1 Pedro 3:11 - Xochapa Mixteco

¹¹ Ta vaꞌa ná kuxika na nuu ya väꞌa íkan na, ta saa xáa na ikan na ya vaꞌa. Ná nduku ka na kuꞌva ya koo vaꞌa na xiꞌin taꞌan na, ta ná koo vaꞌa ni ini na.

1 Pedro 3:11 Mawu Ofanana

San Mateo 5:45

Ikan ndo ya vaꞌa xiꞌin na, ta saa kundaa ini naꞌa ya ndixa kúu ndo seꞌe Ndioxi, ra íyo nuu ndivi. Chi saa mií ra íkan ra ya vaꞌa xiꞌin ndiꞌi naꞌa, táxi ra ndíyeꞌe ñu̱ꞌu̱ nuu na väꞌa xiꞌin na vaꞌa, saa ni síkuun ra savi sata na vaꞌa xiꞌin na väꞌa.

San Mateo 5:9

’Vaꞌa ni kée ndo tá tu ndáꞌva ndo kuachi xiꞌin naꞌa, na káni taꞌan, saa chi vaxi kivi ta kunani ndo seꞌe Ndioxi.

San Mateo 6:13

Täxi un ndikava nde ndaꞌa ya väꞌa, chindee un ndeꞌe nuu ya väꞌa. Chi yóꞌo̱ ku ra xáꞌnda chiñu, yóꞌo̱ ku ra kúu mií ndee ta ndiꞌi naꞌa xáa kaꞌnu yóꞌo̱ ndiꞌi saa kivi ya vaxi. Saa ná koo ya”. Soꞌva kachi ndo xiꞌin Ndioxi ―káchi Jesús xiꞌin na.

San Marcos 14:7

Na ndaꞌvi ta ndiꞌi saa kivi koo na xiꞌin ndo, ta kuchiñu ndo chindee ndo na ndá kivi kúni mií ndo, sundi yeꞌe, ta süvi ndiꞌi saa kivi koo i xiꞌin ndo.

San Lucas 1:79

Chi kixi ra sindiyeꞌe ra nuu na ndóo nuu naá, na köo xíni xaꞌa ra, chi na ikán tá íin na xa ndátun kuvi va saa íin na. 2 Saa sinaꞌa ra ichí nuu yo kuꞌun yo nuu luvi ni káa ―káchi ra Zacarías xiꞌin ya lee loꞌo seꞌe ra.

San Lucas 6:35

Kuꞌvi ini ndo kuni ndo na sáa ini xíni ndóꞌo̱, ikan ndo ya vaꞌa xiꞌin na, taxi too ndo ñaꞌa ndo ndaꞌa na, ta kündatun ndo ndikiꞌin ndo ya ndaꞌa na. Ta saa niꞌi ndo ya vaꞌa nuu Ndioxi, chee ni koo ya niꞌi ndo. Saa kunani ndo seꞌe Ndioxi ra chee ni, saa chi Ndioxi ta vaꞌa ni íkan ra xiꞌin na väꞌa tin na xïin ndikuni ya vaꞌa vaxi nuu ra.

San Lucas 6:9

Ñaa ndi̱ndakan tuꞌun Jesús nda maestro ikán xiꞌin nda fariseo, káchi ra saa: ―¿Unkua káꞌan ya ta̱a ra Moisés xaꞌa kivi ndíkundee yo? ¿Án vaꞌa ka ikan yo ya vaꞌa án ya väꞌa? ¿Án vaꞌa ka chindee yo naꞌa, án vaꞌa ka kaꞌni yo na? ―káchi ra xiꞌin nda.

San Juan 17:15

Ta köo xíkan i ya mani nuu un, ya tava un na kee na tañu na ñuu ivi yóꞌó, ya xikan i nuu un kua, kundaa ni un na nuu ya väꞌa.

ROMANOS 12:18

Xaꞌa ni ndo ndee, nduku ndo kuꞌva ya koo vaꞌa ndo xiꞌin ndiꞌi naꞌa.

ROMANOS 14:17

Xíniñuꞌu yo kundaa ini yo chi süvi xaꞌa ya xíxi yo, ta ni süvi xaꞌa nduta xíꞌi yo kua ndáa yaꞌvi ni chindee yoo koo yo nuu xáꞌnda chiñu Ndioxi. Ya ndee ni ndee ku ya ikan yo ya vaꞌa, ya ndaa xiꞌin taꞌan yo, ta vívií ná koo yo xiꞌin taꞌan yo, ná kusini ni yo xaꞌa ya ta̱xi Tachi I̱í Ndioxi ndaꞌa yo ya koo vaꞌa ni ini yo.

