1 Timoteo 1:2 - Xochapa Mixteco

² Chíndee ni i yóꞌo̱ ñani yo Timoteo, chi yóꞌo̱, ta tá káa seꞌe mií i, saa káa un, xaꞌa ya si̱naꞌa i yóꞌo̱ ichí xaꞌa Tata yo Jesucristo. Ta mií Tata yo Jesucristo xiꞌin mií Iva yo Ndioxi ná kundaꞌvi ni ini ra kuni ra yóꞌo̱, saa ná taxi ra koo vaꞌa ni ini un xiꞌin ya kúꞌvi ni ini ra xíni ra yóꞌo̱.

1 Timoteo 1:2 Mawu Ofanana

ROMANOS 1:7

Táa i tutu yóꞌó xaa ya ndaꞌa ndóꞌo̱, ñani yo, xiꞌin ndóꞌo̱ kuꞌva yo ndóo ñuu Roma, chi ndóꞌo̱ ku naꞌa, na kúꞌvi ni ini Ndioxi xíni ra. Saa ka̱na ra ndóꞌo̱ ya kuu ndo naꞌa, na i̱í nuu ra, koo vaꞌa ni ini ndo, ná taxi ni ra ya vaꞌa ndaꞌa ndo ya ndi̱niꞌi uun ndo nuu Iva yo Ndioxi xiꞌin Tata yo Jesucristo.

Gálatas 1:3

Ta mií Iva yo Ndioxi xiꞌin Tata yo Jesucristo ná ikan ni ya vaꞌa xiꞌin ndo, ná taxi ni ra ya vaꞌa koo ya ini ndo ta saa ná koo vaꞌa ni ini ndo.

1 Tesalonicenses 3:2

ta ti̱ꞌvi nde ra Timoteo, ñani yo, xaa ra nuu ndo koto ra ndóꞌo̱. Ta ra ñaa iin káchi vaꞌa ni xáa chiñu ra nuu Ndioxi xiꞌin nde, káꞌan ndoso ra tuꞌun vaꞌa xaꞌa Tata yo Jesucristo. Ta ti̱ꞌvi nde ra xaa ra nuu ndo koto ra ndóꞌo̱, ya chindee ra ndóꞌo̱ kandixa ni ka ndo tuꞌun xaꞌa Tata yo Jesucristo, saa xaꞌa ni ra ndee xiꞌin ndo,

1 Timoteo 1:12

Táxi ni i tixaꞌvi ndaꞌa Tata yo Jesucristo, taa ra ta̱xi ni ndee ndaꞌa i, saa chi ndáa ni ini ra xíni ra yeꞌe yakan ndi̱kaxin ra yeꞌe ya xaa súvi i chiñu nuu ra.

1 Timoteo 1:18

Ñani yo Timoteo, tá káa seꞌe i saa káa un, ta chiñu yóꞌó kua ndúku i nuu un xaa súvi un, chi ya yóꞌó, ta iin káchi ku ya xiꞌin tuꞌun ya ndi̱kaꞌan nda ñani yo, nda ndi̱kaꞌan tuꞌun yuꞌu Ndioxi ya ta̱xi Tachi Ndioxi ndaꞌa un tixin nda ñani yo ikán tá yachi. Chi tá ná ikan un saa ta koo un tá kuꞌva íyo iin ra lapa, ra xíni ni kaka nuu kuachi.

1 Timoteo 6:20

Ñani yo Timoteo, chikaa ni un ndee ya xaa súvi un chiñu ya ta̱xi Ndioxi ndaꞌa un. Ta küni soꞌo un tuꞌun síki, ya köo ndáa yaꞌvi ya káꞌan naꞌa, na káꞌan ndee ni ndíchi na, xíni ni na tuꞌun Ndioxi, saa íyo ni ya xínituni na, káchi na, ta süvi ya ndaa kua ya síki va kua káꞌan na.

2 Timoteo 1:2

Táa i tutu yóꞌó xaa ya ndaꞌa un ñani yo Timoteo, chi yóꞌo̱, ta nda tá káa seꞌe i, ra kúꞌvi ni ini i xíni i, saa káa un. Ta mií Iva yo Ndioxi xiꞌin Tata yo Jesucristo ná kundaꞌvi ni ini kuni yóꞌo̱, saa ná chikaa ni ra ya vaꞌa yóꞌo̱, ta ná taxi ra koo vaꞌa ni ini un.

