1 Pedro 4:1 - Xochapa Mixteco

¹ Ta ndo̱ꞌo ni Cristo xaꞌa yo, ndi̱taxi ra ikin kuñu ra ndi̱xuꞌvi ni ra. Yakan saa xíniñuꞌu ndóꞌo̱ xaꞌa ni ndo ndee ya ndoꞌo ndo tá kuꞌva ndo̱ꞌo mií ra. Chi ndiꞌi naꞌa, na ndee ni tíxuꞌvi, ta na ikán sínaꞌa na mií na ya ndixa kua si̱ndoo ndiꞌi na ichí väꞌa i̱kan na,

1 Pedro 4:1 Mawu Ofanana

San Marcos 3:3

Ñaa ndi̱kaꞌan Jesús xiꞌin ra ndi̱ndichi ndaꞌa ikán, káchi ra saa: Kuándikoo ndikundichi un maꞌñu ñaa ―káchi ra xiꞌin ra.

ROMANOS 6:11

Saa tu ndóꞌo̱ va, xaꞌa ya iin ndu̱u ndo xiꞌin Jesucristo, ta ndïndoso ini ndo ya kúu ndo naꞌa, na xa ndi̱xiꞌi nuu ndee kuachi ndo. Ta iin káchi tá kuꞌva táku Jesucristo, saa táku ndo xiꞌin ra ya ikan ndo ya vaꞌa chinuu vaꞌa ndo ya toꞌo Ndioxi.

ROMANOS 6:2

¡Ni küvi ka ikan yo saa! Chi yo kándixa Jesucristo ku yo, tá íin yo xa ndi̱xiꞌi saa íin yo nuu kuachi ya xa̱ꞌnda chiñu nuu yo yachi, yakan ni chïkaa soꞌo ka yo ya väꞌa.

ROMANOS 6:7

Chi xaꞌa ya ndi̱xiꞌi yo xiꞌin Jesucristo, ta íin yo tá íyo naꞌa, na xa ndi̱xiꞌi xaꞌa ndee ku̱u mií kuachi na. Ta ndee kuachi yo köo ka ichí ya kaꞌnda chiñu ya nuu yo.

Gálatas 2:20

Ta yeꞌe, nda tá káa ra ínuu nuu cruzin xiꞌin Tata yo Jesucristo saa káa i, ta köo táku ka i xaꞌa mií i, chi ndisaa xaꞌa mií ra kua táku i. Kivi táku i ini ikin kuñu i ya kúu mií i, ta ndisaa xaꞌa ya ndáa ni ini i xíni i Tata yo Jesucristo ra kúu Seꞌe Ndioxi kua táku i, chi mií ra ku ra kúꞌvi ni ini xíni yeꞌe, saa ta̱xi ra mií ra ndi̱xiꞌi ra xaꞌa i.

Gálatas 5:24

Ta saa ndiꞌi yo íyo xiꞌin Jesucristo xaꞌa ya ndi̱xiꞌi ra nuu cruzin xaꞌa yo, ta saa iin káchi ndi̱xiꞌi tu ikin kuñu yoo va xiꞌin ndiꞌi ñaꞌa väꞌa ya ndee ni ku̱too ikin kuñu yo xaa súvi ya yachi.

Efesios 6:13

Xaꞌa ya ñaa kua xíniñuꞌu ndo ndikundixi níí ndo xiꞌin ndiꞌi ndee ya táxi Ndioxi ndaꞌa ndo kundixi ndo, tá kuꞌva ndíxi nda lapa nda kánitaꞌan, saa koo ndo. Chi tá íkan ndo saa, tá ti̱ndaa ndá ka tindoꞌo ya kánitaꞌan kiti nǎꞌa xiꞌin ndo, ta kuchiñu ndo xaꞌa ndee ini ndo xiꞌin ya. Chi saa kua kuchiñu ndo kundita tuun ndo tá vaxi kiti nǎꞌa kanitaꞌan ri xiꞌin ndo, ta küchiñu ri sindiꞌi xaꞌa ri ndóꞌo̱.

Filipenses 2:5

Tá kuꞌva ndi̱xiyo ni̱nu̱ ni ini mií Tata yo Jesucristo kivi ki̱xi ra ñuu ivi yóꞌó, kuꞌva saa xíniñuꞌu ndo koo ndo,

HEBREOS 12:3

Ta saa ndóꞌo̱, ndikani vaꞌa ini ndo ndá kuꞌva ndo̱ꞌo Jesús, chi ra ikán ta yáꞌa ni ndee ya ndo̱ꞌo ra i̱kan naꞌa, na ivi kuachi yóꞌó, ta ndi̱xaꞌa ndee ndiꞌi ini ra ndo̱ꞌo ra saa. Xaꞌa ya ñaa kua künaa ndo, ta ni ndïkava ini ndo ya ndíkun ñaꞌa ndo.

HEBREOS 4:10

Saa chi yo kuakiꞌvi ndíkundee xiꞌin Ndioxi, ta ndíkundee yo xiꞌin ra xaꞌa ndiꞌi chiñu ya i̱kan yo, tá kuꞌva ndi̱kundee mií ra tá kivi si̱ndiꞌi ra si̱kuaꞌa ra ndiꞌi ñaꞌa ya íyo ñuu ivi yóꞌó.

1 Pedro 2:21

Xaꞌa ya ñaa kua ka̱na Ndioxi ndóꞌo̱ ya xaꞌa ndee ni ini ndo kundoꞌo ndo tá kuꞌva ndo̱ꞌo mií Cristo xaꞌa ndo, kuꞌva saa xíniñuꞌu ndo ikan ndo, chi saa íyo ya si̱naꞌa ra ndóꞌo̱ ikan ndo.

1 Pedro 3:18

Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.