞌa, na vaꞌa, ta ya vaꞌa káꞌan na, saa chi ya vaꞌa íyo nima na. Ta naꞌa, na väꞌa, ta ya väꞌa káꞌan na, saa chi saa íyo nima na.

San Mateo 5:8

’Vaꞌa ni kée ndo tá tu ndinuꞌu ni ini ndo kúu ndo naꞌa, na kúu mií nima vaꞌa nuu Ndioxi, chi vaxi iin kivi ta kuni ndo Ndioxi.

Los Hechos 15:9

Chi nuu Ndioxi ta iin ndáa yaꞌvi ndiꞌi va yo. Tá kúꞌva nda̱sa yaa ra nima yoo saa nda̱sa yaa tu ra nima na ikán va, xaꞌa ya ndáa ini na xíni na ra.

Los Hechos 23:1

Saa ndi̱koto ra Pablo nuu ndiꞌi na xikuaꞌa ndóo ikán, ta ndi̱kaꞌan ra xiꞌin na, káchi ra saa: ―Na taꞌan yo, nda kivi vitin ta íyo vaꞌa ni va ya xínituni i nuu Ndioxi ―káchi ra xiꞌin na.

Los Hechos 24:16

Xaꞌa ya kándixa i ya ñaa yakan kua kíꞌin ni i kuenta xaꞌa ñaꞌa íkan i nuu Ndioxi xiꞌin nuu na ñuu ivi yóꞌó.

ROMANOS 10:4

Sundi ley Ndioxi ya xa̱ꞌnda chiñu ra nuu na Israel xinaꞌa ta si̱xinu Jesucristo ya, yakan ndiꞌi naꞌa na kándixa Jesucristo, ta Ndioxi ndása vaꞌa ra na, ndúu na naꞌa, na köo ka kuachi kúu mií nuu ra.

ROMANOS 12:9

Tá kúꞌvi ni ini ndo xíni taꞌan ndo, ta ndixa ndinuꞌu ini ndo kuꞌvi ini ndo kuni taꞌan ndo. Kundasi nuu ndo kuni ndo ya väꞌa, ta chikaa ni ndo ndee ya kundikun ndo ya vaꞌa.

ROMANOS 14:15

Saa chi tá xaꞌa ñaꞌa ya xíxi ndo kua síndiko koo ndo ini na xaꞌa ya kándixa na Jesús, ta kúni kachi ya köo kúꞌvi ini ndo xíni ndo na. Täxi ndo ndiꞌi xaꞌa naꞌa xaꞌa ñaꞌa xíxi ndo, saa chi Cristo ku ra ndi̱xiꞌi xaꞌa na.

ROMANOS 9:1

Ta vaꞌa ná kundaa ini ndo chi yeꞌe, ta yeꞌe kándixa Jesucristo ku i yakan ndaa ni káꞌan i, mií Tachi I̱í Ndioxi ku ya ndíkuiin xaꞌa i, chíndee ya yeꞌe káꞌan i saa xiꞌin ndo, chi ndinuꞌu ni ini i káꞌan i ya ndaa xiꞌin ndo, káchi i soꞌva:

1 Corintios 13:1

Tá tu xíni ni i kaꞌan i kuaꞌa ni nuu tuꞌun ya káꞌan na ñuu ivi yóꞌó, án xíni ni i kaꞌan i nda tuꞌun ya káꞌan na tatun Ndioxi, sundi tá köo ya kúꞌvi ini vaxi nuu Ndioxi íyo nima i, ya kuꞌvi ini i kuni i inka naꞌa, ta tá káa kàà ya ndee ni káxan va saa káa i, án tá káa iin kàà ya ndee ni ndáꞌi va, saa káa i.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

1 Timoteo 1:18

Ñani yo Timoteo, tá káa seꞌe i saa káa un, ta chiñu yóꞌó kua ndúku i nuu un xaa súvi un, chi ya yóꞌó, ta iin káchi ku ya xiꞌin tuꞌun ya ndi̱kaꞌan nda ñani yo, nda ndi̱kaꞌan tuꞌun yuꞌu Ndioxi ya ta̱xi Tachi Ndioxi ndaꞌa un tixin nda ñani yo ikán tá yachi. Chi tá ná ikan un saa ta koo un tá kuꞌva íyo iin ra lapa, ra xíni ni kaka nuu kuachi.

