1 Pedro 3:7 - Xochapa Mixteco

⁷ Ta saa tu ndóꞌo̱ va ñani yo, ndo íyo ná síꞌi, ndíchi ni va ndikani ini ndo ndá kuꞌva xíniñuꞌu koo vií ndo xiꞌin ná síꞌi ndo. Ta xaa toꞌo ndo ná, saa vívií ndikani vaꞌa ini ndo koo ndo xiꞌin ná tá kuꞌva i̱í ni íyo kisi ya ndasun ni, kuꞌva saa xíniñuꞌu ndo ikan ndo xiꞌin ná. Chi iin káchi ndi̱niꞌi taꞌvi tu ná ñaa va xiꞌin ndo ya niꞌi ná ya vaꞌa nuu Ndioxi kutaku ná xiꞌin ra. Tá íkan ndo saa xiꞌin ná síꞌi ndo, ta köo ñaꞌa kasi nuu tuꞌun ya káꞌan ndo xiꞌin Ndioxi, tá káꞌan ndo xiꞌin ra, ta kuni soꞌo ra ya káꞌan ndo.

1 Pedro 3:7 Mawu Ofanana

San Mateo 18:19

’Yakan káꞌan i xiꞌin ndo, tá iin yuꞌu íyo uvi ndo ñuu ivi yóꞌó, ta ndúku ndo ndá ka ñaꞌa nuu Ndioxi, ra íyo nuu ndivi, ta xaa súvi ra ya ndúku ndo nuu ra, taxi ra ya ndaꞌa ndo.

1 Corintios 7:3

Ta ra taa, ra íyo yá síꞌi ta xíniñuꞌu ra taxi ra mií ra ndaꞌa yá síꞌi ra, ta saa tu mií yá síꞌi va ra, xíniñuꞌu yá taxi yá mií yá ndaꞌa ií yá.

Efesios 3:6

Ta ya yóꞌó ku ya chi̱tuni Ndioxi ndi̱xiyo sěꞌe: Iin káchi niꞌi naꞌa, na köo kúu judío xiꞌin na judío. Niꞌi na ñaꞌa ya ki̱ndoo Ndioxi taxi ra ndaꞌa naꞌa, na ndixa kúu seꞌe ra. Nda na köo kúu judío niꞌi ya yóꞌó xaꞌa ya kándixa na Jesucristo ya sikaku ra na.

Efesios 4:30

Ta ïkan ndo ya väꞌa, ya táxi ndo kusuchi ini Tachi I̱í Ndioxi, chi Tachi I̱í ra kua xiꞌna ndi̱niꞌi ndo nuu ra, ya yóꞌó ta tá káa tuni mií ra saa káa ya nuu ki̱ndoo ra xiꞌin ndo ya sikaku ra ndóꞌo̱ kivi vaxi.

Efesios 5:33

Xaꞌa ya ñaa kua ndiꞌi ndóꞌo̱ taa, ta xíniñuꞌu ndo kuꞌvi ni ini ndo kuni ndo yá síꞌi ndo, tá kuꞌva kúꞌvi ini ndo xíni ndo mií ndo, ta saa yá síꞌi ndo, xíniñuꞌu yá xaa toꞌo yá ndóꞌo̱.

Efesios 6:18

Ta xïkuiin ndo, kaꞌan ni ndo xiꞌin Ndioxi ndiꞌi saa ichí ya ná chindee taꞌan Tachi I̱í ra xiꞌin ndo. Koo ndúvi ni ndo, ta ndïkava ini ndo, kaꞌan ni ndo xiꞌin Ndioxi xaꞌa ndiꞌi na ñuu Ndioxi, na i̱í.

Colosenses 3:19

Saa tu ndóꞌo̱ taa, ndo íyo yá síꞌi, kuꞌvi ni ini ndo kuni ndo yá síꞌi ndo, ta xäa nduvaꞌa ndo xiꞌin yá.

1 Tesalonicenses 4:4

Xaꞌa ya ikán kua xíniñuꞌu ndo kundaa ini ndo ndá kuꞌva kundàà vií ndo yá síꞌi ndo xiꞌin ya i̱í nuu xáa kaꞌnu ndo Iva yo Ndioxi.

Tito 3:7

Saa nda̱sa vaꞌa ra yoo, ndu̱u yo tá íin naꞌa, na köo ka kuachi kúu mií nuu ra, xaꞌa ya vaꞌa ni ra xiꞌin yo kua i̱kan ra saa xiꞌin yo. Ta saa kúsini ni yo chi kúndaa teꞌe ini yo ya niꞌi yo nuu taxi Ndioxi ndaꞌa yo koo yo xiꞌin ra ndiꞌi saa kivi ya vaxi.

HEBREOS 1:14

Ta na tatun Ndioxi ta xa síin va ku na, chi na ikán ta tachi va ku na xíka na chiñu nuu ra, tíꞌvi ra na kuaꞌan na chindee na naꞌa, na sikaku ra.

1 Pedro 3:1

Saa ndóꞌo̱ kuꞌva yo, ndóꞌo̱ xa ti̱ndaꞌa, íyo ií, ta xaa toꞌo ndo ií ndo. Chi sava ií ndo ta täꞌan kandixa nda tuꞌun Tata yo, tá ná kuni nda ya vaꞌa ni íkan ndo, ta nda iin tuꞌun köo xíniñuꞌu ndo kaꞌan ndo xiꞌin nda,