1 Pedro 4:2 - Xochapa Mixteco

² xaꞌa ya íyo ndúvi na ya xaa súvi na ya kúni mií Ndioxi tiempo ya táxi ra táku ka na ñuu ivi yóꞌó, ta köo íyo ka na tá kuꞌva kúni mií ikin kuñu na.

1 Pedro 4:2 Mawu Ofanana

San Mateo 12:50

Saa chi ndiꞌi na íkan ya kúni Iva i Ndioxi, ra íyo nuu ndivi, ta na ikán ku ñani i xiꞌin kuꞌva i tin siꞌí i ―káchi Jesús.

San Mateo 20:4

Saa ndi̱kaꞌan ra xiꞌin na, káchi ra saa: “Kuáꞌan ndo xaa chiñu ndo nuu íyo yoꞌó kiti uva i, ta chaꞌvi i ndóꞌo̱ tá yaꞌvi ndo”, káchi ra xiꞌin na. Saa ke̱e na kuaꞌan na.

San Mateo 21:31

Ta vitin, ¿unkua túvi ndóꞌo̱? ¿Unku seꞌe ra yóꞌó xa̱a súvi ya ndi̱kaꞌan ra? ―káchi Jesús. Saa ndi̱kuiin na káꞌan na: ―Ra núnu̱ú ku ra xa̱a súvi chiñu ya kúni iva ra ―káchi na. Saa ndi̱kaꞌan Jesús xiꞌin na, káchi ra: ―Ya ndaa káꞌan i xiꞌin ndo, naꞌa na ndíkaya xuꞌun nuu gobierno ñuu Roma xiꞌin ná ñaꞌa ná xíko mií, na yóꞌó ku na xiꞌna kuakiꞌvi ichí nuu xáꞌnda chiñu Ndioxi, nuu ndóꞌo̱.

San Mateo 7:21

Saa káꞌan tuku Jesús, káchi ra saa: ―Íyo naꞌa káꞌan xiꞌin i: “Yóꞌo̱ ku ra chee, ra xáꞌnda chiñu nuu nde”, káchi na xiꞌin i. Sundi süvi ndiꞌi na ikán ku na kiꞌvi koo nuu xáꞌnda chiñu Ndioxi. Ndisaa na xáa súvi ya káꞌan Iva i Ndioxi ra íyo nuu ndivi ku na kiꞌvi koo xiꞌin ra.

San Marcos 3:35

Saa chi ndiꞌi na íkan ya kúni Iva i Ndioxi, ta na yóꞌó ku siꞌí i xiꞌin ñani i ―káchi Jesús.

San Marcos 7:21

Saa chi chí nima na kána koo ya väꞌa ndíkani ini na, tá kúu ya ndíkani kiꞌvi ini na, ta saa tá kúu iin ra kuakiꞌvi xiꞌin ñaꞌá ta süvi yá síꞌi ra ku yá, án ñaꞌá kuakiꞌvi yá xiꞌin taa ta süvi i̱í yá ku ra, xiꞌin ya xáꞌni na ndìì.

San Juan 1:13

Ta mií ya ndaa seꞌe Ndioxi ndúu na, chi köo ndi̱kaku na tá kuꞌva káku seꞌe iin taa xiꞌin iin ñaꞌa. Sundi ka̱ku na tá kuꞌva kúni mií Ndioxi.

San Juan 7:17

Tá ndá ndo chíkaa ini xaa súvi ya kúni Ndioxi, ta vaꞌa kundaa ini ndo xaꞌa ya sínaꞌa i, án ya vaxi nuu Ndioxi kua án ya xáa xiní mií i kua káꞌan i xiꞌin ndo.

ROMANOS 12:2

Ta köo ndo tá kuꞌva íyo na ñuu ivi yóꞌó, vaꞌa ka nditaxi ndiꞌi ndo mií ndo ndaꞌa ra ná ndinama ra ya xínituni ndo. Ná nduxaa kuꞌva ndíkani ini ndo. Saa kuchiñu ndo kundaa ini ndo, ta xaa súvi ndo ya kúni mií ra, ta saa kua ikan ndo ya vaꞌa, ya ndaa, ya xáa sini ndo ini ra.