1 Timoteo 1:19

Ta xaꞌa ni un ndee ya kundaa ni ini un kuni un Ndioxi, ya xaa súvi un ya táxi ya xínituni un ndaꞌa un. Saa chi sava na ta köo ndi̱kan na saa, ni xa xíni na unkua vaꞌa, ta köo ndi̱xiin na xaa súvi na ya, yakan kua ndi̱ꞌi xaꞌa na, köo ndáa ka ini na xíni na Tata yo Jesucristo. Tá ndóꞌo itun barco tá ndíꞌi xaꞌa nu ini nduta ñûꞌu, saa ndo̱ꞌo na.

1 Timoteo 3:9

Xíniñuꞌu kuu nda taa nda kándixa ni tuꞌun vaꞌa xaꞌa Tata yo Jesucristo ya si̱tuvi Ndioxi nuu yo ku̱ndaa ini yo, ta saa ná koo vaꞌa ya xínituni nda, ná täxi ya kuachi xaꞌa nda.

2 Timoteo 1:3

Ndiꞌi saa ichí tá káꞌan i xiꞌin Ndioxi ta ndíkaꞌán ni ini i xaꞌa un, saa káꞌan i xaꞌa un xiꞌin ra. Nduvi niuun táxi i ndixaꞌvi ndaꞌa ra xaꞌa un. Saa xáa súvi ni i ya kúni Ndioxi, tá kuꞌva xa̱a súvi ni xii sikua i ñaꞌa nuu ra, saa íkan i ta köo táxi ya xínituni i kuachi xaꞌa i.

2 Timoteo 1:5

Ndíkaꞌán ini i xaꞌa un ya ndee ni ndinuꞌu ini un ndáa ini un xíni un Tata yo Jesucristo. Ta xiꞌna nána chee un yá Loida ku yá ndee ni xi̱ndaa ini xíni ra, saa tu nána un yá Eunice va, ta saa tu yóꞌo̱ va.

2 Timoteo 2:22

Ta ïkan un taꞌan ya kútoo ni na kuâán vali ñuu ivi yóꞌó ikan na, ndi̱xita un mií un nuu ya. Xaꞌa ni un ndee ya xaa súvi un ya vaꞌa, ya ndaa, ta saa ná kundaa ni ini un kuni un Ndioxi, saa ná kuꞌvi ni ini un kuni un naꞌa, ta xaꞌa un ndee ya koo vaꞌa ini un xiꞌin na. Ta saa ikan un xiꞌin ndiꞌi na ñani yo, na kándixa ni Iva yo Ndioxi xiꞌin ndinuꞌu ini na.

Tito 1:15

Chi naꞌa, na kúu mií nima vaꞌa, ta ya vaꞌa ku ndiꞌi ya nuu na, ta naꞌa, na kúu mií nima väꞌa, na köo ndáa ini xíni Ndioxi ta ya väꞌa ku ndiꞌi va ya nuu na, nda ya ndíkani ini na xiꞌin ya xínituni na ta köo íyo vaꞌa ya.

HEBREOS 10:22

Xaꞌa ya ikán kua ná kuyati yo nuu Ndioxi xiꞌin ndinuꞌu nima yo, ta saa ndinuꞌu ni ini yo ná kundaa ni ini yo kuni yo ra, saa chi xa ndi̱kata ra nima yo xaꞌa ndiꞌi ya väꞌa, ta saa ndi̱kata ra ikin kuñu yo xiꞌin tikuii nduta vaꞌa ni.

HEBREOS 13:18

Ta kaꞌan ni ndo xaꞌa ndeꞌe xiꞌin Ndioxi, saa chi xíni nde ya íyo vaꞌa ya xínituni nde nuu ra, ta ndisaa ya vaꞌa kúni nde ikan nde nuu ra.