ROMANOS 14:19

Xaꞌa ya ñaa kua ná xaꞌa ni yo ndee ya koo vií yo xiꞌin taꞌan yo, na kándixa Jesucristo. Kuꞌva saa ná ikan yo ya chindee taꞌan yo xiꞌin na taꞌan yo ya ná kuaꞌnu ka na xaꞌa ya ndíkun na Jesucristo.

ROMANOS 5:1

Xaꞌa ya kándixa yo Tata yo Jesucristo, ta Ndioxi ndása ra mií yo ndúu yo naꞌa, na vaꞌa, na íin tá íin naꞌa na köo ka kuachi kúu mií nuu ra, chi Tata yo Jesucristo ku ra si̱kitaꞌan mani yoo xiꞌin Ndioxi, ndi̱kundoo vaꞌa yo xiꞌin ra.

ROMANOS 7:19

Ta köo íkan i ya vaꞌa, ya kúni i ikan i. Ya väꞌa, ya köo kúni i ikan i, ku ya íkan ka i.

ROMANOS 7:21

Ta xa ku̱ndaa ini i ya ndixa kua ndóꞌo i saa: chi tá kúni i ikan i ya vaꞌa, ta ya väꞌa íyo xiꞌin i kua köo táxi ikan i saa.

ROMANOS 8:6

Ta saa naꞌa na íkan ndisaa ya kúni mií ikin kuñu na, ta tíꞌvi na mií na ku̱aꞌan na ichí nuu ndiꞌi xaꞌa na kuvi na nuu Ndioxi. Sundi naꞌa, na xáa súvi ya kúni mií Tachi I̱í Ndioxi ta kutaku na xiꞌin Ndioxi, saa koo vaꞌa ni ini na.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

Gálatas 6:10

Ndiꞌi saa ichí ya kúchiñu yo chindee taꞌan yo xiꞌin naꞌa, ta vaꞌa ná ikan yo ya vaꞌa xiꞌin ndiꞌi na. Ta ndisaa ka vi na taꞌan yo, na ndáa ni ini xíni Jesucristo, ná chindee taꞌan ni yo xiꞌin na.

Colosenses 3:15

Ta taxi ndo ná koo ya vaꞌa táxi Cristo ndaꞌa ndo ya kaꞌnda chiñu ya nima ndo, chi mií Cristo ku ra ka̱na ndóꞌo̱ ya nduu ndo iin ikin kuñu xiꞌin ra, ta taxi ni ndo tixaꞌvi ndaꞌa Ndioxi ndiꞌi saa ichí.

1 Timoteo 6:18

Vaꞌa kaꞌan un xiꞌin nda ñani yo, nda ndúkuika ni, ya xíniñuꞌu nda ikan ni nda ya vaꞌa. Ta ná küxiꞌnda nda, ná kusini ni nda nditaꞌvi nda ñaꞌa nda xiꞌin inka naꞌa.

HEBREOS 12:14

Ta nduku ndo kuꞌva ya koo vaꞌa ni ndo xiꞌin ndiꞌi naꞌa. I̱í ni koo ndo, saa chi tá tu köo i̱í ini ndo ta küchiñu ndo kuni ndo Ndioxi. Ta ni nda iin naꞌa, ta küchiñu na kuni na ra, tá tu kéꞌe na ya väꞌa.

HEBREOS 13:16

Ta ndïndoso ini ndo ya ikan ndo ya vaꞌa xiꞌin taꞌan ndo. Saa chindee ndo na taꞌan ndo xiꞌin ya kúu mií ndo, saa chi tá íkan ndo saa ta tá íin ya sóko ndo nuu Ndioxi saa íin ya íkan ndo, ta kúvaꞌa ni ini Ndioxi xiꞌin ya íkan ndo.

Santiago 4:17

Saa chi tá xíni ndo ya xíniñuꞌu ndo xaa súvi ndo chiñu vaꞌa, ta köo xáa súvi ndo ya, xaꞌa ya íkan ndo saa ta kuachi va kua nuu Ndioxi.

1 Pedro 3:12

Saa chi mií Ndioxi ku ra ndáa naꞌa, na vaꞌa, na ndaa ini, ta xíni soꞌo ra ya káꞌan na xiꞌin ra. Sundi sâa va ra xiꞌin naꞌa, na íkan ya väꞌa, káchi tuꞌun Ndioxi.

3 Juan 1:11

Ñani yo, kündikun un ichí na íkan ya väꞌa, ichí na íkan ya vaꞌa kundikun un. Saa chi na íkan ya vaꞌa ta na ñaa ku seꞌe Ndioxi, ta na íkan ya väꞌa ta täꞌan kuni na Ndioxi.