1 Pedro 2:12 - Xochapa Mixteco

¹² Vívií koo ndo tañu naꞌa, na köo xíni Ndioxi, chi án sana kaꞌan na xaꞌa ndo ya köo vaꞌa íkan ndo, kachi na. Ta saa tá ná kuni na ya vaꞌa ní íyo ndo ta saa xaa kaꞌnu na Ndioxi tá kivi ná kixi ra xaa nani ra kuachi xiꞌin na ñuu ivi.

1 Pedro 2:12 Mawu Ofanana

San Mateo 10:25

Ta ra síkuaꞌa ta kuchiñu ra nduu ra tá kuꞌva káa maestro ra, ta ra moso kuchiñu ra nduu ra tá kuꞌva káa patrón ra. Ta saa ndóꞌo̱, tá kuꞌva ndóꞌo i saa ndoꞌo ndo, tá káꞌan na xiꞌin i saa kaꞌan na xiꞌin ndo, chi yeꞌe ta ndi̱kaꞌan na xaꞌa i ya náni i Beelzebú, ta ndisaa ka vi ndóꞌo̱ ndíkun sata i, kuaꞌa ni ya kaꞌan na xaꞌa ndo, xaꞌa ya ndíkun ndo yeꞌe ―káchi Jesús xiꞌin nda ítaꞌan xiꞌin ra.

San Mateo 5:11

’Vaꞌa ni kée ndo, tá íyo naꞌa kánaꞌa xiꞌin ndo, sítixuꞌvi na ndóꞌo̱, ta káꞌan kini na xiꞌin ndo, xaꞌa ya ndíkun ndo yeꞌe.

San Mateo 5:16

Saa ndóꞌo̱, koo ndo tá kuꞌva kúni Ndioxi, ta saa kuchiñu ndiyeꞌe ndo tá kuꞌva ndíyeꞌe ñu̱ꞌu̱ xaꞌa ñaꞌa ya vaꞌa íkan ndo, ta saa kuni naꞌa ya íkan ndo ta kaꞌan vaꞌa na xaꞌa Iva yo Ndioxi ta xaa kaꞌnu na ra ―káchi Jesús xiꞌin na.

San Mateo 9:8

Tá xi̱ni naꞌa ya ndu̱vaꞌa ra ikán, saa ndi̱kanda ni ini na, ta xa̱a kaꞌnu na Ndioxi xaꞌa ya ta̱xi ra ndee ra ndaꞌa na ñuu ivi yóꞌó.

San Lucas 1:68

Kaꞌnu ni ná koo Ndioxi ra chíndee yoo na Israel, saa chi vaxi ra koto ra yoo saa saña ndíka ra yoo.

San Lucas 19:44

Iin sindiꞌi vaꞌa na xaꞌa ndo. Nda iin yu̱ú xaꞌa veꞌe ndo ndöo ikan na. Iin ndiꞌi vaꞌa xaꞌa ñuu ndo, saa chi köo xíin ndo ndikuni ndo yeꞌe, ya sikaku i ndóꞌo̱ ―káchi Jesús xiꞌin na.

San Lucas 6:22

’Vaꞌa ni kée ndo tá tu kúndasi nuu naꞌa xíni na ndóꞌo̱, köo xíin ka na kaꞌan na xiꞌin ndo, káꞌan uꞌvi na xaꞌa ndo, chínuu kuéꞌe na tuꞌun ndo xaꞌa ya kándixa ndo yeꞌe, ra kú Taa ra xa̱a ñuu ivi yóꞌó.

San Juan 13:31

Tá ke̱ta ra Judas kuaꞌan ra, saa ndi̱kaꞌan Jesús xiꞌin nda ítaꞌan xiꞌin ra, káchi ra saa: Vitin kua kuni naꞌa ya chee ni Taa ra xa̱a ñuu ivi yóꞌó, ta tixin ra ikán kua ndikunuu ya toꞌo Iva ra.

