1 Pedro 1:6 - Xochapa Mixteco

⁶ Xaꞌa ya ñaa kua kusini ni ndo vitin, vani vaxi kivi ya ndee ni kuaꞌa nuu tindoꞌo kixi nuu ndo koto ndoso ya ndóꞌo̱, ta kuaꞌa ndee ni ini ndo xiꞌin ya.

1 Pedro 1:6 Mawu Ofanana

San Mateo 11:28

Ndiꞌi ndóꞌo̱ xa ku̱naa ni nuu ndiꞌi chiñu ya íkan ndo, ta köo kúndee ka ini ndo xiꞌin ñaꞌa ndíso ndo, ta naꞌa ndo nuu i, taxi i ndikundee ndo.

San Mateo 26:37

Saa ndi̱kiꞌin ra ta Pedro xiꞌin uvi saa nda seꞌe ra Zebedeo ke̱e nda kuaꞌan nda xiꞌin ra, ñaa xa̱á kúchiꞌña ni ini ra, ta ndee ni kúsuchi ini ra.

San Mateo 5:12

’Tá ndóꞌo̱ ndo saa, tíxuꞌvi ndo, ta ná koo vaꞌa ni ini ndo, kusini ni ndo, saa chi chee ni koo ya vaꞌa taxi Ndioxi ndaꞌa ndo nuu ndivi. Saa ndo̱ꞌo nda ndi̱kaꞌan ndoso tuꞌun yuꞌu Ndioxi xi̱ndoo xi̱naꞌa, ndi̱xuꞌvi ni nda ―káchi Jesús xiꞌin na.

San Lucas 1:47

Saa kúsini ni ya vaꞌa i xiꞌin Iva yo ra síkaku yoo.

San Lucas 10:20

Ta küsini ndo xaꞌa ya xíni soꞌo kiti nǎꞌa tuꞌun xáꞌnda chiñu ndo nuu ri. Sundi kusini ni ndo chi xa ndi̱kunuu kivi ndo nuu ndivi ―káchi Jesús xiꞌin nda.

San Lucas 2:10

Saa ndi̱kaꞌan tatun ikán xiꞌin nda, káchi ya saa: “Ku ïꞌvi ndo chi ya vaꞌa vaxi i ndituꞌun i xiꞌin ndo, ya kusini ni ndiꞌi ku na ñuu ivi kua vaxi i kaꞌan i xiꞌin ndo.

San Juan 16:22

Ta saa ndóꞌo̱, vitin ta kúsuchi ni ini ndo, sundi ndiko koo tuku i koto i ndóꞌo̱, ta saa kusini ni ndo ndiꞌi saa ichí, ta nda iin naꞌa küchiñu kindaa ya kúsini ndo.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

Los Hechos 14:22

Tá ndi̱xaa nda iin iin ñuu ikán saa ta̱xi ka nda ndee ndaꞌa na ndíkun Jesús ya ná kundaa ni ka ini na kuni na ra. Ta saa ndi̱kaꞌan ka ra Pablo xiꞌin na, káchi ra saa: ―Xíniñuꞌu yo ndoꞌo ni yo saa kuchiñu yo kiꞌvi yo koo yo xiꞌin Ndioxi nuu xáꞌnda chiñu ra ―káchi ra xiꞌin na.

ROMANOS 12:12

Ta kusini ni ndo chi ndátun ndo taxi Ndioxi ya vaꞌa ndaꞌa ndo, tá vaxi tindoꞌo nuu ndo tíxuꞌvi ndo, ta kuaꞌa ndee ni ini ndo xiꞌin ya, ta xïkuiin ndo, kaꞌan ni ndo xiꞌin Ndioxi.

ROMANOS 5:11

Ta saa ni, süvi ndisaa ya yóꞌó ku ya táxi kusini yo, chi kúsini ni yo, ya xáa kaꞌnu ini Ndioxi xaꞌa yo. Ta xaꞌa ya i̱kan Tata yo Jesucristo xa̱a súvi ra chiñu ya si̱kitaꞌan mani ra yoo xiꞌin Ndioxi, ta vitin ndi̱kundoo vaꞌa yo xiꞌin ra.

ROMANOS 5:2

Saa tu xaꞌa ya kándixa yo Jesucristo kua ndi̱niꞌi uun yo nuu ndi̱kiꞌvi yo ndi̱kitaꞌan vaꞌa ni yo xiꞌin Ndioxi, ta ni küxika ka yo nuu ra. Saa kúsini ni yo chi kúndaa teꞌe ini yo ya koo yo xiꞌin ra nuu kuni yo ya chee ni kúu mií Ndioxi.

ROMANOS 9:2

Yeꞌe, ta ndee ni kúsuchi ini i, ta ndiꞌi saa kivi táꞌvi ka vi nima i xíni i na ñuu i na Israel.

