1 Pedro 4:12 - Xochapa Mixteco

¹² Ñani yo, ndïkanda ni ini ndo tá ndee ni vaxi tindoꞌo xíto ndoso ya ndóꞌo̱ xaꞌa ya ndíkun ndo Tata yo Jesucristo, ta ndïkani tu ini ndo ndisaa ndóꞌo̱ ku ndo ndee ni ndóꞌo, túvi ndo.

1 Pedro 4:12 Mawu Ofanana

1 Corintios 10:13

Chi taꞌan tindoꞌo̱ ya ndóꞌo ndóꞌo̱ ku ya ndóꞌo ndiꞌi ni kúu va naꞌa. Sundi Ndioxi ta vaꞌa ni va ra chi síxinu ndiꞌi ra ya káꞌan ra, ta saa ikan ra xiꞌin ndo chindee ra ndóꞌo̱ yaꞌa ndo nuu ndiꞌi tindoꞌo ya ndee ni vaxi nuu ndo, ta täxi ra kixi tindoꞌo ndee ni nuu ndo ya küchiñu ndo xiꞌin, sinaꞌa ra ndóꞌo̱ ndá kuꞌva yaꞌa ndo nuu ndiꞌi ya.

1 Corintios 3:13

Sundi tá ná tindaa kivi ya ndiꞌi xaꞌa ñuu ivi yóꞌó, ta saa kua ndituvi teꞌe ndiꞌi ya xaꞌa chiñu ya i̱kan iin iin naꞌa. Ta ndee ni koko ñu̱ꞌu̱, ta xiꞌin ya ikán kua kuchiñu koto ndoso Ndioxi chiñu iin iin na ndá kuꞌva vaꞌa xa̱a chiñu na.

2 Timoteo 3:12

Ta xa xíni yo, na kúni kundikun ichí Tata yo Jesucristo, ta ndee ni va kundoꞌo na ikan naꞌa, na köo xíni tuꞌun ra.

1 Pedro 2:11

Ñani yo tin kuꞌva yo, ndóꞌo̱ ta tá íin naꞌa, na ndóo tóo xiꞌin na xíka tóo ñuu ivi yóꞌó saa íin ndo, yakan xíkan ni i ya mani nuu ndo, ndee koo ini ndo ta täxi ka ndo kaꞌnda chiñu ya väꞌa kúni kaꞌnda chiñu nuu ikin kuñu ndo, chi ndiꞌi ya väꞌa ñaa ta kánitaꞌan ya xiꞌin ya vaꞌa ndo.

1 Pedro 4:4

Xaꞌa ya ñaa kua káꞌan väꞌa naꞌa xaꞌa ndo, chi köo ítaꞌan ka ndo xiꞌin na, köo íkan ka ndo taꞌan ñaꞌa ya kini ni i̱kan ndo xiꞌin na yachi, ya síndiꞌi xaꞌa ndóꞌo̱ nuu Ndioxi.

1 Pedro 5:9

Ndaku ni koo ini ndo, tuun ni kundaa ini ndo Tata yo Jesucristo, täxi ndo keꞌe ri nǎꞌa ndóꞌo̱. Chi tá kuꞌva ndóꞌo ndóꞌo̱, saa ndóꞌo ndiꞌi ni kúu na taꞌan yo, na kándixa Tata yo Jesucristo na ndóo ndiꞌi saa kúu xaꞌa ñuu ivi.