Los Hechos 15:14

Xa xi̱ni soꞌo yo ya ndi̱kaꞌan ra Simón Pedro xiꞌin yo xaꞌa na köo kúu judío ndá kuꞌva kua ndi̱kuiso Ndioxi na tá núnu̱ú ya kundikun na ra, saa ndu̱u na ñuu ra, ndi̱kunuu kivi ra xiꞌin na.

Los Hechos 24:13

Süvi ya ndaa kua káꞌan nda xaꞌa i xiꞌin un, nda iin ñaꞌa ndíkuiin xaꞌa ya káꞌan nda xaꞌa i köo ya ndaꞌa nda.

Los Hechos 25:7

Saa ndi̱xaa ra Pablo nuu ra. Tá kuakiꞌvi ra nuu índuꞌu mií ra gobernador ikán, ñaa ndi̱katin ndiꞌi nda judío nda ke̱e ñuu Jerusalén táxi nda kuachi xaꞌa ra, ta kuaꞌa ni kuachi ndee chíkaa ñaꞌa nda, sundi köo ya ndíkuiin xaꞌa ya káꞌan nda xaꞌa ra.

Los Hechos 28:22

Ta ndeꞌe kúni nde kundaa ka ini nde ndá kuꞌva íyo ichí ya káꞌan un xaꞌa ñaa. Chi ndiꞌi ni kúu ñaꞌñu xíni soꞌo nde kánaꞌa na xaꞌa ichí ñaa ya kua ichí siki ―káchi nda naꞌnu nuu na judío xiꞌin ra Pablo.

ROMANOS 12:17

Tá väꞌa íkan naꞌa xiꞌin ndo, ta ïkan ndo tá íkan na. Kundiꞌi ni ka ini ndo ikan ndo ya vaꞌa nuu ndiꞌi naꞌa.

ROMANOS 13:13

Vívií ná koo yo, tá kuꞌva íin naꞌa, na xíka nduvi teꞌe, saa ná koo yo. Ta ná küꞌun yo nuu viko nuu xíxi náꞌna naꞌa, ta xíꞌi ni na, ni nuu kini ni káa, nuu ñúꞌu taa xiꞌin ná síꞌi. Nda iin ñaꞌñu yóꞌó köo xíniñuꞌu yo kuꞌun yo. Ná käni taꞌan yo xiꞌin nda iin naꞌa, ni ná küu uni ini yo kuni yo inka naꞌa.

ROMANOS 14:18

Tá íkan ndo saa xáa chiñu ndo nuu Jesucristo, ta xáa sini ni ndo ini Ndioxi, nda naꞌa ta vaꞌa ni káꞌan na xaꞌa ndo.

ROMANOS 15:9

Saa ki̱xi tu ra ya i̱kan ra ya vaꞌa xiꞌin naꞌa, na köo kúu judío, ya ná xaa kaꞌnu na Ndioxi, xaꞌa ya kúndaꞌvi ini ra xíni ra na, tá káchi tuꞌun ra ya káchi saa: Tata Ndioxi, nda tañu naꞌa, na köo xíni yóꞌo̱, xaa kaꞌnu i yóꞌo̱. Ta kata i yaa i̱í nuu un. káchi ya.

1 Corintios 14:25

Saa ndituvi ndiꞌi ya íyo sěꞌe nima na. Ñaa ndi̱kuita ndee na sikusiti na, ta xáa na xaa kaꞌnu na Ndioxi. Saa kaꞌan na ya ndaa ni kua íyo Ndioxi xiꞌin ndo.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

2 Corintios 13:7

Nina saa káꞌan ni nde xaꞌa ndo xiꞌin Ndioxi ya ná ïkan ndo ndá ka ñaꞌa väꞌa, ya káꞌan nde saa xiꞌin ndo, ta süvi xaꞌa ya kúni nde ya ná kuni naꞌa ya ndi̱yaꞌa vaꞌa nde nuu ya xi̱to ndoso nde mií nde kua. Káꞌan nde saa xiꞌin ndo ya ná ikan ndo ñaꞌa vaꞌa nuu Ndioxi, vani sava ndo ndíkani ini xaꞌa nde ya köo ndi̱yaꞌa nde nuu ya xi̱to ndoso nde mií nde, kaꞌán ndo.