ROMANOS 14:7

Tá táku yo ta süvi ka ya ikan yo ya kúni mií yo kua táku yo, saa tu tá ná kuvi va yo.

ROMANOS 6:11

Saa tu ndóꞌo̱ va, xaꞌa ya iin ndu̱u ndo xiꞌin Jesucristo, ta ndïndoso ini ndo ya kúu ndo naꞌa, na xa ndi̱xiꞌi nuu ndee kuachi ndo. Ta iin káchi tá kuꞌva táku Jesucristo, saa táku ndo xiꞌin ra ya ikan ndo ya vaꞌa chinuu vaꞌa ndo ya toꞌo Ndioxi.

ROMANOS 6:2

¡Ni küvi ka ikan yo saa! Chi yo kándixa Jesucristo ku yo, tá íin yo xa ndi̱xiꞌi saa íin yo nuu kuachi ya xa̱ꞌnda chiñu nuu yo yachi, yakan ni chïkaa soꞌo ka yo ya väꞌa.

ROMANOS 7:4

Ta ná kundaa ini yo xaꞌa ya yóꞌó unkua kúni kachi ya ñani yo: Vitin ki̱ndoo ndika ndo nuu ley ya si̱naꞌa ra Moisés xinaꞌa. Xaꞌa ya iin ndu̱u ikin kuñu ndo xiꞌin ikin kuñu Jesucristo, ta iin káchi ndi̱xiꞌi ndo xiꞌin ra. Ta vitin tá íin ndo ndi̱xiꞌi saa ndu̱u ndo nuu ley ikán. Xaꞌa ya ikán kua ki̱ndoo ndíka ndo ya kuchiñu taxi ndo mií ndo ndaꞌa Jesucristo, ra ndi̱xiꞌi ta ndi̱taku ra. Yakan vaꞌa ikan ndo kuaꞌa ni ya vaꞌa nuu Ndioxi.

2 Corintios 5:15

Sundi mií Jesucristo ku ra ndi̱xiꞌi xaꞌa ndiꞌi yo ya ná kuchiñu yo ikan yo tá kuꞌva kúni mií ra, ta ná ïkan yo tá kuꞌva kúni mií yo, saa chi mií ra ku ra ndi̱xiꞌi xaꞌa yo, ta ndi̱taku ra.

Efesios 2:3

Saa ndi̱xiyo ndiꞌi va yo yachi: I̱kan ni yo ndiꞌi nuu ñaꞌa ya väꞌa, ya ku̱too ni mií ikin kuñu yo ikan ya. I̱kan yo tá kuꞌva íkan ndiꞌi naꞌa, xa̱a súvi ni yo ndiꞌi ñaꞌa ya ndi̱kani ini yo vaꞌa ni nuu yo, túvi yo. Ta xaꞌa ya ikán kua xíniñuꞌu yo sitixuꞌvi ni Ndioxi yoo, chi sáa ni ini ra xíni ra ya väꞌa íkan yo.

Efesios 4:17

Ta ya yóꞌó kua káꞌan i xiꞌin ndo vitin xaꞌa ichí ya ta̱xi Cristo ndaꞌa i kua xáꞌnda chiñu i nuu ndo, káꞌan i xiꞌin ndo: ïkan ka ndo tá kuꞌva íyo naꞌa, na köo xíni Ndioxi. Saa chi na ikán ta íkan na ya väꞌa tá kuꞌva ndíkani ini mií na.

Efesios 5:17

Ta köo ndo naꞌa, na kíꞌvi, vaꞌa ka ndikani vaꞌa ini ndo ndá ñaꞌa kua kúni Ndioxi xaa súvi ndo nuu ra, ta saa kuchiñu ndo xaa súvi ndo ya kúni mií Tata yo Jesucristo.

Efesios 6:6

Tá xáa súvi ndo chiñu nuu na, ta vaꞌa ikan ndo ya xiꞌin ndinuꞌu nima ndo, ta ïkan ndo ya ndisaa tá xíto na nuu ndo xáa chiñu ndo. Chi ndóꞌo̱ ta tá íyo ndo xáa chiñu xiꞌin ya nduxa nuu Cristo, saa íin ndo. Tá xáa súvi ndo chiñu nuu na xiꞌin ndinuꞌu nima ndo, ta saa kua xáa súvi ndo ya kúni mií Ndioxi.

