1 Pedro 4:6 - Xochapa Mixteco

⁶ Xaꞌa ya ñaa kua xa ndi̱kaꞌan ndoso naꞌa tuꞌun vaꞌa xaꞌa Tata yo Jesucristo xiꞌin naꞌa, na xa ndi̱xiꞌi, ya kuchiñu kutaku ya vaꞌa na nuu Ndioxi, vani xa̱a nani na ñuu ivi yóꞌó kuachi xiꞌin na tá kivi xi̱taku na.

1 Pedro 4:6 Mawu Ofanana

San Mateo 24:9

’Ta kivi ikán tiin na ndóꞌo̱ kuꞌun ndo xiꞌin na, ta nditaxi na ndóꞌo̱ ndaꞌa na chiñu ya xaa nduvaꞌa ni na xiꞌin ndo, ta kaꞌni na sava ndo. Ta ndiꞌi naꞌa kundasi nuu na kuni na ndóꞌo̱ xaꞌa ya ndíkun ndo yeꞌe.

ROMANOS 8:2

Chi xaꞌa ya xa ndu̱u yo iin xiꞌin Cristo Jesús, yakan kúu mií yo ndee Tachi I̱í Ndioxi, ya táxi kutaku yo xiꞌin ra, saa sa̱ña ra yoo ndaꞌa ley ya síndikaꞌan ni ini yo kiꞌvi yo kuachi nuu Ndioxi ta kuvi yo.

Gálatas 2:19

Saa chi yeꞌe, ta tá káa ra xa ndi̱xiꞌi va saa káa i nuu ley ya ta̱a ra Moisés. Suvi mií ley ikán kua xa̱ꞌni yeꞌe tá kivi ndi̱xiꞌi i nuu ya, ta saa kua ndi̱taku i ya xaa súvi i ya kúni mií Ndioxi.

Gálatas 5:25

Tá tu íyo Tachi I̱í Ndioxi xiꞌin yo, ta saa ná taxi yo kaꞌnda chiñu Tachi I̱í ra nuu yo.

1 Pedro 1:12

Ta ya ta̱xi Ndioxi ku̱ndaa ini nda ndi̱kaꞌan tuꞌun yuꞌu ra xaꞌa, ta süvi xaꞌa mií nda kua ndi̱kaꞌan ya, xaꞌa yoo kua ndi̱kaꞌan ya. Ta taꞌan ya ikán ku tuꞌun vaꞌa xaꞌa Tata yo Jesucristo ya ndi̱kaꞌan ndoso inka nda xiꞌin ndo tixin Tachi I̱í Ndioxi ya ke̱e nuu ndivi. Ta nda mií na tatun Ndioxi ta kútoo ni na kuni na ya vaꞌa ikan Ndioxi xiꞌin yo.

1 Pedro 3:18

Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.

1 Pedro 3:19

Ta xiꞌin ikin kuñu ra ya xa̱á, küvi kuni yo kua ndi̱xaꞌan ra ndi̱kaꞌan ndoso ra xiꞌin tachi na ndíi ñúꞌu veꞌe kàà.

El Apocalipsis 14:18

Saa ke̱ta inka tatun Ndioxi nuu íyo nama i̱í ya ndíchi nuu Ndioxi nuu ndivi. Ta tatun ikán kua kúu mií ichí ya kaꞌnda chiñu ya nuu ñu̱ꞌu̱ xíxi. Saa ndee ka vi ndi̱kaꞌan ya xiꞌin tatun ya níꞌi i̱chi xiín ni ikán, káchi ya saa: ―Xiꞌin i̱chi xiín ni níꞌi un ñaa xáa un kaꞌnda ndiꞌi un kiti uva, chi xa ndi̱xinu ni ri ―káchi ya.