2 Corintios 8:21

Ta vívií ni va xáa súvi nde chiñu yóꞌó nuu Tata yo, ta süvi ndisaa nuu mií ra íkan nde saa, chi saa vívií íkan tu nde nuu naꞌa va.

Efesios 2:3

Saa ndi̱xiyo ndiꞌi va yo yachi: I̱kan ni yo ndiꞌi nuu ñaꞌa ya väꞌa, ya ku̱too ni mií ikin kuñu yo ikan ya. I̱kan yo tá kuꞌva íkan ndiꞌi naꞌa, xa̱a súvi ni yo ndiꞌi ñaꞌa ya ndi̱kani ini yo vaꞌa ni nuu yo, túvi yo. Ta xaꞌa ya ikán kua xíniñuꞌu yo sitixuꞌvi ni Ndioxi yoo, chi sáa ni ini ra xíni ra ya väꞌa íkan yo.

Efesios 4:22

Xaꞌa ya ñaa kua köo ka ndo tá kuꞌva ndi̱xiyo ndo yachi. Vaꞌa sindoo ndaꞌa ndo kuꞌva yata ya ndi̱xiyo ndo, chi ya ikán ta kúni ya sindaꞌvi ya ndóꞌo̱ ya xaa súvi ndo ya kúni mií ya.

Filipenses 1:27

Ta kuenta ni koo ndo xaa súvi ndo ndisaa ya káꞌan tuꞌun ra xiꞌin ndo. Án xaa i koto i ndóꞌo̱ án xäa i nuu ndo, sundi kúni i kuni soꞌo i tuꞌun vaꞌa xaꞌa ndo ya ndaku ni íyo ndo xiꞌin tuꞌun Tata yo, ta iin yuꞌu ni ku ndo, iin ítaꞌan ndiꞌi ndo xáa chiñu ndo xaꞌa ra.

Filipenses 4:8

Ta vitin kúni i kaꞌan i xiꞌin ndo unkua xíniñuꞌu ndo ndikani ini ndo xaꞌa: Nina ya ndaa, nina ya íyo ya toꞌo xaꞌa, nina ya ndǎku, nina ya vaꞌa, nina ya luvi, nina ya ínuu vaꞌa tuꞌun xaꞌa ndikani ini ndo. Ta saa ndikani ni tu ini ndo xaꞌa ya ndee ni ndáa yaꞌvi xiꞌin ndiꞌi ya ndee ni xáa kaꞌnu Ndioxi.

1 Tesalonicenses 4:12

Tá íkan ndo saa xáa súvi ndo ya káꞌan nde xiꞌin ndo, ta köo xíniñuꞌu ndo nduku ndo ya xíniñuꞌu ndo nuu inka naꞌa. Ni naꞌa, na köo xíni Ndioxi ta chinuu vaꞌa ni na tuꞌun ndo.

1 Timoteo 2:2

Saa kaꞌan ni ndo xiꞌin ra xaꞌa ndiꞌi ni kúu na chiñu naꞌnu xiꞌin na chiñu vali ya ná kuchiñu koo vaꞌa ni ini yo xiꞌin taꞌan yo, ta ná kandixa ni yo Ndioxi. Saa ná koo vaꞌa ndiꞌi yo xiꞌin taꞌan yo, ná xaa toꞌo taꞌan yo.

1 Timoteo 4:12

Täxi un xaa ni̱nu̱ na yóꞌo̱, xaꞌa ya loꞌo un, kuâán un. Vivií koo un nuu na ya ná kuni na ikan na taꞌan ya vaꞌa íkan un, xaꞌa kuꞌva ndituꞌun un xiꞌin na, xiꞌin kuꞌva xíka un nuu na, xiꞌin kuꞌva kúꞌvi ini un xíni un na, saa kundaa ni ini un kuni un Tata yo Jesucristo, kundaa ni un mií un, xäa yakua xiꞌin mií un.

