1 Pedro 2:6 - Xochapa Mixteco

⁶ Saa káꞌan tuꞌun Ndioxi ya ta̱a na xinaꞌa, káchi ya saa: Koto ndo chinduꞌu i yu̱ú ya ndee ni ndáa yaꞌvi, ya luvi ni ndíkaa tutun xaꞌa veꞌe i ya kuaꞌa ñuu Sión. Ndiꞌi naꞌa, na kándixa ni taa ra káa tá káa yu̱ú ikán, ta nda iin kivi kükaꞌán nuu na, ni ndïkava ini na xiꞌin ra, káchi tuꞌun Ndioxi.

1 Pedro 2:6 Mawu Ofanana

San Mateo 12:18

Ra yóꞌó ku taa ra ndi̱kaxin i xaa chiñu nuu i. Kúꞌvi ni ini i xíni i ra, ta kúsini ni i xiꞌin ra. Taxi i Tachi i koo ya xiꞌin ra. Saa kaꞌan ndoso ra ya ndaa xiꞌin ndiꞌi na köo kúu Judío.

San Marcos 12:10

Saa ndi̱kaꞌan ka Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi ya káchi saa?: Yu̱ú ya ku̱ndasi nda síkuaꞌa veꞌe, ku yu̱ú ya ndee ni ndee, ta ya ikán kua xíniñuꞌu ni ka.

San Lucas 20:17

Ñaa ndi̱koto ra nuu na ta ndi̱kaꞌan ra xiꞌin na, káchi ra saa: ―¿Án köo kándixa ndo ya káꞌan tuꞌun ndíchi yóꞌó? ¿Ta unkua kúni kaꞌan tuꞌun Ndioxi ya ta̱a na xinaꞌa? Chi tuꞌun ikán káꞌan ya: Yu̱ú ya xíniñuꞌu ni na síkuaꞌa veꞌe kua ikán. Ta köo ndi̱xiin na kuniñuꞌu na ya, ku̱ndasi na ya.

San Lucas 23:35

Ta ndíta ndiꞌi na xíto na ya ndóꞌo Jesús, nda mií na chiñu kúsiki ndaa ñaꞌa, káchi na saa: ―Ku̱chiñu ra chi̱ndee ra inka naꞌa, ta vitin ná chindee ra mií ra. Tá tu ndixa ra Cristo, ra ndi̱kaxin Ndioxi vaxi sikaku yoo ku ra, ta ná sikaku ra mií ra ―káchi na.

San Juan 7:38

Na kándixa yeꞌe, tá káa nuu kána tikuii xínu rá kuaꞌan rá, saa koo rá ini na, tá kuꞌva káꞌan tuꞌun Ndioxi ―káchi Jesús xiꞌin na.

Los Hechos 1:16

―Ndóꞌo̱ ñani yo, Tachi I̱í Ndioxi ndi̱kaꞌan ya tixin tuꞌun ra ya ta̱a ra David xaꞌa ra Judas, ndi̱kaꞌan ya xaꞌa ra ya ndixiko ra Jesús, ta xaꞌa ya yóꞌó kua xi̱ndaka ra naꞌa ndi̱xaꞌan na xiꞌin ra ti̱in na Jesús, chi saa ku nuu ndi̱xinu tuꞌun Ndioxi ya xa íyo xaꞌa ra Judas ya xíniñuꞌu ra kundoꞌo ra saa.

ROMANOS 10:11

Chi saa káꞌan tuꞌun Ndioxi ya ta̱a na xinaꞌa, káchi ya saa: “Ndiꞌi naꞌa, na kándixa ñaꞌa ta ndïko koo ini na xaꞌa ya kándixa na ra”, káchi ya.

Efesios 1:4

Nda yachi ka tá täꞌan xikoo xaꞌa ñuu ivi vi kua ndi̱kaxin ra yoo tixin Jesucristo ya ná nduu yo naꞌa, na i̱í, na köo nda iin kuachi ku mií nuu ra.

Efesios 2:20

Ta ndóꞌo̱ kándixa Jesucristo tá káa iin veꞌe ya síkuaꞌa Ndioxi saa íin ndo. Chi tuꞌun ya sínaꞌa nda profeta ndóꞌo̱, án ya sínaꞌa nda apóstol ndóꞌo̱, ta tá iin xaꞌa veꞌe ya táva na saa íin tuꞌun ya sínaꞌa nda ndóꞌo̱. Ta tá káa iin yu̱ú ya ndíkunduꞌu tutun veꞌe ya ndee ni xíniñuꞌu, saa káa Cristo xiꞌin ndo.

2 Timoteo 3:16

Chi ndiꞌi tuꞌun Ndioxi ya íyo nuu tutu ra, ya i̱í, ta mií Tachi ra ku ya si̱ndikaꞌán ini naꞌa ya ta̱a na ya. Ta vaꞌa ni ya chi sínaꞌa ya yoo, saa káꞌan tu ya xiꞌin yo táxi ya kuachi xaꞌa yo tá väꞌa íkan yo, ta ndása ndǎku ya ini yo, ta sínaꞌa tu ya yoo ya ikan yo chiñu vaꞌa tá kuꞌva kúni mií Ndioxi.

1 Pedro 2:4

Vaꞌa kuyati ndo nuu Tata yo Jesucristo ra káa tá káa yu̱ú ya táku, ya ku̱ndasi nda síkuaꞌa veꞌe, sundi Ndioxi ta ndi̱kaxin ñaꞌa ra, chi ya ikán ka kua ndee ni ndáa yaꞌvi nuu ra, ta yáꞌa ni yaꞌvi ya.

1 Pedro 2:8

Saa káꞌan ka tuꞌun Ndioxi, káchi ya saa: Yu̱ú ikán kua síkakiꞌi xaꞌa naꞌa, na köo xíin kandixa, ta kákiꞌi xaꞌa na nuu ya. Ndiꞌi na kákiꞌi xaꞌa ta kóyo na nuu ya, na ikán ku na köo xíin kuni soꞌo ya káꞌan Ndioxi, ni köo xíin na xaa súvi na ya káꞌan ra. Chi xa saa chi̱tuni Ndioxi kundoꞌo na xïin kuni soꞌo ya káꞌan tuꞌun ra.

2 Pedro 1:20

Ta vaꞌa ná kundaa ini ndo xaꞌa tuꞌun ya ta̱a nda ndi̱kaꞌan ndoso tuꞌun yuꞌu Ndioxi, chi nda iin nda köo ndíkani ya tá kúꞌva kúni mií nda.

2 Pedro 3:16

Ta soꞌva íyo ndiꞌi ya ndi̱kaꞌan ra nuu ndiꞌi tutu ya ta̱a ra. Ta íyo sava ya ndee ni ndíchi kundaa ini yo xiꞌin, yakan káva sava naꞌa ya, na köo xíni, na köo kúndaa vaꞌa ini xiꞌin ya, na täꞌan kuaꞌnu vaꞌa xiꞌin tuꞌun ra. Na ñaa ku na káva ya, ndísama na tuꞌun ya ndaa ni si̱naꞌa ra ñani yo Pablo xaꞌa tuꞌun Iva yo Ndioxi. Ta xaꞌa ya íkan na saa, ta síndiꞌi na xaꞌa mií va na.