1 Pedro 2:1 - Xochapa Mixteco

¹ Xaꞌa ya ñaa kua sindikoo ndo ya väꞌa íkan ndo, sïndaꞌvi taꞌan ka ndo, köo ka ndo na uvi ini, ta ni kûni ini ndo kuni taꞌan ndo, ni käꞌan vata ka ndo xaꞌa taꞌan ndo.

1 Pedro 2:1 Mawu Ofanana

San Mateo 15:7

¡Ndóꞌo̱ uvi ini ku ndo! Ndaa ni ndixa ndi̱kaꞌan ndoso ra Isaías xaꞌa ndo tá ndi̱kaꞌan ra, káchi ra saa:

San Mateo 23:28

Nda tá íin ya ikán saa íin ndo, chi sata va ndo vaꞌa ni náꞌa nuu inka naꞌa, ta ini ndo iin chútu ndaa ya väꞌa xiꞌin ya vata, ndóꞌo̱ uvi yuꞌu ku ndo.

San Mateo 24:51

Ta ndee ni sitixuꞌvi ñaꞌa patrón ra. Ñaa tiꞌvi ñaꞌa ra kuꞌun ra nuu ndóo na väꞌa, na uvi ini. Ta ikán ku nuu kuaku ni na ndakua ndikaxi nuꞌu na, xaꞌa ya ndee ni tíxuꞌvi na.

San Mateo 7:5

Xiꞌna xíniñuꞌu un tava un nduku chee ndíkaa nuu un, saa kuchiñu koto vaꞌa un, tava un miꞌí loꞌo ndíkaa nuu ñani un. ¡Ndachu uvi ni ini un!

San Marcos 12:15

Ta xa ku̱ndaa va ini Jesús nda uvi yuꞌu ku nda, saa ndi̱kaꞌan ra xiꞌin nda, káchi ra saa: ―¿Ndachu kua xíto ndoso ndo yeꞌe? Taxi ndo iin xuꞌun kàà ná koto i nuu ya ―káchi ra xiꞌin nda.

San Lucas 11:44

’¡Ndaꞌvi ni ndóꞌo̱ sínaꞌa ley ya ta̱a ra Moisés xiꞌin ndóꞌo̱ fariseo, ndóꞌo̱ uvi yuꞌu ku ndo!, chi tá káa nuu ndúxin ndìì, saa íin ndo, chi köo náꞌa sata ya yáꞌa naꞌa xáñu na sata ya, sundi chí ini ya maa ta kini ni káa, táꞌi kuñu ini ya ―káchi Jesús xiꞌin nda fariseo.

San Lucas 12:1

Káꞌan nda saa xiꞌin ra ta saa ndi̱kaya naꞌa, kuaꞌa ni mil ku na ndi̱kaya, iin chíndaꞌa taꞌan mií na. Ta saa xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Kuenta ni koo ndo, koto ïkan ndo tá íkan nda fariseo. Saa chi nda ikán ta yáꞌa ni uvi yuꞌu nda, tá káa uxan iya ya kée xiꞌin uxan xita vaꞌa, saa íin nda.

San Lucas 6:42

Käꞌan ndo xiꞌin ñani ndo: “Kundatun naꞌa un ná tava i xeꞌe ndíkaa nuu un”, kachi ndo. Saa chi chee ni ka itun viga ndíkaa nuu mií ndo. ¡Ndóꞌo̱ uvi yuꞌu ku ndóꞌo̱! Xiꞌna tava ndo itun ndíkaa nuu mií ndo, ta saa kuchiñu ndo tava ndo xeꞌe loꞌo ya ndíkaa nuu ñani ndo ―káchi Jesús xiꞌin na.

San Juan 1:47

Tá xi̱ni Jesús kúyati ra Natanael xaa ra nuu ra, ta saa ndi̱kaꞌan ra xaꞌa ra, káchi ra saa: ―¡Ra vaxi yóꞌo̱ ta mií ra ñuu Israel, ra ndaa ni ini ku ra, ta ni köo ya síki íyo ini ra! ―káchi Jesús xaꞌa ra.

ROMANOS 1:29

Ta íyo ni ndiꞌi nuu ya väꞌa ini na. Nda taa kuakiꞌvi nda xiꞌin ná ñaꞌa, ta süvi ná síꞌi nda ku ná, saa ná ñaꞌa kuakiꞌvi ná xiꞌin taa, ta süvi ií ná ku nda. Kini ni íkan na xiꞌin mií na. Ni köo xáa ini na xiꞌin ya kuika kúu mií na, nina ya väꞌa kútoo na ikan na, uní ni ini na, na xáꞌni ndìì ku na. Kútoo ni na kani taꞌan na xiꞌin taꞌan na, síndaꞌvi na naꞌa, ikú ni na.