2 Timoteo 2:1

Ñani yo Timoteo, yóꞌo̱, ta nda tá íyo seꞌe mií i saa íyo un, yakan káꞌan i xiꞌin un chikaa ni un ndee chi kúꞌvi ni ini Ndioxi xíni ra yóꞌo̱ xaꞌa ya kúu un kuenta Tata yo Jesucristo.

Tito 1:4

Ta tíꞌvi i tutu yóꞌó xaa ya ndaꞌa un ñani yo Tito. Chi yóꞌo̱, ta tá íyo seꞌe mií i saa íyo un, xaꞌa ya iin káchi ndáa ini yo xíni yo Tata yo Jesucristo, ra síkaku yoo. Ta ná ikan Iva yo Ndioxi xiꞌin Tata yo Jesucristo ya vaꞌa xiꞌin un, ná kundaꞌvi ni ini ra kuni ra yóꞌo̱, ná taxi ra koo vaꞌa ini un.

Tito 2:2

Saa sinaꞌa un nda ñani yo, nda xikuaꞌa, ya ná koo kaxin ni ini nda, ná koo ni ya toꞌo nda, ndá ya íkan nda ta xiꞌna ná ndikani vaꞌa ini nda saa ikan nda ya. Saa sinaꞌa un nda ndee ni ná kundaa ini nda kuni nda Tata yo Jesucristo ya taxi ra ndee ndaꞌa nda, saa ná kuꞌvi ni ini nda kuni taꞌan nda, ta káꞌnu ni ná koo ini nda xiꞌin taꞌan nda.

Tito 3:15

Ta ndiꞌi nda ñani yo, nda ndóo xiꞌin i yóꞌó tíꞌvi ni nda tuꞌun mani xaa ndaꞌa un. Saa kaꞌan ndioxi ni un xiꞌin ndiꞌi nda ñani yo tin kuꞌva yo, na ndáa ni ini xíni Tata yo. Ta mií Iva yo Ndioxi ná chikaa ni ya vaꞌa ndiꞌi ndo. Saa ná koo.

1 Pedro 1:2

Saa chi xa yachi vi ndi̱kaxin Ndioxi ndóꞌo̱, saa nda̱sa vaꞌa ra ndóꞌo̱ tixin Tachi ra. I̱kan ra saa xiꞌin ndo chi kúni ra xa̱a súvi ndo ya ndi̱kaꞌan ra, saa nda̱sa i̱í ra ndóꞌo̱, ya ná xaa súvi ndo ya káꞌan ra xiꞌin ndo, ta tixin nií Tata yo Jesucristo kua ndi̱kata ra kuachi ndo. Ta mií Iva yo Ndioxi ná taxi ni ka ya vaꞌa ndaꞌa ndo xaꞌa ya kúꞌvi ni ini ra xíni ra ndóꞌo̱, saa ná koo vaꞌa ni ndo.

2 Juan 1:3

Ta mií Ndioxi xiꞌin Seꞌe ra, ra kúu Jesucristo, ná chikaa ya vaꞌa ndóꞌo̱. Ta ná kundaꞌvi ini ra kuni ra ndóꞌo̱, saa ná taxi ra koo vaꞌa ini ndo. Chi vitin ta xa íyo ndiꞌi ya vaꞌa yóꞌó xiꞌin yo xaꞌa ya kándixa yo ya ndaa ta kúꞌvi ini yo xíni taꞌan yo.

3 Juan 1:4

Köo ka ya xáa sii ni ini i, ya kúsini ni i ku ya yóꞌó, saa chi yóꞌo̱ ta tá káa seꞌe i saa káa un, ta vaꞌa ni xíka un ichí ya ndaa.

Judas 1:2

Ta ná niꞌi kuaꞌa ni ndo ya vaꞌa nuu Iva yo Ndioxi, ra kúndaꞌvi ni ini xíni ndóꞌo̱, saa ná koo vaꞌa ni ini ndo.