Colosenses 1:9

Nda tá ku̱ndaa ini nde xaꞌa ndo, ta nda saa kua xa̱á nde káꞌan ni nde xaꞌa ndo xiꞌin Ndioxi. Ndúku nde ya mani nuu ra ya ná taxi ra kundaa vaꞌa ini ndo xaꞌa ya xa chi̱tuni mií ra, ya ná taxi ra ya ndíchi ni ndaꞌa ndo kundaa ini ndo xiꞌin ya xínituni vaxi nuu mií ra.

Colosenses 3:3

Chi ndóꞌo̱, ta xa ndi̱xiꞌi va ndo xaꞌa kuꞌva yata ya ndi̱xiyo ndo yachi, ta vitin chi̱vaꞌa Jesucristo ndóꞌo̱ íyo ndo ndaꞌa Iva yo Ndioxi ra ndáa ni ndóꞌo̱.

Colosenses 4:12

Saa tu ra Epafras, ra ñuu mií ndo, tíꞌvi ni ra tuꞌun mani xaa nuu ndo. Ta ndiꞌi saa ichí ndee ni káꞌan ra xaꞌa ndo xiꞌin Ndioxi ya ndee ni ná koo vaꞌa ndo, ta ná kuaꞌnu ni ka ndo xiꞌin tuꞌun Ndioxi ya kundaa vaꞌa ini ndo xiꞌin ya, saa xaa súvi ndo ya kúni mií Ndioxi.

1 Tesalonicenses 5:18

Ndiꞌi saa ichí taxi ndo tixaꞌvi ndaꞌa ra xaꞌa ndiꞌi ñaꞌa, saa chi saa kúni Ndioxi ikan ndo xaꞌa ya ndíkun ndo Jesucristo.

HEBREOS 13:21

Xaꞌa ya ikán kua káꞌan ni i xiꞌin ra ya ná chindee taꞌan ni ra xiꞌin ndo ya kuchiñu ndo xaa súvi ndo ndiꞌi ya vaꞌa kúni mií ra. Ta saa xáku ndaꞌvi ni i nuu ra ya ná chindee ra ndeꞌe ikan nde ndisaa ya kúni mií ra tixin Tata yo Jesucristo. Saa ná kunuu sukun ni ya toꞌo Tata yo Jesucristo ndiꞌi saa ichí, ndiꞌi saa kivi. Saa ná koo ya.

Santiago 1:18

Ta saa chi̱tuni ra nda̱sa xa̱á ra nima yo xiꞌin tuꞌun ra ya ndaa, ya ná kuchiñu yo nduu yo naꞌa, na vaꞌa, ta xiꞌna ka yoo ku yo núnu̱ú nda̱sa xa̱á ra nuu tá kúu ndiꞌi ñaꞌa ya si̱kuaꞌa ra íyo ñuu ivi yóꞌó.

1 Pedro 1:14

Yachi ta köo ndi̱kundaa ini ndo xaꞌa tuꞌun ra, yakan ke̱ꞌe ndo ya väꞌa nuu ra, sundi vitin ta ndu̱u ndo seꞌe ra, na xáa súvi ni ya kúni ra, yakan köo xíniñuꞌu ka ndo koo ndo tá kuꞌva ndi̱xiyo ndo yachi.

1 Pedro 2:1

Xaꞌa ya ñaa kua sindikoo ndo ya väꞌa íkan ndo, sïndaꞌvi taꞌan ka ndo, köo ka ndo na uvi ini, ta ni kûni ini ndo kuni taꞌan ndo, ni käꞌan vata ka ndo xaꞌa taꞌan ndo.

1 Juan 2:17

Ta ñuu ivi yóꞌó xiꞌin ndiꞌi ñaꞌa kúu mií ya síkutoo ya yoo, vaxi kivi ta ndiꞌi xaꞌa ndiꞌi ya. Sundi na xáa súvi ya kúni Ndioxi ta nda iin kivi ndïꞌi xaꞌa na, kutaku na xiꞌin ra ndiꞌi saa tiempo.