1 Corintios 14:20

Ñani yo, vaꞌa ndikani ini ndo tá kuꞌva ndíkani ini naꞌa, na xa xuxa ini, ta ndïkani ini ndo tá kuꞌva ndíkani ini na vali xaꞌa ñaꞌa ya káꞌan i xiꞌin ndo. Ndisaa nuu ya väꞌa ná koo naá ni ini ndo tá kuꞌva naá ni nuu na vali nuu ya väꞌa, saa ná koo ndo.

1 Corintios 5:8

Yakan kua xíniñuꞌu yo sindoo yo ndiꞌi ya väꞌa ikán yo, saa koo yo tá kuꞌva kúni mií Ndioxi, nduu yo tá íin naꞌa, na ndixa ni ndaa ini, na ndǎku ini. Tá ná ikan yo saa kua nduu yo tá íin naꞌa, na táva viko pascua nuu xíxi na xita vaꞌa ya köo uxan iya yata xiꞌin, chi uxan iya yata kua káa tá káa ndiꞌi nuu kuachi ya kini ni káa.

2 Corintios 12:20

Ta yeꞌe, ta ndíꞌi ni va ini i tá ná xaa i koto i ndóꞌo̱, chi sana ndïtaꞌan i ndóꞌo̱ tá kuꞌva ndíkani ini i nditaꞌan i ndóꞌo̱, án sana ndïtaꞌan tu ndóꞌo̱ va yeꞌe tá kuꞌva ndíkani ini ndo nditaꞌan ndo yeꞌe. Saa ndíꞌi ni ini i xiꞌin ndo chi sava ndo ta án sana kánitaꞌan va ndo, ta sava tu ndo án sana kûní tu ini ndo xíni taꞌan va ndo, ta sava tu ndo án sana sáa ini ndo xíni taꞌan va ndo, ta sava tu ndo án sana ta̱ꞌvi taꞌan va ndo, saa tu sava ndo án káꞌan kini ndo xiꞌin taꞌan va ndo, sava tu ndo án sana kánaꞌa ndo xaꞌa taꞌan va ndo, ta sava tu ndo án ndee ni kútai ini ndo nuu taꞌan va ndo, saa tu sava ndo án sana ndu̱u iku ni ini va ndo xiꞌin taꞌan ndo.

Efesios 4:31

Ta vaꞌa ndindoso ini ndo xaꞌa ya väꞌa i̱kan naꞌa xiꞌin ndo. Ndiꞌi ya ndee ni kini sáa ini ndo, xiꞌin ya ndúkueꞌe ni ini ndo, xiꞌin ya ndee ni ndáꞌi ndo nuu taꞌan ndo, xiꞌin ya kánaꞌa ndo xaꞌa na taꞌan ndo tin ndiꞌi ka ya väꞌa ndíkani ini ndo.

1 Tesalonicenses 2:3

Saa chi süvi ya sána ini nde ku ya ndi̱kaꞌan ndoso nde xiꞌin ndo, ta ni köo ndi̱xika kiꞌvi ini nde xiꞌin ndo, ni köo ndi̱sindaꞌvi nde nda iin ndo.

1 Timoteo 3:11

Tá kuꞌva íyo nda taa, saa xíniñuꞌu koo tu ná ñaꞌa va. Köo xíniñuꞌu ná kaꞌan vata ná xaꞌa naꞌa, ta xíniñuꞌu ná ndi̱xita ná mií ná nuu ya väꞌa, saa xíniñuꞌu ná vií xa súvi ná ndiꞌi ndá ka chiñu ya káꞌan ná, saa kua vaꞌa kandixa naꞌa ndiꞌi ya káꞌan ná xiꞌin na.

Tito 2:3

Ta kuꞌva saa sinaꞌa tu un ná kuꞌva yo ná nána chee xikuaꞌa, vií ná koo ná, ná koo ná xiꞌin ya toꞌo nuu Ndioxi. Kaꞌan xiꞌin ná, ná käꞌan vata ná xaꞌa naꞌa, ni ná küu ná ñaꞌa ndee ni kútoo koꞌo ndixi, xíniñuꞌu ná sinaꞌa ná ya vaꞌa.

