1 Pedro 5:3 - Xochapa Mixteco

³ Ta käꞌnda chiñu ndo nuu na, ya nduu ndo tá íyo xitoꞌo na, na ndee ni íyo ichí ndaꞌa ya kaꞌnda chiñu ndo nuu na. Ya ndee ni vaꞌa ikan ndo xiꞌin na kua sinaꞌa ndo na ná ikan na tá kuꞌva vií ni íkan mií ndo.

1 Pedro 5:3 Mawu Ofanana

San Juan 13:15

Tá kuꞌva i̱kan i xiꞌin ndo, saa xíniñuꞌu ndo xaa súvi ndo xiꞌin taꞌan ndo.

Los Hechos 20:28

Ta ndóꞌo̱ ku ndo ndi̱kaxin Tachi I̱í Ndioxi ya kundiso chiñu ndo xiꞌin na veꞌe ñuꞌu. Tá íkan nda ndáa levo sana nda, saa ikan ndo. Xaa kuenta ni ndo xiꞌin mií ndo tin xaa kuenta ni ndo xiꞌin na kuaꞌan ichí Jesús. Chi na ikán ku na sa̱ta ra xiꞌin ni̱í mií ra nduta ndi̱xita nuu cruzin.

1 Corintios 11:11

Sundi nuu yoo kándixa Tata yo Jesucristo, ta xíniñuꞌu taꞌan uvi saa yo chi küvi koo nda taa tá tu köo ná síꞌi, ni ná síꞌi ta küvi koo ná tá tu köo nda taa.

1 Corintios 3:5

Ndikani vaꞌa ini ndo, ¿án chee ni yeꞌe, Pablo, túvi ndo? ¿Án ra Apolos ku ra chee ni túvi ndo? Süvi saa íyo ya. Moso va ku nde xáa chiñu nde nuu Ndioxi, ta chíndee nde ndóꞌo̱ ya ná kandixa ni ndo Ndioxi va. Íkan iin iin nde chiñu ya ta̱xi Ndioxi ndaꞌa va nde.

1 Corintios 3:9

Chi ndeꞌe, ta iin káchi ítaꞌan nde xáa chiñu nde xiꞌin taꞌan nde nuu Ndioxi. Ta ndóꞌo̱ ku ndo íin tá íin ñuꞌú ya xáa chiñu Ndioxi xiꞌin, án tá íin veꞌe ya síkuaꞌa Ndioxi, saa íin ndo nuu ra.

2 Corintios 1:24

Ta ya ñaa ta köo kúni kachi ya, xáꞌnda ni nde nuu ndo xaꞌa kuꞌva ya ndáa ini ndo xíni ndo Ndioxi, chi ndóꞌo̱ ta xa ndee ni va ndáa ini ndo xíni ndo ra, ta ndisaa ya kúni ndeꞌe kua, iin káchi xaa chiñu nde xiꞌin ndo nuu chindee taꞌan nde xiꞌin va ndo ya ná kusini ni ndo.

2 Corintios 4:5

Tá káꞌan ndoso nde tuꞌun vaꞌa xaꞌa Jesucristo xiꞌin naꞌa, ta süvi xaꞌa mií nde kua káꞌan nde xiꞌin na, chi xaꞌa mií Jesucristo kua káꞌan nde xiꞌin na, ya kúu ra Tata yo. Ta ndeꞌe, tá íin moso ndo, na xáa chiñu nuu ndo, saa íin nde. Ta xaꞌa Tata yo Jesucristo kua íkan nde saa.

Filipenses 3:17

Ñani yo xiꞌin kuꞌva yo, ikan ndo tá kuꞌva íkan yeꞌe án tá kuꞌva íkan na taꞌan yo na xáa súvi ya xa si̱naꞌa nde na.

Filipenses 4:9

Xaa súvi ndo ya xa si̱naꞌa i ndóꞌo̱, ya xa ta̱xi i ichí ndaꞌa ndo xaꞌa, ya xi̱ni soꞌo ndo ndi̱kaꞌan i xiꞌin ndo xiꞌin ya xi̱ni ndo i̱kan i. Ikan ndo ya yóꞌó ta koo Ndioxi xiꞌin ndo chi mií ra ku ra táxi ya koo vaꞌa ini ndo.

1 Tesalonicenses 1:7

Xaꞌa ya íkan ndo saa ta ndíkunuu vaꞌa ni tuꞌun ndo, nuu na ñani yo xiꞌin kuꞌva yo, na ndóo estado Macedonia xiꞌin na ndóo estado Acaya.

2 Tesalonicenses 3:9

Vani kúu mií nde ichí kaꞌan nde xiꞌin ndo ya chindee ndo ndeꞌe, sundi köo ndi̱xiin nde ikan nde saa xiꞌin ndo, chi ku̱ni nde sinaꞌa nde ndóꞌo̱ ya ikan ndo tá kuꞌva íkan nde.

1 Timoteo 4:12

Täxi un xaa ni̱nu̱ na yóꞌo̱, xaꞌa ya loꞌo un, kuâán un. Vivií koo un nuu na ya ná kuni na ikan na taꞌan ya vaꞌa íkan un, xaꞌa kuꞌva ndituꞌun un xiꞌin na, xiꞌin kuꞌva xíka un nuu na, xiꞌin kuꞌva kúꞌvi ini un xíni un na, saa kundaa ni ini un kuni un Tata yo Jesucristo, kundaa ni un mií un, xäa yakua xiꞌin mií un.

Tito 2:7

Tá kuꞌva kúni un ikan nda ñani yo, kuꞌva saa xíniñuꞌu un vívií koo un nuu na ya ná kuni na ikán na tá íkan un. Tá sínaꞌa un na ñani yo ta ndinuꞌu ni ini un sinaꞌa un na, toꞌo ndituꞌun un tuꞌun ya ndaa xiꞌin na.

1 Pedro 2:9

Sundi ndóꞌo̱, ta mií Iva yo Ndioxi ku ra ndi̱kaxin ndóꞌo̱ ndu̱u ndo seꞌe mií ra, saa nda̱sa ra ndóꞌo̱ sutu na xáa chiñu nuu rey, ra kúu Tata yo Jesucristo, ta ndu̱u ndo iin ñuu na i̱í ni, na kúu kuenta mií Ndioxi. Ta mií Iva yo Ndioxi ku ra ndi̱kaxin ndóꞌo̱, ta̱va ra ndóꞌo̱ ichí nuu naá nuu xi̱ndoꞌni ndo, saa chi̱ndoo ra ndóꞌo̱ nuu luvi ni káa nuu íyo ñu̱ꞌu̱ yéꞌe̱ ya kúu mií ra. Ta ndi̱kaxin ra ndóꞌo̱ ya kaꞌan ndoso ndo tuꞌun ra ya ndee ni ndee kúu mií, ya kaꞌan ndo ya xiꞌin naꞌa ya kundaa ini na xaꞌa ya vaꞌa ni íkan Ndioxi.