1 Pedro 4:9 - Xochapa Mixteco

⁹ Ta kusini ni ndo ndikuiso vií ndo na ñani yo na xáa uvi ndaa kivi veꞌe ndo, ta käꞌan kuachi ndo xaꞌa ya íkan ndo saa xiꞌin na.

1 Pedro 4:9 Mawu Ofanana

ROMANOS 12:13

Saa koo ndúvi ndo ya chindee ndo na ndaꞌvi veꞌe ñuꞌu, na ñuu Ndioxi. Ta ndikuiso vaꞌa ndo naꞌa, na xáa veꞌe ndo, án ñuu yati vaxi na, án ñuu xika vaxi na, ta ndikuiso ndo na. Saa taxi ndo kuxi na, ta taxi ndo nuu kusun na.

ROMANOS 16:23

Saa tíꞌvi tu ra ñani yo, ra Gayo, tuꞌun mani xaa nuu ndo. Veꞌe ra Gayo yóꞌó ku nuu íyo yeꞌe Pablo vitin. Ta táxi ra veꞌe ra nuu ndíkitaꞌan ndiꞌi nde veꞌe ñuꞌu. Saa tíꞌvi tu ra Erasto, ñani yo, tuꞌun mani xaa nuu ndo. Ra ikán ku tesorero, ra ndíso chiñu xiꞌin xuꞌun ñuu. Ta tíꞌvi tu ra ñani yo ra Cuarto va, tuꞌun mani xaa nuu ndo, ya káꞌan ndioxi ra xiꞌin ndo.

2 Corintios 9:7

Xaꞌa ya ñaa kua vaꞌa taxi ndo xuꞌun ya chindee ndo naꞌa, tá kuꞌva chi̱kaa ini mií ndo taxi ndo ndaꞌa na, ta saa koo ya taxi ndo. Ta küsuchi ini ndo tá táxi ndo ya ndaꞌa na, ta ni chïndee ndo na xiꞌin ya nduxa. Chi Ndioxi, ta kúꞌvi ni ini ra xíni ra naꞌa, na táxi ya xiꞌin ndinuꞌu nima na.

Filipenses 2:14

Ndá ka mií chiñu íkan ndo ta vívií ikan ndo ya, käꞌan kuachi ndo, ta ni käni taꞌan ndo xiꞌin taꞌan ndo xaꞌa ya íkan ndo.

1 Timoteo 3:2

Chi ndiꞌi ñani yo, nda kúni ikán taꞌan chiñu yóꞌó ta xíniñuꞌu ndâku ni ná koo ini nda, ya ná köo naꞌa kaꞌan xaꞌa nda, ta iindaa ná koo yá síꞌi nda, ta ná kuñuꞌu káxin teꞌe ini nda, ndíchi ná koo xi̱ní nda, ta i̱í ná koo ini nda, ta ná koo ndúvi nda ndikuiso nda naꞌa, na xáa veꞌe nda, saa ná koo ndúvi nda ya vaꞌa ni sinaꞌa nda tuꞌun Ndioxi.

Tito 1:8

Ya ndee ni xíniñuꞌu nda ikan nda kua yóꞌó, ná koo ndúvi nda ndikuiso vií nda naꞌa veꞌe nda, na xíniñuꞌu chindee taꞌan nda xiꞌin, saa ná kutoo nda ikan nda ya vaꞌa, káxin ni ná koo ini nda, vaꞌa ná koo ini nda, i̱í ná koo nda, ná ndixita nda mií nda nuu ya väꞌa.

FILEMÓN 1:14

sundi nda iin ñaꞌa köo kúni i ikan mií i, chi täꞌan ndituꞌun taꞌan yo xaꞌa ya mani ndúku i nuu un, ya kundaa ini un án vaꞌa túvi un, chi köo kúni i xaa ndúxa i xiꞌin un ikan un ya káꞌan i xiꞌin un, nima mií un ná kana ya ikan un xiꞌin i.

HEBREOS 13:16

Ta ndïndoso ini ndo ya ikan ndo ya vaꞌa xiꞌin taꞌan ndo. Saa chindee ndo na taꞌan ndo xiꞌin ya kúu mií ndo, saa chi tá íkan ndo saa ta tá íin ya sóko ndo nuu Ndioxi saa íin ya íkan ndo, ta kúvaꞌa ni ini Ndioxi xiꞌin ya íkan ndo.

HEBREOS 13:2

Ta ndïndoso ini ndo ya ndikuiso vií ndo naꞌa, na xáa veꞌe ndo. Chi saa ndo̱ꞌo sava naꞌa xinaꞌa xiꞌin naꞌa, na ndi̱xaa veꞌe na, ta köo ndi̱kundaa ini na ya ndi̱kuiso na tatun Ndioxi veꞌe na.

Santiago 5:9

Ñani yo xiꞌin kuꞌva yo, käꞌan kuachi ni ndo xaꞌa taꞌan ndo, chi ìyo ni taxi Ndioxi tindoꞌo kixi ya nuu ndo. Koto ndo chi mií Tata yo Jesucristo kúu juez, ta xa íyo tuꞌva ra ndíchi ra yéꞌe ya ndiko koo ra kixi ra.