1 Timoteo 5:10

Ta saa tu ná ndóso vaꞌa tuꞌun xaꞌa ya íkan ná ya vaꞌa, ta vaꞌa ni xi̱ndaa ná seꞌe ná, ta saa ndi̱kuiso vaꞌa ni ná na xáa veꞌe ná, ta ndi̱kata ná xaꞌa nda ñani yo xiꞌin ná kuꞌva yo, saa chi̱ndee taꞌan ná xiꞌin naꞌa tá xi̱ñúꞌu na nuu tindoꞌo, ta vaꞌa ni i̱kan ná xiꞌin ndiꞌi naꞌa.

HEBREOS 13:18

Ta kaꞌan ni ndo xaꞌa ndeꞌe xiꞌin Ndioxi, saa chi xíni nde ya íyo vaꞌa ya xínituni nde nuu ra, ta ndisaa ya vaꞌa kúni nde ikan nde nuu ra.

HEBREOS 13:5

Kütoo ni ndo koo kuaꞌa ni xuꞌun ndo, án koo kuaꞌa ni ñaꞌa ndo. Vaꞌa kusini ni ndo xiꞌin ndisaa ñaꞌa ya xa kúu mií ndo, saa chi Ndioxi, káchi ra saa: “Nda iin ichí sïndoo ndaꞌa i ndóꞌo̱, ta ni sïndoo mií i ndóꞌo̱”, káchi ra.

Santiago 3:13

Ñani yo, tá íyo sava ndo ndíchi ni, saa íyo ni ya vaꞌa ndo, xínituni ni ndo xaꞌa ichí Iva yo Ndioxi, ta vaꞌa sinaꞌa ndo ya xiꞌin chiñu vaꞌa, ya toꞌo, saa kua sinaꞌa ndo mií ndo ya kúu ndo naꞌa, na ndee ni táku ini, na ndaꞌvi ni ini.

1 Pedro 2:15

Saa chi Ndioxi ta kúni ra ya ná ikan ndo ya vaꞌa, saa kua küchiñu na kíꞌvi, na köo xíin kundaa ini xaꞌa ya ndaa, küchiñu na taxi na kuachi síki xaꞌa ndo.

1 Pedro 3:16

Tá ndíkuiin ndo yuꞌu na, ta vií ndikuiin ndo yuꞌu na xiꞌin ya toꞌo, ni̱nu̱ koo ini ndo xiꞌin na, ni ya xínituni ndo ta täxi ya kuachi xaꞌa ndo. Tá ndá naꞌa kánaꞌa xaꞌa ndo xaꞌa ya vaꞌa íkan ndo, ya ndíkun ndo Tata yo Jesucristo, ta kukaꞌan nuu mií va na xaꞌa ya íkan na saa xiꞌin ndo.

1 Pedro 4:11

Ta ndóꞌo̱ ndi̱niꞌi ya vaꞌa xínituni ke̱e nuu Ndioxi ya kaꞌan ndoso ndo, ta vaꞌa kaꞌan ndoso ndo tá kuꞌva kúni mií Iva yo Ndioxi. Ta saa ndóꞌo̱ ndi̱niꞌi ya vaꞌa chindee taꞌan ndo xiꞌin inka naꞌa, ta vaꞌa chindee taꞌan ndo xiꞌin na xiꞌin ndiꞌi ndee ya ta̱xi Iva yo Ndioxi ndaꞌa ndo. Ta ndiꞌi ya íkan ndo, ta vaꞌa ikan ndo ya, ya xaa kaꞌnu ndo Ndioxi tixin Tata yo Jesucristo, ra ndee ni ndee ku mií xiꞌin ya luvi ni kúu mií ra, ta saa koo ra ndiꞌi saa kúu tiempo. Saa ná koo.

2 Pedro 3:11

Iin ndiꞌi xaꞌa yaa ya, yakan ndóꞌo̱ ta ndikani vaꞌa ini ndo ndá kuꞌva xíniñuꞌu ndo koo ndo, vívií koo ndo, i̱í koo ndo tá kuꞌva kúni mií Iva yo Ndioxi saa koo ndo.