1 Pedro 3:16 - Xochapa Mixteco

¹⁶ Tá ndíkuiin ndo yuꞌu na, ta vií ndikuiin ndo yuꞌu na xiꞌin ya toꞌo, ni̱nu̱ koo ini ndo xiꞌin na, ni ya xínituni ndo ta täxi ya kuachi xaꞌa ndo. Tá ndá naꞌa kánaꞌa xaꞌa ndo xaꞌa ya vaꞌa íkan ndo, ya ndíkun ndo Tata yo Jesucristo, ta kukaꞌan nuu mií va na xaꞌa ya íkan na saa xiꞌin ndo.

1 Pedro 3:16 Mawu Ofanana

San Mateo 5:11

’Vaꞌa ni kée ndo, tá íyo naꞌa kánaꞌa xiꞌin ndo, sítixuꞌvi na ndóꞌo̱, ta káꞌan kini na xiꞌin ndo, xaꞌa ya ndíkun ndo yeꞌe.

Los Hechos 24:16

Xaꞌa ya kándixa i ya ñaa yakan kua kíꞌin ni i kuenta xaꞌa ñaꞌa íkan i nuu Ndioxi xiꞌin nuu na ñuu ivi yóꞌó.

Los Hechos 28:22

Ta ndeꞌe kúni nde kundaa ka ini nde ndá kuꞌva íyo ichí ya káꞌan un xaꞌa ñaa. Chi ndiꞌi ni kúu ñaꞌñu xíni soꞌo nde kánaꞌa na xaꞌa ichí ñaa ya kua ichí siki ―káchi nda naꞌnu nuu na judío xiꞌin ra Pablo.

ROMANOS 9:1

Ta vaꞌa ná kundaa ini ndo chi yeꞌe, ta yeꞌe kándixa Jesucristo ku i yakan ndaa ni káꞌan i, mií Tachi I̱í Ndioxi ku ya ndíkuiin xaꞌa i, chíndee ya yeꞌe káꞌan i saa xiꞌin ndo, chi ndinuꞌu ni ini i káꞌan i ya ndaa xiꞌin ndo, káchi i soꞌva:

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

1 Timoteo 1:19

Ta xaꞌa ni un ndee ya kundaa ni ini un kuni un Ndioxi, ya xaa súvi un ya táxi ya xínituni un ndaꞌa un. Saa chi sava na ta köo ndi̱kan na saa, ni xa xíni na unkua vaꞌa, ta köo ndi̱xiin na xaa súvi na ya, yakan kua ndi̱ꞌi xaꞌa na, köo ndáa ka ini na xíni na Tata yo Jesucristo. Tá ndóꞌo itun barco tá ndíꞌi xaꞌa nu ini nduta ñûꞌu, saa ndo̱ꞌo na.

1 Timoteo 1:5

Yakan káꞌan i xiꞌin un ya kaꞌan un xiꞌin na ñani yo ya ná kuꞌvi ni ini na kuni taꞌan na xiꞌin ndinuꞌu nima na, ta ni ya xínituni na ta täxi ya kuachi xaꞌa na nuu ra, chi ndinuꞌu ni ini na ndáa ini na xíni na ra.

2 Timoteo 1:3

Ndiꞌi saa ichí tá káꞌan i xiꞌin Ndioxi ta ndíkaꞌán ni ini i xaꞌa un, saa káꞌan i xaꞌa un xiꞌin ra. Nduvi niuun táxi i ndixaꞌvi ndaꞌa ra xaꞌa un. Saa xáa súvi ni i ya kúni Ndioxi, tá kuꞌva xa̱a súvi ni xii sikua i ñaꞌa nuu ra, saa íkan i ta köo táxi ya xínituni i kuachi xaꞌa i.

Tito 2:8

Vívií kaꞌan un xiꞌin na sinaꞌa un na ya ná nïꞌi na tuꞌun väꞌa taxi na kuachi xaꞌa un. Tá ikan un saa, ta nda naꞌa, na köo xíin kundikun ichí Tata yo Jesucristo, ta kukaꞌan nuu na kuni na yóꞌo̱, nïꞌi na ndá ka ñaꞌa kaꞌan väꞌa na xaꞌa yo.

HEBREOS 13:18

Ta kaꞌan ni ndo xaꞌa ndeꞌe xiꞌin Ndioxi, saa chi xíni nde ya íyo vaꞌa ya xínituni nde nuu ra, ta ndisaa ya vaꞌa kúni nde ikan nde nuu ra.

HEBREOS 9:14

Tá tu ku̱chiñu nií ikán xiꞌin yaá nda̱sa vaꞌa ya sata ikin kuñu na, ta ¡ndisaa ka vi nií Jesucristo, ndee ni ka ndee kúu mií rá ikán chi nda loꞌo kuachi ra köo, yakan vaꞌa ndasa vaꞌa rá yoo xaꞌa Tachi ra ya táku ndiꞌi saa ichí! Saa chi nií mií ra ku rá ndása vaꞌa nima yo, ndúvaꞌa yo nuu kuachi ya xáꞌni yoo, ta saa kua kuchiñu yo xaa chiñu yo nuu Ndioxi, ra táku.

1 Pedro 2:12

Vívií koo ndo tañu naꞌa, na köo xíni Ndioxi, chi án sana kaꞌan na xaꞌa ndo ya köo vaꞌa íkan ndo, kachi na. Ta saa tá ná kuni na ya vaꞌa ní íyo ndo ta saa xaa kaꞌnu na Ndioxi tá kivi ná kixi ra xaa nani ra kuachi xiꞌin na ñuu ivi.

1 Pedro 2:15

Saa chi Ndioxi ta kúni ra ya ná ikan ndo ya vaꞌa, saa kua küchiñu na kíꞌvi, na köo xíin kundaa ini xaꞌa ya ndaa, küchiñu na taxi na kuachi síki xaꞌa ndo.

1 Pedro 2:19

Saa chi naꞌa, na ndee ni ndóꞌo ta niꞌi ni na ya vaꞌa nuu Ndioxi tá ndóꞌo na saa, tá chíkaa naꞌa kuachi síki sata na xaꞌa ya kúni na xaa súvi na ya kúni mií Ndioxi.

1 Pedro 3:21

Taꞌan tikuií ikán ku tikuií rá síkuchi naꞌa ndóꞌo̱ vitin, rá síkaku ndóꞌo̱. Ta tikuií ikán ta köo ndíkata rá ya väꞌa íyo ikin kuñu yo, sundi ndása vaꞌa rá ya xínituni yo, saa síkaku rá yoo xaꞌa ya ndi̱taku Tata yo Jesucristo tañu na ndíi.

1 Pedro 4:4

Xaꞌa ya ñaa kua káꞌan väꞌa naꞌa xaꞌa ndo, chi köo ítaꞌan ka ndo xiꞌin na, köo íkan ka ndo taꞌan ñaꞌa ya kini ni i̱kan ndo xiꞌin na yachi, ya síndiꞌi xaꞌa ndóꞌo̱ nuu Ndioxi.