HEBREOS 12:1

Ta xa xíni yo yáꞌa ni kuaꞌa ku naꞌa, na xi̱ndaa ni ini xi̱ni Ndioxi. Ta saa ná ikan yoo tá kuꞌva i̱kan na ikán. Ta ná xaꞌa ni ka yo ndee xiꞌin mií yo, ndinuꞌu ni ini yo ná kaka yo ichí Iva yo Ndioxi, ta saa ná sindoo ndiꞌi yo ya sási nuu yo, xiꞌin ya väꞌa ya síkoyo yoo nuu kuachi.

Santiago 1:21

Xaꞌa ya ñaa kua vaꞌa ka sindoo ndiꞌi ndo ya väꞌa íkan ndo, xiꞌin ya kini ni íyo ka nima ndo. Ta xíniñuꞌu ndo kaꞌnu ndo mií ndo, xaa ni̱nu̱ ndo mií ndo ya ndikiꞌin ndo tuꞌun Ndioxi ya ta̱xi ra ndaꞌa iin iin ndo íyo ya nima ndo. Chi tuꞌun ra kua kúu mií ndee ya sikaku ya ndóꞌo̱.

Santiago 3:14

Ni ndíchi ni va tu ndo, sundi tá kǔní ni ini ndo xíni taꞌan ndo, án káni taꞌan ndo xiꞌin taꞌan ndo, ta chïnuu vaꞌa ndo tuꞌun ndo ni sïndaꞌvi taꞌan ndo, chi köo íkan ndo ya ndaa xiꞌin taꞌan ndo.

Santiago 4:11

Ñani yo xiꞌin kuꞌva yo, käꞌan väꞌa ndo xaꞌa ñani taꞌan ndo. Chi ndiꞌi ndóꞌo̱ íkan saa, ta tá íin ndo xáa nani kuachi xiꞌin taꞌan ndo, saa íin ndo, tá káꞌan väꞌa ndo xaꞌa ley saa xáa nani ndo ya káꞌan ya. Chi tá káꞌan väꞌa ndo xaꞌa ya ta köo xáa súvi ndo ya káꞌan ya, saa ndúu ndo tá íyo na xáa nani ya káꞌan va ya.

Santiago 4:5

Ta xaꞌa ya yóꞌó kua káꞌan tuꞌun Ndioxi, ya ta̱a na xinaꞌa, káchi ya saa: “Tachi I̱í Iva yo Ndioxi ya ta̱xi ra íyo nima ndiꞌi yo kándixa ñaꞌa, ta sâa va ya xiꞌin yo xaꞌa ya kúni yo ikan yo ya väꞌa”, káchi ya.

Santiago 5:9

Ñani yo xiꞌin kuꞌva yo, käꞌan kuachi ni ndo xaꞌa taꞌan ndo, chi ìyo ni taxi Ndioxi tindoꞌo kixi ya nuu ndo. Koto ndo chi mií Tata yo Jesucristo kúu juez, ta xa íyo tuꞌva ra ndíchi ra yéꞌe ya ndiko koo ra kixi ra.

1 Pedro 2:16

Chi ndóꞌo̱ ta ndo xa xíka ndíka ku ndo, köo núꞌni ka ndo ndaꞌa ya väꞌa ya ikan ndo ya väꞌa, yakan ndóꞌo̱ ta täa nuu ndo ya ñaa ya ikan ndo ndá ka chiñu väꞌa. Ya vaꞌa ni kua koo ndo tá kuꞌva íin naꞌa, na xáa chiñu nuu Ndioxi.

1 Pedro 2:22

Nda iin kuachi ra köo ndi̱xiyo, ni köo ndi̱sindaꞌvi ra nda iin naꞌa.

1 Pedro 3:10

Saa chi saa káꞌan tuꞌun Ndioxi, káchi ya saa: Tá ndá na kúni kutaku koo vií na xiꞌin ya vaꞌa, Ta kuenta ná koo na xiꞌin yuꞌu na, ná käꞌan na tuꞌun vata.

1 Pedro 4:2

xaꞌa ya íyo ndúvi na ya xaa súvi na ya kúni mií Ndioxi tiempo ya táxi ra táku ka na ñuu ivi yóꞌó, ta köo íyo ka na tá kuꞌva kúni mií ikin kuñu na.

1 Pedro 4:4

Xaꞌa ya ñaa kua káꞌan väꞌa naꞌa xaꞌa ndo, chi köo ítaꞌan ka ndo xiꞌin na, köo íkan ka ndo taꞌan ñaꞌa ya kini ni i̱kan ndo xiꞌin na yachi, ya síndiꞌi xaꞌa ndóꞌo̱ nuu Ndioxi.

El Apocalipsis 14:5

Saa chi nda iin tuꞌun vata köo ndi̱kana yuꞌu nda ikán kaꞌan nda, ta ni köo nda iin kuachi nda nuu Ndioxi.