HEBREOS 9:14

Tá tu ku̱chiñu nií ikán xiꞌin yaá nda̱sa vaꞌa ya sata ikin kuñu na, ta ¡ndisaa ka vi nií Jesucristo, ndee ni ka ndee kúu mií rá ikán chi nda loꞌo kuachi ra köo, yakan vaꞌa ndasa vaꞌa rá yoo xaꞌa Tachi ra ya táku ndiꞌi saa ichí! Saa chi nií mií ra ku rá ndása vaꞌa nima yo, ndúvaꞌa yo nuu kuachi ya xáꞌni yoo, ta saa kua kuchiñu yo xaa chiñu yo nuu Ndioxi, ra táku.

Santiago 4:8

Ta vaꞌa kuyati ndo nuu Ndioxi saa kuyati ra nuu ndo. Ta ndóꞌo̱ íyo kuachi, kukuiin ndo xiꞌin ya väꞌa kéꞌe ndo, ndikata ndo ndaꞌa ndo. Saa tu ndóꞌo̱ uvi ini këꞌe ka ndo saa, ndasa vaꞌa ndo nima ndo ná nduvií ndo.

1 Pedro 1:22

Ta xaꞌa ya xáa súvi ni ndo tuꞌun vaꞌa ya ndaa xi̱ni soꞌo ndo yakan ndu̱vaꞌa ya vaꞌa ndo, saa chíndee taꞌan Tachi I̱í ra xiꞌin ndo ya ndinuꞌu ni kúꞌvi ini ndo xíni taꞌan ndo. Ikan ndo saa: ndinuꞌu ni ini ndo kuꞌvi ini ndo kuni taꞌan ndo.

1 Pedro 3:16

Tá ndíkuiin ndo yuꞌu na, ta vií ndikuiin ndo yuꞌu na xiꞌin ya toꞌo, ni̱nu̱ koo ini ndo xiꞌin na, ni ya xínituni ndo ta täxi ya kuachi xaꞌa ndo. Tá ndá naꞌa kánaꞌa xaꞌa ndo xaꞌa ya vaꞌa íkan ndo, ya ndíkun ndo Tata yo Jesucristo, ta kukaꞌan nuu mií va na xaꞌa ya íkan na saa xiꞌin ndo.

1 Pedro 3:21

Taꞌan tikuií ikán ku tikuií rá síkuchi naꞌa ndóꞌo̱ vitin, rá síkaku ndóꞌo̱. Ta tikuií ikán ta köo ndíkata rá ya väꞌa íyo ikin kuñu yo, sundi ndása vaꞌa rá ya xínituni yo, saa síkaku rá yoo xaꞌa ya ndi̱taku Tata yo Jesucristo tañu na ndíi.

1 Pedro 4:8

Chi ya ndee ni ndee nuu ndiꞌi ya kua kuꞌvi ni ini ndo kuni taꞌan ndo, chi saa kua kuchiñu ndo xaa kaꞌnu ini ndo xaꞌa kuachi na taꞌan ndo, ta xaꞌa ya kúꞌvi ni ini ndo xíni ndo na kua kuchiñu ndo xaa kaꞌnu ini ndo xaꞌa kuachi na, ni ndee ni ndee káa ya.

2 Pedro 1:7

Ta xíniñuꞌu ndo kuꞌvi ni ini ndo kuni ndo na taꞌan yo, na ndíkun Tata yo Jesucristo xiꞌin ndiꞌi ka naꞌa.

1 Juan 3:10

Soꞌva ku nuu kúndaa ini yo xiꞌin na kúu seꞌe Ndioxi tin na kúu seꞌe kiti nǎꞌa. Ndiꞌi na köo íkan ya ndaa xiꞌin na köo kúꞌvi ini xíni taꞌan, ta süvi seꞌe Ndioxi ku na.

1 Juan 3:23

Ta ya yóꞌó kua xáꞌnda chiñu Ndioxi nuu yo: Ná kandixa yo Seꞌe ra, ra kúu Jesucristo, ta ná kuꞌvi ini yo kuni taꞌan yo, tá kuꞌva xáꞌnda chiñu ra nuu yo.

1 Juan 3:3

Ta ndiꞌi na ndinuu ni ndátun ya ndiko koo ra ndisama ra na, ta ndíkundee ni na xinu koo na nduu na tá kuꞌva íyo mií ra, saa chi ra i̱í ku ra.