1 Pedro 5:2 - Xochapa Mixteco

² Ta yeꞌe xíkan ni i ya mani nuu ndo, kundaa ni ndo na ñani yo, na si̱kuiso chiñu Tata yo ndóꞌo̱. Tá kuꞌva ndáa iin taa levo sana ra, kuꞌva saa vívií kundaa ndo na, ta ïkan ndo ya xaꞌa ya nduxa án xaꞌa xuꞌun. Vaꞌa ikan ndo tá kuꞌva kúni mií Ndioxi, kusini ni ndo ya íkan ndo saa.

1 Pedro 5:2 Mawu Ofanana

San Lucas 12:32

Saa ndi̱kaꞌan ka Jesús, káchi ra saa: ―Ndóꞌo̱ ndíkun sata i ta ku ïꞌvi ndo chi tá íyo iin tiꞌvi levo vali sana i saa íin ndo. Ta kúsini ni va Ndioxi taxi ra koo ndo xiꞌin ra nuu xáꞌnda chiñu ra.

Los Hechos 20:29

Chi xíni i, tá köo ka i íyo xiꞌin ndo ta kixi naꞌa sindaꞌvi na ndóꞌo̱. Tá íkan kiti ndivaꞌi xáa nduvaꞌa ni ri xiꞌin levo saa ikan na xiꞌin ndo, xaa nduvaꞌa ni na xiꞌin ndo.

Los Hechos 21:13

Ta ndi̱kuiin ra, káchi ra saa: ―Küaku ndo chi nda yeꞌe kúchiꞌña ini íkan ndo. Tá ti̱in na yeꞌe ka̱tun na, ta vaꞌa ná tiin va na yeꞌe, chi yeꞌe ta xa íyo tuꞌva i kundoꞌo i xaꞌa Tata yo Jesús, vani kaꞌni na yeꞌe xaꞌa va ra ―káchi ra xiꞌin na.

ROMANOS 1:15

Xaꞌa ya ikán kua kúni ni i xaa i ndikani i tuꞌun vaꞌa xaꞌa Jesucristo nuu ndóꞌo̱ ndóo ñuu Roma.

1 Corintios 9:7

Xa xíni mií va ndo, nda iin nda lapa xáa chiñu nuu na chiñu, ta köo cháꞌvi nda mií nda. Ni na chíꞌi kiti uva ta kúu mií na ichí yáxi na ri. Saa tu na ndáa tixuꞌu va, kúu mií na ichí kóꞌni na leche ri xíꞌi na.

1 Timoteo 3:3

Ta ná kuu nda taa, nda köo kútoo kaka koꞌo ndixi, ni küvi sa̱á kama ni nda án kanitaꞌan nda xiꞌin naꞌa, xíniñuꞌu nda kaꞌnu ni koo ini nda, ná sïkuaꞌa nda kuachi xiꞌin naꞌa, saa ná kütoo ni nda xuꞌun.

1 Timoteo 3:8

Ta saa tu nda chíndee taꞌan xiꞌin na ínuu nuu na veꞌe ñuꞌu, xíniñuꞌu nda koo nda taa nda ínuu vaꞌa tuꞌun xaꞌa, ta ná sixinu nda tuꞌun ya káꞌan nda, saa ná kuu nda taa nda köo kútoo kaka koꞌo ndixi, ta ná sïndaꞌvi nda naꞌa xiꞌin ya vata, tava nda xuꞌun ndaꞌa na.

Tito 1:11

Ta nda íkan saa ta síndiꞌi xaꞌa nda naꞌa, ínii veꞌe síndiꞌi xaꞌa nda xiꞌin tuꞌun ya sínaꞌa nda na, ta saa ndátun nda chaꞌvi naꞌa nda xaꞌa ya väꞌa sínaꞌa nda na. Ta ndiꞌi nda íkan saa, ta vaꞌa ndikasi un yuꞌu nda, täxi un sinaꞌa ka nda naꞌa xaꞌa ya íkan nda saa.

Tito 1:7

Saa chi nda kúu xi̱ní xiꞌin na veꞌe ñuꞌu, ta xíniñuꞌu nda ndǎku ni koo ini nda xaꞌa ya ndíso chiñu nda xiꞌin chiñu Ndioxi. Ná chïnuu vaꞌa ni nda tuꞌun nda, ná säa kama ni nda, ná käka nda koꞌo nda, saa ná täva nda kuachi xiꞌin naꞌa, ta ná ïkan nda ndá ka ñaꞌa väꞌa ya kuu mií nda xuꞌun.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.

Tito 3:1

Ta sinaꞌa un nda ñani yo, xiꞌin ná kuꞌva yo na veꞌe ñuꞌu, ya ná xaa toꞌo ni na ndiꞌi na chiñu, na xáꞌnda chiñu nuu yo, án na chiñu naꞌnu ku na, án na chiñu vali ku na, ta ná xaa toꞌo ni ñaꞌa na. Ndiꞌi saa ichí ná koo ndúvi na ya ikan na ya vaꞌa.

FILEMÓN 1:14

sundi nda iin ñaꞌa köo kúni i ikan mií i, chi täꞌan ndituꞌun taꞌan yo xaꞌa ya mani ndúku i nuu un, ya kundaa ini un án vaꞌa túvi un, chi köo kúni i xaa ndúxa i xiꞌin un ikan un ya káꞌan i xiꞌin un, nima mií un ná kana ya ikan un xiꞌin i.

HEBREOS 12:15

Kuenta ni koo ndo xiꞌin taꞌan ndo, kïꞌvi ndo kuachi ya táxi kuxika naꞌa nuu ya kúꞌvi ni ini Ndioxi xíni ra na. Täxi ndo kaku ya väꞌa nima ndo saa nduu ndo tá íyo iku uva, ya xatu ni síkuaꞌa kueꞌe xiꞌin naꞌa. Ta ìyo ni sindiꞌi xaꞌa ndo ya vaꞌa kuaꞌa ni naꞌa.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.