2 Corintios 4:17

Chi tindoꞌo ya ndee ni ndóꞌo nde vitin tíxuvi nde, ta ni süvi ya ndee ni kua, ya yáꞌa va kua, ni köo ítaꞌan ya xiꞌin ñaꞌa ya ndee ni luvi táxi Ndioxi ndaꞌa nde níꞌi nde nuu ra, ta ya táxi ra ndaꞌa nde ta köo ndíꞌi xaꞌa nda iin ichí.

2 Corintios 6:10

Tá íin nde kúsuchi ni ini saa íin nde túvi na, ta süvi ya ndaa kua chi ndiꞌi saa va ichí kúsini ni nde. Tá íin ndeꞌe ndáꞌvi ni saa íin nde túvi na, ta süvi ya ndaa kua, chi ndiꞌi saa va ichí táxi nde ya kuika, ya vaꞌa vaxi nuu ndivi ndaꞌa kuaꞌa ni naꞌa. Tá íin ndeꞌe köo nda loꞌo ñaꞌa nuu, saa íin nde túvi na, ta süvi saa íyo ya chi íyo ndiꞌi va ñaꞌa táxi Ndioxi ndaꞌa nde.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

Filipenses 2:26

Tíꞌvi i ra xaa ra nuu ndo, chi kúni ni ra kuni ra ndóꞌo̱, saa ndíꞌi ni ini ra xaꞌa ndo chi ku̱ndaa ini ndo xaꞌa ra ya ndee ni ndo̱ꞌo ra ku̱ꞌvi ra.

Filipenses 3:3

Ta na ndixa kúu mií tuni Ndioxi ku yoo na káñuꞌu ni Ndioxi xiꞌin ndiꞌi nima yo, chi kúu mií yo Tachi Ndioxi. Ta kúsini ni yo xiꞌin ya i̱kan Tata yo Jesucristo xaꞌa yo. Ta köo kándixa yo ya sikaku ra yoo xaꞌa kuꞌva íin yo án xaꞌa ndá ka ñaꞌa ya íkan yo.

Filipenses 4:4

Ndiꞌi saa kivi ná kusini ni ndo xaꞌa Tata yo Jesucristo. Saa káꞌan tuku i xiꞌin ndo: Kusini ni ndo.

1 Tesalonicenses 1:6

Saa ta ndi̱nama ini ndo xa̱á ndo íkan ndo tá kuꞌva i̱kan nde, chi ndeꞌe ta i̱kan nde tá kuꞌva íkan mií Tata yo Jesucristo kivi xi̱ndoo nde xiꞌin ndo. Vani ndee ni ndi̱xiyo tindoꞌo nuu ndo xaꞌa tuꞌun ra, ta saa ni ndi̱kiꞌin ndo tuꞌun ra ya ndi̱kaꞌan nde xiꞌin ndo, saa ndu̱u sií ni ini ndo i̱kan mií Tachi I̱í ra.

Santiago 1:2

Ñani mani mií i ku ndo, ta káꞌan ni i xiꞌin ndo ya ná kusini ni ndo tá kivi vaxi tindoꞌo ya ndee ni uꞌvi nuu ndo xíto ndoso ya ndóꞌo̱.

Santiago 1:9

Ta ndóꞌo̱ ñani yo, ndóꞌo̱ kúndaꞌvi ni, ta ná kusini ni ndo, chi ndáa yaꞌvi ni ndo nuu Iva yo Ndioxi.

Santiago 4:9

Ta sinuu ndo ini ndo ná nu̱u ini ndo, kusuchi ini ndo kuaku ndo. Saa ndasa chiꞌña ndo ini ndo kuaku ni ndo, tá tu vaꞌa ni xáku ndo, ta vaꞌa ná sindikava ndo ini ndo.

1 Pedro 3:17

Tá tu saa kúni mií Ndioxi kundoꞌo ndo xaꞌa ya íkan ndo ya vaꞌa, ta vaꞌa ni kée ndo, süvi ka vi tá tu tíxuꞌvi ndo xaꞌa ya íkan ndo ya väꞌa.

1 Pedro 4:7

Ta vaꞌa ná kundaa ini ndo chi xa yati ni va ndiꞌi xaꞌa ñuu ivi yóꞌó, yakan ndóꞌo̱ ta káxin teꞌe koo ini ndo, ta ndinuꞌu ni ini ndo kaꞌan ni ndo xiꞌin Ndioxi ndiꞌi saa kivi.

1 Pedro 5:10

Sundi ndóꞌo̱ ta kündiꞌi ini ndo chi tá sindiꞌi ndi̱yaꞌa uvi ndaa kivi ya ndi̱xuꞌvi ni ndo, ta mií Ndioxi ku ra ndasa xuxa ini ndo, ta saa taxi ra ndee ndaꞌa ndo ya tuun ni kundikun ndo ra, saa niꞌi ndo ndee nuu ra ndundee ini ndo ta ta̱xi ra ichí ndaꞌa ndo tuun ni koo ndo xiꞌin ra.